헬라어 문장 검색 - Πλυταρ́Βρυτυσ́49́

(플루타르코스, Brutus, chapter 49)

προαγαγὼν δὲ τὴν φάλαγγα καὶ καταστήσασ ἐναντίαν τοῖσ πολεμίοισ ἐπεῖχε πολὺν χρόνον· ὑποψίαι γὰρ αὐτῷ καὶ μηνύσεισ κατά τινων προσέπιπτον ἐπισκοποῦντι τὸ στράτευμα· καὶ τοὺσ ἱππέασ ἑώρα μάχησ ἄρχειν οὐ πάνυ προθύμουσ ὄντασ, ἀλλ’ ἀεὶ προσμένοντασ τὸ τῶν πεζῶν ἔργον. εἶτ’ ἐξαίφνησ ἀνὴρ πολεμικὸσ καὶ τετιμημένοσ ἐπ’ ἀνδρείᾳ διαπρεπῶσ παρὰ τὸν Βροῦτον αὑτὸν ἐξιππασάμενοσ μεταβάλλεται πρὸσ τοὺσ πολεμίουσ·

Καμουλᾶτοσ δὲ ἐκαλεῖτο. τοῦτον ἰδὼν ὁ Βροῦτοσ ἤλγησεν ἰσχυρῶσ· καὶ τὰ μὲν ὑπ’ ὀργῆσ, τὰ δὲ φόβῳ μείζονοσ μεταβολῆσ καὶ προδοσίασ εὐθὺσ ἐπὶ τοὺσ ἐναντίουσ ἦγεν, εἰσ ὡρ́αν ἐνάτην τοῦ ἡλίου καταφερομένου. καὶ τῷ μὲν καθ’ αὑτὸν ἐκράτησε μέρει καὶ προῆλθεν ὑποχωροῦντι τῷ ἀριστερῷ τῶν πολεμίων ἐγκείμενοσ·

καὶ συνεπέρρωσαν οἱ ἱππεῖσ ἅμα τοῖσ πεζοῖσ ἐμβαλόντεσ τεταραγμένοισ· τὸ δ’ ἕτερον κέρασ, ὡσ μὴ κυκλωθείη, τῶν ἡγεμόνων ἀντιπαρεξαγόντων, πλήθει δὲ λειπομένων, διεσπᾶτο μέσον καὶ γιγνόμενον ἀσθενὲσ οὐκ ἀντεῖχε τοῖσ ἐναντίοισ, ἀλλ’ ἔφυγε πρῶτον, οἱ δὲ τοῦτο διακόψαντεσ εὐθὺσ ἐκυκλοῦντο τὸν Βροῦτον, αὑτὸν μὲν ὅσα καὶ στρατηγικῆσ καὶ στρατιωτικῆσ ἀρετῆσ ἔργα καὶ χειρὶ καὶ γνώμῃ παρὰ τὰ δεινὰ πρὸσ τὸ νικᾶν ἀποδεικνύμενον, ᾧ δὲ πλέον ἔσχε τῇ προτέρᾳ μάχῃ, τούτῳ βλαπτόμενον. τῶν μὲν γὰρ πολεμίων τὸ νικηθὲν εὐθὺσ ἀπολώλει τότε·

τῶν δὲ Κασσίου τραπέντων ὀλίγοι διεφθάρησαν, οἱ δὲ σῳζόμενοι τῷ προηττῆσθαι περιδεεῖσ ὄντεσ ἀνέπλησαν ἀθυμίασ καὶ ταραχῆσ τὸ πλεῖστον τοῦ στρατεύματοσ, ἐνταῦθα καὶ Μᾶρκοσ ὁ Κάτωνοσ υἱόσ ἐν τοῖσ ἀρίστοισ καὶ γενναιοτάτοισ; τῶν νέων μαχόμενοσ καὶ καταπονούμενοσ οὐκ ἔφυγεν οὐδ’ εἶξεν, ἀλλὰ χρώμενόσ τε τῇ χειρὶ καὶ φράζων ὅστισ εἰή, καὶ πατρόθεν ὀνομάζων, ἔπεσεν ἐπὶ πολλοῖσ νεκροῖσ τῶν πολεμίων, ἔπιπτον δὲ καὶ τῶν ἄλλων οἱ κράτιστοι τοῦ Βρούτου προκινδυνεύοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 49

(플루타르코스, Brutus, chapter 49)

상위

목록

SEARCH

MENU NAVIGATION