헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 53)

ἐπειδὴ δὲ καὶ περὶ τοῦ συμφέροντοσ ἐπειρᾶτο λέγειν Δέκιοσ, ὡσ ἀγαθὸν μὲν ὁμόνοια, δεινὸν δὲ στάσισ, καὶ θεραπεύοντεσ μὲν τὸν δῆμον ἐν ὁμονοίᾳ πολιτευσόμεθα, κωλύσαντεσ δ’ οὓσ βούλονται τῶν πατρικίων ἀνδρηλατεῖν ἢ μιαιφονεῖν εἰσ πόλεμον ἐμφύλιον καταστησόμεθα, πολλὰ λέγειν ἔχων ὀλίγοισ πάνυ χρήσομαι. πρῶτον μὲν οὖν θαυμάσαι ἔχω Δέκιον τῆσ εἰρωνείασ·

οὐ γὰρ ἠλιθιότητόσ γε· εἰ κρεῖττον οἰέται τὰ συμφέροντα τῷ κοινῷ φρονεῖν ἑαυτόν, ὃσ ἄρτι παρελήλυθεν εἰσ πολιτικὰσ πράξεισ, ἡμῶν τῶν καταγεγηρακότων ἐν αὐταῖσ καὶ μεγάλην ἐκ μικρᾶσ πεποιηκότων τὴν πόλιν. ἔπειτ’ εἰ πείσειν ὑπέλαβεν ὑμᾶσ, ὡσ χρὴ παραδοῦναί τινα ἔκδοτον ἐπὶ τιμωρίᾳ τοῖσ ἐχθροῖσ καὶ ταῦτα πολίτην ὑμέτερον καὶ οὐχὶ τῶν ἀφανῶν τινα ἢ φαύλων, ἀλλ’ ὃν αὐτοὶ καὶ τὰ πολέμια λαμπρότατον ἡγεῖσθε εἶναι καὶ τὸν βίον σωφρονέστατον τά τε πολιτικὰ πράττειν οὐθενὸσ χείρονα. καὶ ταῦτ’ ἐτόλμησεν εἰπεῖν εἰδὼσ ὑμᾶσ πλείστην αἰδῶ ποιουμένουσ ἱκετῶν, καὶ μηδὲ πολεμίων τοὺσ καταφεύγοντασ ἐνθάδε ταύτησ ἀποκλείοντασ τῆσ φιλανθρωπίασ.

καὶ πανώλεισ, μισηθέντεσ θεοῖσ τε καὶ ἀνθρώποισ, διαφθαρησόμεθα;

οὐ δεόμεθά σου συμβούλου, Δέκιε, οὔτε περὶ πολιτῶν ἐκδόσεωσ οὔτε περὶ ἄλλου χρήματοσ ὧν ἡμῖν πρακτέον οὐδενόσ·

οὐδὲ ὀθνείᾳ φρονήσει νέων ἀνδρῶν τὰ οἰκεῖα συμφέροντα κρίνειν οἰόμεθα δεῖν οἱ μέχρι τῆσδε τῆσ ἡλικίασ διὰ πολλῆσ πείρασ κακῶν τε καὶ ἀγαθῶν ἐληλυθότεσ. πολέμου δ’ ἀπειλάσ, αἷσ χρώμενοι φοβεῖτε ἡμᾶσ, οὐ νῦν πρῶτον ἐπαγομένασ ὑφ’ ὑμῶν, ἀλλὰ πολλάκισ ἤδη καὶ ὑπὸ πολλῶν ἐπανασεισθείσασ τῇ συνήθει πρᾳότητι παραδόντεσ ἀκαταπλήκτωσ οἴσομεν. καὶ εἰ δήπερ δράσετε τὰ ὅμοια οἷσ λέγετε, ἀμυνούμεθα θεούσ τε συναγωνιστὰσ ἔχοντεσ, οἳ νεμεσῶσι τοῖσ ἄρχουσι πολέμου ἀδίκου, καὶ ἀνθρώπων ἕξοντεσ χεῖρα οὐκ ὀλίγην σύμμαχον.

Λατῖνοί τε γὰρ ἅπαντεσ, οἷσ νεωστὶ τὴν ἰσοπολιτείαν δεδώκαμεν, σὺν ἡμῖν στήσονται, ὡσ περὶ πατρίδοσ ἤδη τῆσ πόλεωσ τῆσδε ἀγωνιζόμενοι, αἵ τ’ ἐνθένδε ἀποικισθεῖσαι πόλεισ πολλαὶ καὶ ἀγαθαὶ περὶ παντὸσ ποιούμεναι σώζεσθαι τὴν μητρόπολιν ἀμυνοῦσιν αὐτῇ.

εἰ δ’ εἰσ ἀνάγκην ἡμᾶσ κατακλείσετε τῆσ πανταχόθεν ἐπικουρίασ περιέχεσθαι, ὑπομενοῦμεν, ὦ Δέκιε, καὶ θεράποντασ εἰσ ἐλευθερίαν προκαλούμενοι καὶ πολεμίουσ εἰσ φιλίαν καὶ πάντασ ἀνθρώπουσ εἰσ κοινωνίαν τῶν ἐκ τῆσ νίκησ ἐλπίδων ὁμόσε χωρεῖν ὑμῖν.

δὲ μηθὲν ἐξ αὐτῶν γένοιτ’ ἄχαρι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 53

(디오니시오스, Antiquitates Romanae, Books VII-IX, book 7, chapter 53)

상위

목록

SEARCH

MENU NAVIGATION