헬라어 문장 검색 - Παυσαν́Δεσξριπ́10́03́

(파우사니아스, Description of Greece, Φωκικά, Λοκρῶν Ὀζόλων, chapter 3)

δεκάτῳ δὲ ὕστερον ἔτει μετὰ τὴν τοῦ ἱεροῦ κατάληψιν ἐπέθηκεν ὁ Φίλιπποσ πέρασ τῷ πολέμῳ, Φωκικῷ τε καὶ ἱερῷ κληθέντι τῷ αὐτῷ, Θεοφίλου μὲν Ἀθήνῃσιν ἄρχοντοσ, ὀγδόησ δὲ Ὀλυμπιάδοσ καὶ ἑκατοστῆσ ἔτει πρώτῳ, ἣν Πολυκλῆσ ἐνίκα στάδιον Κυρηναῖοσ. καὶ ἐσ ἔδαφοσ ἁλοῦσαι κατεβλήθησαν τῶν Φωκέων αἱ πόλεισ· ἀριθμὸσ δὲ ἦν αὐτῶν Λίλαια καὶ Υἅμπολισ καὶ Ἀντίκυρα καὶ Παραποτάμιοι καὶ Πανοπεύσ τε καὶ Δαυλίσ. τούτων μὲν δὴ ὄνομα ἦν ἐκ παλαιοῦ, καὶ οὐχ ἥκιστα ἐπῶν ἕνεκα τῶν Ὁμήρου· τὰσ δὲ αὐτῶν ἡ στρατιὰ καταπρήσασα ἡ μετὰ Ξέρξου γνωριμωτέρασ οὐχ ἥκιστα ἐπῶν ἕνεκα τῶν Ὁμήρου·

τὰσ δὲ αὐτῶν ἡ στρατιὰ καταπρήσασα ἡ μετὰ Ξέρξου γνωριμωτέρασ ἐσ τὸ Ἑλληνικὸν ἐποίησεν, Ἐρωχὸν καὶ Χαράδραν καὶ Ἀμφίκλειαν καὶ Νεῶνασ καὶ Τεθρώνιον καὶ Δρυμαίαν. αἱ δὲ ἄλλαι πλήν γε δὴ Ἐλατείασ τὰ πρότερα οὐκ ἐπιφανεῖσ ἦσαν, Τραχίσ τε ἡ Φωκικὴ καὶ Μεδεὼν ὁ Φωκικὸσ καὶ Ἐχεδάμεια καὶ Ἄμβροσσοσ καὶ Λέδων καὶ Φλυγόνιον ἔτι καὶ Στῖρισ. τότε δὲ κατεσκάφησάν τε αἱ κατειλεγμέναι καὶ ἐσ κώμασ πλὴν Ἄβασ ᾠκίσθησαν αἱ ἄλλαι· Ἀβαίοισ δὲ ἐκτὸσ ἀσεβείασ ὑπῆρχε καθεστηκέναι, καὶ οὔτε τοῦ ἱεροῦ τῆσ καταλήψεωσ οὔτε τοῦ πολέμου μετεσχήκεσαν. ἀφῃρέθησαν δὲ οἱ Φωκεῖσ καὶ μετεῖναί σφισιν ἱεροῦ τοῦ ἐν Δελφοῖσ καὶ συνόδου τῆσ ἐσ τὸ Ἑλληνικόν, καὶ τὰσ ψήφουσ αὐτῶν Μακεδόσιν ἔδοσαν οἱ Ἀμφικτύονεσ.

ἀνὰ χρόνον μέντοι τοῖσ Φωκεῦσιν αἱ πόλεισ ἀνῳκίσθησαν καὶ ἐσ τὰσ πατρίδασ κατήχθησαν ἐκ τῶν κωμῶν, πλὴν εἰ μὴ ἀνοικισθῆναί τινασ ἐκώλυσεν ἀσθένειά τε ἡ ἐξ ἀρχῆσ καὶ ἡ τῶν χρημάτων ἐν τῷ τότε ἔνδεια· Ἀθηναῖοι δὲ καὶ Θηβαῖοι σφᾶσ ἦσαν οἱ κατάγοντεσ, πρὶν ἢ τὸ ἐν Χαιρωνείᾳ συμβῆναι πταῖσμα Ἕλλησι. καὶ ἀγῶνοσ τοῦ ἐν Χαιρωνείᾳ μετέσχον οἱ Φωκεῖσ, καὶ ὕστερον περὶ Λάμιαν καὶ ἐν Κραννῶνι ἐναντία Ἀντιπάτρου καὶ Μακεδόνων ἐμαχέσαντο·

Γαλάτασ δὲ καὶ τὴν Κελτικὴν στρατιὰν προθυμότατα ἠμύνοντο Ἑλλήνων, θεῷ τε τιμωροῦντεσ τῷ ἐν Δελφοῖσ καὶ ἐσ ἀπολογίαν ἅμα ἐμοὶ δοκεῖν τῶν ἀρχαίων ἐγκλημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 3

(파우사니아스, Description of Greece, Φωκικά, Λοκρῶν Ὀζόλων, chapter 3)

상위

목록

SEARCH

MENU NAVIGATION