헬라어 문장 검색 - Πλυταρ́Βρυτυσ́18́

(플루타르코스, Brutus, chapter 18)

οὕτω δ’ ἀποθανόντοσ αὐτοῦ Βροῦτοσ μὲν εἰσ μέσον προελθὼν ἐβούλετο λέγειν καὶ κατεῖχε θαρρύνων τὴν σύγκλητον· ἡ δ’ ὑπὸ δέουσ ἔφευγεν ἀτάκτωσ, καὶ περὶ τὰσ θύρασ ὠθισμὸσ ἦν καὶ τάραχοσ, οὐδενὸσ διώκοντοσ οὐδὲ κατε πείγοντοσ. ἰσχυρῶσ γὰρ ἐδέδοκτο μηδένα κτείνειν ἕτερον, ἀλλὰ πάντασ ἐπὶ τὴν ἐλευθερίαν ἀνακαλεῖσθαι. καὶ τοῖσ μὲν ἄλλοισ πᾶσιν, ὁπηνίκα διεσκοποῦντο τὴν πρᾶξιν, ἤρεσκεν Ἀντώνιον ἐπισφάττειν Καίσαρι, μοναρχικὸν ἄνδρα καὶ ὑβριστὴν, ἰσχύν τε πεποιημένον ὁμιλίᾳ καὶ συνηθείᾳ πρὸσ τὸ στρατιωτικόν, καὶ μάλισθ’ ὅτι τῷ φύσει σοβαρῷ καὶ μεγαλοπράγμονι προσειλήφει τὸ τῆσ ὑπατείασ ἀξίωμα τότε Καίσαρι συνάρχων.

οὐ γὰρ ἀπεγίνωσκεν εὐφυᾶ καὶ φιλότιμον ἄνδρα καὶ δόξησ ἐραστὴν τὸν Ἀντώνιον, ἐκποδὼν Καίσαροσ γενομένου, συνεφάψεσθαι τῇ πατρίδι τῆσ ἐλευθερίασ, ἐπισπασθέντα τῷ ζήλῳ πρὸσ τὸ καλὸν ὑπ’ αὐτῶν, οὕτω μὲν Ἀντώνιον Βροῦτοσ περιεποίησεν ἐν δὲ τῷ τότε φόβῳ μεταβαλὼν ἐσθῆτα δημοτικὴν ἔφυγεν.

οἱ δὲ περὶ Βροῦτον εἰσ τὸ Καπετώλιον ἐχώρουν, ᾑμαγμένοι τὰσ χεῖρασ, καὶ τὰ ξίφη γυμνὰ δεικνύντεσ ἐπὶ τὴν ἐλευθερίαν παρεκάλουν τοὺσ πολίτασ.

τὸ μὲν οὖν πρῶτον ἦσαν ἀλαλαγμοί, καὶ διαδρομαὶ τῷ πάθει κατὰ τύχην ἐπιγινόμεναι πλείονα τὸν θόρυβον ἐποίησαν· ὡσ δ’ οὔτε φόνοσ ἄλλοσ οὔθ’ ἁρπαγή τινοσ ἐγίνετο τῶν κειμένων, θαρροῦντεσ ἀνέβαινον οἵ τε βουλευταὶ καὶ τῶν δημοτῶν πολλοὶ πρὸσ τοὺσ ἄνδρασ εἰσ τὸ Καπετώλιον. ἁθροισθέντοσ δὲ τοῦ πλήθουσ διελέχθη Βροῦτοσ ἐπαγωγὰ τοῦ δήμου καὶ πρέποντα τοῖσ πεπραγμένοισ.

ἐπαινούντων δὲ καὶ κατιέναι βοώντων θαρροῦντεσ κατέβαινον εἰσ ἀγοράν, οἱ μὲν ἄλλοι συνεπόμενοι μετ’ ἀλλήλων, Βροῦτον δὲ πολλοὶ τῶν ἐπιφανῶν περιέποντεσ ἐν μέσῳ πάνυ λαμπρῶσ κατῆγον ἀπὸ τῆσ ἄκρασ καὶ κατέστησαν ἐπὶ τῶν ἐμβόλων. πρὸσ δὲ τὴν ὄψιν οἱ πολλοί, καίπερ μιγάδεσ ὄντεσ καὶ παρεσκευασμένοι θορυβεῖν, διέτρεσαν καὶ τὸ μέλλον ἐδέχοντο κόσμῳ καὶ σιωπῇ.

προελθόντοσ δ’ αὐτοῦ πάντεσ ἡσυχίαν τῷ λόγῳ παρέσχον ὅτι δ’ οὐ πᾶσι πρὸσ ἡδονὴν ἐγεγόνει τὸ ἔργον, ἐδήλωσαν ἀρξαμένου λέγειν Κίννα καὶ κατηγορεῖν Καίσαροσ ἀναρρηγνύμενοι πρὸσ ὀργὴν καὶ κακῶσ τὸν Κίνναν λέγοντεσ, ὥστε πάλιν τοὺσ ἄνδρασ εἰσ τὸ Καπετώλιον ἀπελθεῖν. ἔνθα δὴ δεδιὼσ πολιορκίαν ὁ Βροῦτοσ ἀπέπεμπε τοὺσ ἀρίστουσ τῶν συναναβάντων, οὐκ ἀξιῶν τῆσ αἰτίασ μὴ μετέχοντασ αὐτοὺσ συνυποδύεσθαι τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 18

(플루타르코스, Brutus, chapter 18)

상위

목록

SEARCH

MENU NAVIGATION