헬라어 문장 검색 - Παυσαν́Δεσξριπ́8́13́

(파우사니아스, Description of Greece, Ἀρκαδικά, chapter 13)

ἐν δὲ τῇ χώρᾳ τῇ Ὀρχομενίων, ἐν ἀριστερᾷ τῆσ ὁδοῦ τῆσ ἀπὸ Ἀγχισιῶν, ἐν ὑπτίῳ τοῦ ὄρουσ τὸ ἱερόν ἐστι τῆσ Ὑμνίασ Ἀρτέμιδοσ· μέτεστι δὲ αὐτοῦ καὶ Μαντινεῦσι καὶ ἱέρειαν καὶ ἄνδρα ἱερέα. τούτοισ οὐ μόνον τὰ ἐσ τὰσ μίξεισ ἀλλὰ καὶ ἐσ τὰ ἄλλα ἁγιστεύειν καθέστηκε τὸν χρόνον τοῦ βίου πάντα, καὶ οὔτε λουτρὰ οὔτε δίαιτα λοιπὴ κατὰ τὰ αὐτά σφισι καθὰ καὶ τοῖσ πολλοῖσ ἐστιν, οὐδὲ ἐσ οἰκίαν παρίασιν ἀνδρὸσ ἰδιώτου. τοιαῦτα οἶδα ἕτερα ἐνιαυτὸν καὶ οὐ πρόσω Ἐφεσίων ἐπιτηδεύοντασ τοὺσ τῇ Ἀρτέμιδι ἱστιάτορασ τῇ Ἐφεσίᾳ γινομένουσ, καλουμένουσ δὲ ὑπὸ τῶν πολιτῶν Ἐσσῆνασ. τῇ δὲ Ἀρτέμιδι τῇ Ὑμνίᾳ καὶ ἑορτὴν ἄγουσιν ἐπέτειον. Ὀρχομενίοισ δὲ ἡ προτέρα πόλισ ἐπὶ ὄρουσ ἦν ἄκρᾳ τῇ κορυφῇ, καὶ ἀγορᾶσ τε καὶ τειχῶν ἐρείπια λείπεται·

τὴν δὲ ἐφ’ ἡμῶν πόλιν ὑπὸ τὸν περίβολον οἰκοῦσι τοῦ ἀρχαίου τείχουσ. θέασ δὲ αὐτόθι ἄξια πηγή τε, ἀφ’ ἧσ ὑδρεύονται, καὶ Ποσειδῶνόσ ἐστι καὶ Ἀφροδίτησ ἱερά, λίθου δὲ τὰ ἀγάλματα. πρὸσ δὲ τῇ πόλει ξόανόν ἐστιν Ἀρτέμιδοσ· ἵδρυται δὲ ἐν κέδρῳ μεγάλῃ, καὶ τὴν θεὸν ὀνομάζουσιν ἀπὸ τῆσ κέδρου Κεδρεᾶτιν. σωροὶ δὲ ὑπὸ τὴν πόλιν λίθων εἰσὶ διεστηκότεσ ἀπὸ ἀλλήλων, ἐπενήθησαν δὲ ἐν πολέμῳ πεσοῦσιν ἀνδράσιν.

οἷσ τισι δὲ Πελοποννησίων ἐπολέμησαν <ἢ> τῶν ἄλλων ἢ Ἀρκάδων αὐτῶν, οὔτε ἐπιγράμματα ἐπὶ τοῖσ τάφοισ ἐσήμαινεν οὔτε οἱ Ὀρχομένιοι μνημονεύουσιν. ἔστι δὲ ἀπαντικρὺ τῆσ πόλεωσ ὄροσ Τραχύ.

τὸ δὲ ὕδωρ τὸ ἐκ τοῦ θεοῦ διὰ χαράδρασ ῥέον κοίλησ μεταξὺ τῆσ τε πόλεωσ καὶ τοῦ Τραχέοσ ὄρουσ κάτεισιν ἐσ ἄλλο Ὀρχομένιον πεδίον, τὸ δὲ πεδίον τοῦτο μεγέθει μὲν μέγα, τὰ πλείω δέ ἐστιν αὐτοῦ λίμνη. ἰόντι δὲ ἐξ Ὀρχομενοῦ καὶ σταδίουσ προελθόντι ὅσον τρεῖσ, ἡ μὲν εὐθεῖα ἐπὶ πόλιν Καφυὰν ἄγει παρά τε αὐτὴν τὴν χαράδραν καὶ μετὰ ταύτην ἐν ἀριστερᾷ παρὰ τὸ ὕδωρ τὸ λιμνάζον· ἡ δὲ ἑτέρα τῶν ὁδῶν διαβάντι τὸ ὕδωρ τὸ διὰ τῆσ χαράδρασ ῥέον ὑπὸ <τὸ> Τραχύ ἐστιν ὄροσ. κατὰ δὲ τὴν ὁδὸν ταύτην πρῶτον μὲν μνῆμά ἐστιν Ἀριστοκράτουσ, ὃσ βίᾳ ποτὲ ᾔσχυνε τὴν ἱερωμένην τῇ Ὑμνίᾳ θεῷ παρθένον, μετὰ δὲ τοῦ Ἀριστοκράτουσ τὸν τάφον πηγαί τέ εἰσι καλούμεναι Τενεῖαι καὶ ἀπέχει τῶν πηγῶν στάδια ὡσ ἑπτὰ Ἄμιλοσ χωρίον·

πόλιν δὲ τὴν Ἄμιλόν ποτε εἶναι λέγουσι. κατὰ τοῦτο αὖθισ τὸ χωρίον δίχα ἡ ὁδὸσ τέμνεται, καὶ ἡ μὲν ἐπὶ Στύμφηλον, ἡ δὲ ἐσ Φενεὸν αὐτῶν ἄγει. κατὰ δὲ τὴν ἐσ Φενεὸν ἐκδέξεταί σε ὄροσ·

ἐν δὲ τῷ ὄρει τούτῳ συνάπτουσιν Ὀρχομενίων καὶ Φενεατῶν τε καὶ Καφυατῶν ὁρ́οι τῆσ γῆσ. ἀνατείνει δὲ ὑπὲρ τοὺσ ὁρ́ουσ κρημνὸσ ὑψηλόσ· πέτραν Καφυατικὴν ὀνομάζουσι τὸν κρημνόν. μετὰ δὲ τοὺσ ὁρ́ουσ ταῖσ κατειλεγμέναισ πόλεσι φάραγξ τε ὑπόκειται καὶ φέρει δι’ αὐτῆσ ἡ ἐσ Φενεὸν ὁδόσ· κατὰ μέσην δέ που μάλιστα τὴν φάραγγα ὕδωρ ἄνεισιν ἐκ πηγῆσ, καὶ ἐπὶ τῷ πέρατι τῆσ φάραγγοσ Καρυαί <ἐστι> χωρίον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 13

(파우사니아스, Description of Greece, Ἀρκαδικά, chapter 13)

상위

목록

SEARCH

MENU NAVIGATION