헬라어 문장 검색 - Παυσαν́Δεσξριπ́10́20́

(파우사니아스, Description of Greece, Φωκικά, Λοκρῶν Ὀζόλων, chapter 20)

πάρεστι δέ, ὅστισ ἐθέλοι καὶ ἀνταριθμῆσαι τούσ τε ἐπὶ βασιλέα Ξέρξην ἐσ Πύλασ καὶ τοὺσ τότε ἐναντία Γαλατῶν ἀθροισθέντασ. ἐπὶ μέν γε τὸν Μῆδον ἀφίκοντο τοσοίδε Ἑλλήνων· Λακεδαιμόνιοι οἱ μετὰ Λεωνίδου τριακοσίων οὐ πλείονεσ, Τεγεᾶται πεντακόσιοι καὶ ἐκ Μαντινείασ ἴσοι, παρὰ δὲ Ὀρχομενίων Ἀρκάδων εἴκοσί τε καὶ ἑκατόν, ἀπὸ δὲ τῶν ἄλλων χίλιοι τῶν ἐν Ἀρκαδίᾳ πόλεων, ὀγδοήκοντα δὲ ἐκ Μυκηνῶν καὶ ἐκ Φλιοῦντοσ διακόσιοι, διπλάσιοι δὲ τούτων Κορίνθιοι· παρεγένοντο δὲ καὶ Βοιωτῶν ἑπτακόσιοι ἐκ δὲ Θεσπείασ καὶ <ἐκ> Θηβῶν τετρακόσιοι. χίλιοι δὲ Φωκέων ἐφύλασσον μὲν τὴν ἀτραπὸν ἐν τῇ Οἴτῃ, προσέστω δὲ τῷ παντὶ Ἑλληνικῷ καὶ ὁ ἀριθμὸσ ὁ τούτων. Λοκροὺσ δὲ τοὺσ ὑπὸ τῷ ὄρει τῇ Κνήμιδι Ἡρόδοτοσ μὲν οὐχ ὑπήγαγεν ἐσ ἀριθμόν, ἀλλ’ ἀφικέσθαι σφᾶσ ἀπὸ πασῶν ἔφη τῶν πόλεων·

τεκμήρασθαι δὲ ἀριθμὸν καὶ τούτων ἔστιν ἐγγύτατα τοῦ ἀληθοῦσ· ἐσ Μαραθῶνα γὰρ Ἀθηναῖοι σὺν ἡλικίᾳ τε τῇ ἀχρείῳ καὶ δούλοισ ἐνακισχιλίων ἀφίκοντο οὐ πλείουσ, τὸ οὖν μάχιμον Λοκρῶν τὸ ἐσ Θερμοπύλασ ἐλθὸν οὐκ ἂν ὑπέρ γε ἑξακισχιλίουσ ἀριθμοίη τισ. οὕτω γένοιτο ἂν ὁ σύμπασ στρατὸσ διακόσιοι καὶ χίλιοι καὶ μύριοι.

φαίνονται δὲ οὐδὲ οὗτοι τὸν χρόνον πάντα ἐπὶ τῇ φρουρᾷ τῶν Πυλῶν καταμείναντεσ· πλὴν γὰρ Λακεδαιμονίων τε αὐτῶν καὶ Θεσπιέων καὶ Μυκηναίων προαπέλιπον τὸ πέρασ τῆσ μάχησ οἱ λοιποί. ἐπὶ δὲ τοὺσ ἀπὸ τοῦ Ὠκεανοῦ βαρβάρουσ τοσοίδε ἐσ Θερμοπύλασ ἀφίκοντο Ἕλληνεσ·

ὁπλῖται μύριοι καὶ ἵπποσ πεντακοσία παρὰ Βοιωτῶν· ἐβοιωτάρχουν δὲ Κηφισόδοτοσ καὶ Θεαρίδασ καὶ Διογένησ καὶ Λύσανδροσ. ἐκ δὲ Φωκέων ἱππεῖσ πεντακόσιοι καὶ ἐσ τρισχιλίουσ ὁ ἀριθμὸσ τῶν πεζῶν· στρατηγοὶ δὲ Φωκέων Κριτόβουλόσ τε ἦν καὶ Ἀντίοχοσ. Λοκροὺσ δὲ τοὺσ ἐπὶ Ἀταλάντῃ τῇ νήσῳ Μειδίασ ἦγεν·

ἀριθμὸσ δὲ αὐτῶν ἑπτακόσιοι, καὶ ἱππικόν σφισιν οὐ προσῆν. παρὰ δὲ Μεγαρέων ἀφίκοντο ὁπλῖται τετρακόσιοι· τούτων ἦγε τὸ ἱππικὸν Μεγαρεύσ. Αἰτωλῶν δὲ πλείστη τε ἐγένετο στρατιὰ καὶ ἐσ πᾶσαν μάχησ ἰδέαν, ἡ μὲν ἵπποσ οὐ λέγουσιν ὁπόση, ψιλοὶ δὲ ἐνενήκοντα καὶ <ἑπτακόσιοι, πλέονεσ δὲ> ἑπτακισχιλίων ἀριθμὸν ἦσαν οἱ ὁπλιτεύοντεσ· Αἰτωλοὺσ δὲ ἦγον Πολύαρχοσ καὶ Πολύφρων τε καὶ Λακράτησ. Ἀθηναίων δὲ στρατηγὸσ μὲν Κάλλιπποσ ἦν ὁ Μοιροκλέουσ, καθὰ ἐδήλωσα καὶ ἐν τοῖσ προτέροισ τοῦ λόγου, δύναμισ δὲ τριήρεισ τε <αἱ> πλώιμοι πᾶσαι, πεντακόσιοι δὲ ἐσ τὸ ἱππικόν, χίλιοι δὲ ἐτάσσοντο ἐν τοῖσ πεζοῖσ·

καὶ ἡγεμονίαν οὗτοι κατ’ ἀξίωμα εἶχον τὸ ἀρχαῖον. βασιλέων δὲ ξενικὰ πεντακόσιοί τε ἐκ Μακεδονίασ καὶ ἐκ τῆσ Ἀσίασ ἴσοι σφίσιν ἀφίκοντο ἀριθμόν·

ἄρχοντεσ δὲ τῶν μὲν παρ’ Ἀντιγόνου πεμφθέντων Ἀριστόδημοσ ἦν Μακεδών, τῶν δὲ παρὰ Ἀντιόχου τε καὶ ἐκ τῆσ Ἀσίασ Τελέσαρχοσ τῶν ἐπὶ Ὀρόντῃ Σύρων. τοῖσ δὲ ἐσ Θερμοπύλασ ἀθροισθεῖσιν Ἑλλήνων, ὡσ ἐπύθοντο περί τε Μαγνησίαν καὶ γῆν τὴν Φθιῶτιν ὄντα ἤδη τῶν Γαλατῶν τὸν στρατόν, ἔδοξεν ἤδη ψιλούσ τε ἐσ χιλίουσ καὶ ἐσ τὴν ἵππον ἀπολέξαντασ ἀποστεῖλαι σφᾶσ ἐπὶ τὸν Σπερχειόν, ἵνα μηδὲ τὸν ποταμὸν διαβῆναι τοῖσ βαρβάροισ ἄνευ ἀγῶνόσ τε καὶ κινδύνων ἐγγένηται.

οἱ δὲ ἐλθόντεσ τὰσ γεφύρασ τε καταλύουσι καὶ αὐτοὶ παρὰ τὴν ὄχθην ἐστρατοπεδεύσαντο. ἦν δὲ οὐδὲ ὁ Βρέννοσ οὔτε πάντα ἀσύνετοσ οὔτε ἀπείρωσ εἶχεν ὡσ ἄν τισ βάρβαροσ σοφίσματα ἐσ πολεμίουσ ἐξευρεῖν. εὐθὺσ οὖν τῇ ἐπιούσῃ νυκτί, οὐ καθότι ἦν τὰ ἀρχαῖα τῷ ποταμῷ ζεύγματα ἀλλὰ ἐσ τὸ κάτω, ὡσ μή τισ τοῖσ Ἕλλησι διαβαινόντων γένοιτο αἴσθησισ, καὶ ᾗ μάλιστα ὁ Σπερχειὸσ διεχεῖτο ἐσ πλέον τοῦ πεδίου καὶ ἕλοσ τε ἐποίει καὶ λίμνην ἀντὶ βιαίου καὶ στενοῦ ῥεύματοσ, κατὰ τοῦτο ὁ Βρέννοσ ὅσον μυρίουσ τῶν Γαλατῶν ἀπέστειλεν, ὁπόσοι τε νεῖν ἠπίσταντο ἐξ αὐτῶν καὶ ὅστισ τῷ μήκει τοῦ σώματοσ ἐτύγχανεν ὢν ὑπὲρ τοὺσ πολλούσ·

εἰσὶ δὲ καὶ ἄλλωσ οἱ Κελτοὶ μακρῷ πάντασ ὑπερηρκότεσ μήκει τοὺσ ἀνθρώπουσ. οὗτοι οὖν διαβαίνουσιν ἐν τῇ νυκτὶ διανηχόμενοι ὧδε τὸ λιμνῶδεσ τοῦ ποταμοῦ·

καὶ τὰ ὅπλα, τοὺσ ἐπιχωρίουσ θυρεούσ, ἐποιεῖτο ἕκαστοσ ἀντὶ σχεδίασ, οἱ δὲ αὐτῶν μήκιστοι διελθεῖν ἐμβαδὸν τὸ ὕδωρ ἐδυνήθησαν. οἱ δὲ Ἕλληνεσ οἱ ἐπὶ τῷ Σπερχειῷ ‐ πυνθάνονται γὰρ ὅτι κατὰ τὸ ἕλοσ διέβη μοῖρα τῶν βαρβάρων ‐ αὐτίκα ἐσ τὸ στράτευμα ἀναχωροῦσι, Βρέννοσ δὲ τοῖσ περὶ τὸν Μαλιακὸν κόλπον οἰκοῦσι ζευγνύναι τὸν Σπερχειὸν ἐπέτασσεν·

οἱ δὲ ἤνυον τὸ ἔργον σπουδῇ, τῷ τε ἐκείνου δέει καὶ ἀπελθεῖν ἐκ τῆσ χώρασ σφίσιν ἐπιθυμοῦντεσ τοὺσ βαρβάρουσ μηδὲ ἐπὶ πλέον κακουργεῖν μένοντασ. ὁ δὲ ὡσ κατὰ τὰσ γεφύρασ διεβίβασε τὴν στρατιάν, ἐχώρει πρὸσ τὴν Ἡράκλειαν·

καὶ διήρπασαν μὲν τὰ ἐκ τῆσ χώρασ οἱ Γαλάται καὶ ἀνθρώπουσ τοὺσ ἐπὶ τῶν ἀγρῶν ἐγκαταληφθέντασ ἐφόνευσαν, τὴν πόλιν δὲ οὐχ εἷλον. ἔτει γὰρ πρότερον τούτων οἱ Αἰτωλοὶ συντελεῖν τοὺσ Ἡρακλεώτασ ἠνάγκασαν ἐσ τὸ Αἰτωλικόν· τότε οὖν ἠμύνοντο ὡσ περὶ πόλεωσ οὐδέν τι Ἡρακλεώταισ μᾶλλον ἢ καὶ αὑτοῖσ προσηκούσησ. ἦν δὲ καὶ τῷ Βρέννῳ τὰ μὲν Ἡρακλεωτῶν ἐλάσσονοσ φροντίδοσ, ἀγώνισμα δὲ ἐποιεῖτο ἐξελάσαι τε ἐκ τῶν στενῶν τοὺσ ἀντικαθημένουσ καὶ παρελθεῖν ἐσ τὴν ἐντὸσ Θερμοπυλῶν Ἑλλάδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 20

(파우사니아스, Description of Greece, Φωκικά, Λοκρῶν Ὀζόλων, chapter 20)

상위

목록

SEARCH

MENU NAVIGATION