헬라어 문장 검색 - Πλυταρ́Βρυτυσ́45́

(플루타르코스, Brutus, chapter 45)

ἔπεσον δὲ τούτων μὲν ὀκτακισχίλιοι σὺν τοῖσ στρατευομένοισ οἰκέταισ, οὓσ Βρίγασ ὁ Βροῦτοσ ὠνόμαζε· τῶν δ’ ἐναντίων Μεσσάλασ φησὶν οἰέσθαι πλείουσ ἢ διπλασίουσ, διὸ καὶ μᾶλλον ἠθύμουν ἐκεῖνοι πρὶν ἢ Κασσίου θεράπων ὄνομα Δημήτριοσ ἀφίκετο πρὸσ Ἀντώνιον ἑσπέρασ, εὐθὺσ ἀπὸ τοῦ νεκροῦ τὰσ χλαμύδασ λαβὼν καὶ τὸ ξίφοσ. ὦν κομισθέντων οὕτωσ ἐθάρρησαν ὥστε ἅμ’ ἡμέρᾳ προάγειν ὡπλισμένην ἐπὶ μάχῃ τὴν δύναμιν.

Βρούτῳ δὲ τῶν στρατοπέδων ἑκατέρου σαλεύοντοσ ἐπισφαλῶσ τὸ μὲν γὰρ αὐτοῦ καταπεπλησμένον αἰχμαλώτων ἐδεῖτο φυλακῆσ ἀκριβοῦσ, τὸ δὲ Κασσίου τὴν μεταβολὴν τοῦ ἄρχοντοσ οὐ ῥᾳδίωσ ἔφερεν, ἀλλὰ καὶ φθόνου τι καὶ μίσουσ ἡττημένοισ ἐνῆν αὐτοῖσ πρὸσ τὸ νενικηκόσ, ὁπλίσαι μὲν ἔδοξε τὸ στράτευμα, μάχησ δ’ ἀπέσχετο. τῶν δ’ αἰχμαλώτων τὸ μὲν δουλικὸν πλῆθοσ ἐνειλούμενον ὑπόπτωσ τοῖσ ὅπλοισ ἐκέλευσεν ἀναιρεθῆναι, τῶν δ’ ἐλευθέρων τοὺσ μὲν ἀπέλυε φάσκων ὑπὸ τῶν πολεμίων μᾶλλον ἡλωκέναι αὐτοὺσ καὶ παρ’ ἐκείνοισ αἰχμαλώτουσ εἶναι καὶ δούλουσ, παρ’ αὑτῷ δ’ ἐλευθέρουσ καὶ πολίτασ·

ὡσ δὲ τοὺσ φίλουσ ἑώρα καὶ τοὺσ ἡγεμόνασ ἀδιαλλάκτωσ ἔχοντασ, ἀποκρύπτων καὶ συνεκπέμπων ἔσῳζεν. ἦν δέ τισ Βολούμνιοσ μῖμοσ καὶ Σακουλίων γελωτοποιὸσ ἡλωκότεσ, οὓσ ἐν οὐδενὶ λόγῳ τιθεμένου τοῦ Βρούτου προσάγοντεσ οἱ φίλοι κατηγόρουν ὡσ οὐδὲ νῦν τοῦ λέγειν καὶ σκώπτειν πρὸσ ὕβριν αὐτῶν ἀπεχομένουσ.

"ἐμοῦ πυνθάνεσθε, Κάσκα, καὶ οὐ πράττετε τὸ δόξαν ὑμῖν;

ταύτην ἐκεῖνοι τὴν ἀπόκρισιν συγκατάθεσιν ποιησάμενοι κατὰ τῶν ἀθλίων ἀνθρώπων, διέφθειραν αὐτοὺσ ἀπαγαγόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 45

(플루타르코스, Brutus, chapter 45)

상위

목록

SEARCH

MENU NAVIGATION