헬라어 문장 검색 - Παυσαν́Δεσξριπ́8́01́

(파우사니아스, Description of Greece, Ἀρκαδικά, chapter 1)

Ἀρκάδων δὲ τὰ πρὸσ τῆσ Ἀργείασ Τεγεᾶταί τε ἔχουσι καὶ Μαντινεῖσ, νέμονται δὲ οὗτοί τε καὶ τὸ ἄλλο Ἀρκαδικὸν <τὸ> μεσόγαιον τῆσ Πελοποννήσου. Κορίνθιοι γὰρ οἰκοῦσιν ἐπὶ τῷ ἰσθμῷ πρῶτοι· Κορινθίοισ δὲ τὰ πρὸσ θαλάσσησ εἰσὶν Ἐπιδαύριοι γείτονεσ· τὰ δὲ ἐσ Ἐπίδαυρον καὶ Τροιζῆνά τε καὶ Ἑρμιόνα ὁ κόλποσ ἐστὶν ὁ Ἀργολικὸσ καὶ ὅσα ἐπιθαλάσσια τῆσ Ἀργείασ· ταύτησ δὲ ἔχονται τῆσ χώρασ Λακεδαιμονίων περίοικοι, τούτοισ δὲ ὅμοροσ ἡ Μεσσηνία· καταβαίνει γὰρ μέχρι θαλάσσησ ἐσ Μοθώνην καὶ Πύλον καὶ ἐπὶ Κυπαρισσιάσ. τὰ δὲ πρὸσ Λεχαίου Κορινθίοισ Σικυώνιοι προσοικοῦσιν ἔσχατοι ταύτῃ μοίρασ τῆσ Ἀργολίδοσ·

μετὰ δὲ Σικυῶνα Ἀχαιοὶ τὸ ἐντεῦθέν εἰσιν οἱ παρὰ τὸν αἰγιαλὸν οἰκοῦντεσ· τὸ δὲ ἕτερον Πελοποννήσου πέρασ τὸ ἀπαντικρὺ τῶν Ἐχινάδων οἰκοῦσιν Ἠλεῖοι·

τῆσ δὲ γῆσ τῆσ Ἠλείασ κατὰ μὲν Ὀλυμπίαν καὶ τοῦ Ἀλφειοῦ τὰσ ἐκβολὰσ πρὸσ τὴν Μεσσηνίαν εἰσὶν ὁρ́οι, τὰ δὲ πρὸσ Ἀχαί̈αν Δυμαίων εἰσὶν ὅμοροι. τούτων τῶν κατειλεγμένων καθηκόντων ἐπὶ θάλασσαν Ἀρκάδεσ τὸ ἐντὸσ οἰκοῦσιν ἀποκλειόμενοι θαλάσσησ πανταχόθεν·

ὅθεν σφᾶσ καὶ Ὅμηροσ ἀφικέσθαι φησὶν ἐσ Τροίαν παρ’ Ἀγαμέμνονοσ πλοῖα εἰληφότασ καὶ οὐχὶ ναυσὶν οἰκείαισ. φασὶ δὲ Ἀρκάδεσ ὡσ Πελασγὸσ γένοιτο ἐν τῇ γῇ ταύτῃ πρῶτοσ.

εἰκὸσ δὲ ἔχει τοῦ λόγου καὶ ἄλλουσ ὁμοῦ τῷ Πελασγῷ μηδὲ αὐτὸν Πελασγὸν γενέσθαι μόνον· ποίων γὰρ ἂν καὶ ἦρχεν ὁ Πελασγὸσ ἀνθρώπων; μεγέθει μέντοι καὶ κατὰ ἀλκὴν καὶ κάλλοσ προεἶχεν ὁ Πελασγὸσ καὶ γνώμην ὑπὲρ τοὺσ ἄλλουσ ἦν, καὶ τούτων ἕνεκα αἱρεθῆναί μοι δοκεῖ βασιλεύειν ὑπ’ αὐτῶν. πεποίηται δὲ καὶ Ἀσίῳ τοιάδε ἐσ αὐτόν· Ἀντίθεον δὲ Πελασγὸν ἐν ὑψικόμοισιν ὄρεσσιγαῖα μέλαιν’ ἀνέδωκεν, ἵνα θνητῶν γένοσ εἰή. Πελασγὸσ δὲ βασιλεύσασ τοῦτο μὲν ποιήσασθαι καλύβασ ἐπενόησεν, ὡσ μὴ ῥιγοῦν τε καὶ ὑέσθαι τοὺσ ἀνθρώπουσ μηδὲ ὑπὸ τοῦ καύματοσ ταλαιπωρεῖν·

τοῦτο δὲ τοὺσ χιτῶνασ τοὺσ ἐκ τῶν δερμάτων τῶν οἰῶν, οἷσ καὶ νῦν περί τε Εὔβοιαν ἔτι χρῶνται καὶ ἐν τῇ Φωκίδι ὁπόσοι βίου σπανίζουσιν, οὗτόσ ἐστιν ὁ ἐξευρών. σιτουμένουσ τοὺσ ἀνθρώπουσ τούτων μὲν ἔπαυσεν ὁ Πελασγόσ·

ὁ δὲ τὸν καρπὸν τῶν δρυῶν οὔτι που πασῶν, ἀλλὰ τὰσ βαλάνουσ τῆσ φηγοῦ τροφὴν ἐξεῦρεν εἶναι.

παρέμεινέ τε ἐνίοισ ἐσ τοσοῦτο ἀπὸ Πελασγοῦ τούτου ἡ δίαιτα, ὡσ καὶ τὴν Πυθίαν, ἡνίκα Λακεδαιμονίοισ γῆσ τῆσ Ἀρκάδων ἀπηγόρευεν ἅπτεσθαι, καὶ τάδε εἰπεῖν τὰ ἔπη· πολλοὶ ἐν Ἀρκαδίῃ βαλανηφάγοι ἄνδρεσ ἐάσιν,οἵ σ’ ἀποκωλύσουσιν· ἐγὼ δέ τοι οὔ τι μεγαίρω. Πελασγοῦ δὲ βασιλεύοντοσ γενέσθαι καὶ τῇ χώρᾳ Πελασγίαν φασὶν ὄνομα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 1

(파우사니아스, Description of Greece, Ἀρκαδικά, chapter 1)

상위

목록

SEARCH

MENU NAVIGATION