헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 41)

ἐρῶ δὲ περὶ τοῦ δικαίου πρῶτον. ὑμεῖσ δή, ὦ βουλή, ὅτε τοὺσ βασιλεῖσ ἀπηλλάξατε συμμάχουσ ἔχοντεσ ἡμᾶσ καὶ τὴν πολιτείαν, ἐν ᾗ νῦν ἐσμεν, κατεστήσατε, ἣν οὐ ψέγομεν, μειονεκτοῦντασ ἐν ταῖσ δίκαισ τοὺσ δημοτικοὺσ ὁρῶντεσ, ὁπότε συμβαίη τι διάφορον αὐτοῖσ πρὸσ τοὺσ πατρικίουσ· πολλὰ δ’ ἦν ταῦτα· νόμον ἐκυρώσατε Ποπλίου Οὐαλερίου θατέρου τῶν ὑπάτων γνώμῃ χρησάμενοι, ἐξεῖναι τοῖσ κατισχυομένοισ ὑπὸ τῶν πατρικίων δημόταισ προκαλεῖσθαι τὰσ κρίσεισ ἐπὶ τὸν δῆμον· καὶ παρ’ οὐδὲν οὕτωσ ἕτερον ὡσ τὸν νόμον τόνδε τήν τε πόλιν ἐν ὁμονοίᾳ διεφυλάξατε καὶ τοὺσ βασιλεῖσ ἐπιόντασ ἀπεώσασθε.

τοῦτον δὴ προφερόμενοι τὸν νόμον, ὑπὲρ ὧν ἅπαντεσ ἀδικεῖσθαί τε καὶ κατισχύεσθαι λέγομεν ὑπὸ Γαϊού Μαρκίου τουδί, καλοῦμεν αὐτὸν ἐπὶ τὸν δῆμον καὶ τὰ δίκαια παραγγέλλομεν ἐκεῖ λέγειν.

καὶ προβουλεύματοσ ἐνταῦθ’ οὐκ ἔδει. περὶ ὧν γὰρ οὐκ εἰσὶ νόμοι, περὶ τούτων ὑμεῖσ τοῦ προβουλεύεσθαι κύριοι καὶ ὁ δῆμοσ ἐπιψηφίσαι· νόμου δ’ ὄντοσ ἀκινήτου, κἂν μηδὲν ὑμεῖσ προβουλεύσητε, τούτῳ δήπου χρηστέον. οὐ γὰρ δὴ τοῦτό γ’ ἂν εἴποι τισ, ὅτι τῶν μὲν ἰδιωτῶν οἷσ τὸ μειονεκτεῖν συμβαίνει περὶ τὰσ κρίσεισ κυρίαν εἶναι δεῖ τὴν ἐπὶ τὸν δῆμον πρόκλησιν, ἡμῖν δὲ τοῖσ δημάρχοισ ἄκυρον.

νόμου μὲν δὴ συγχωρήματι τῷδε ἰσχυριζόμενοι καὶ διὰ τοῦτο παρακινδυνεύσαντεσ ὑφ’ ὑμῖν γενέσθαι δικασταῖσ ἥκομεν.

ἐπ’ ἀγράφῳ δὲ καὶ ἀνομοθετήτῳ φύσεωσ δικαίῳ τόδε ἀξιοῦμεν, ὦ βουλή, μήτε πλέον ἔχειν ὑμῶν μήτε μεῖον, ἐν γοῦν τῷ δικαίῳ, πολλοὺσ καὶ μεγάλουσ συνδιενέγκαντεσ ὑμῖν πολέμουσ καὶ περὶ τὴν ἀπαλλαγὴν τῶν πολέμων πλείστην ἐπιδειξάμενοι προθυμίαν, καὶ τοῦ μηδενὶ τὸ κελευόμενον ποιεῖν τὴν πόλιν, ἀλλ’ αὐτὴν ἑτέροισ ἐπιτάττειν τὰ δίκαια, οὐκ ἐλαχίστην μοῖραν παρασχόμενοι.

οὕτω δ’ ἂν ἡμῖν τὸ μὴ μεῖον ἔχειν τῶν δικαίων ἀποδοίητε, ὦ πατέρεσ, εἰ τοὺσ ἐπιχειροῦντασ εἰσ τὰ σώματα ἡμῶν καὶ τὴν ἐλευθερίαν παρανομεῖν κωλύοιτε τὸν ἐκ τῆσ δίκησ ἐφιστάντεσ αὐτοῖσ φόβον.

ἀρχὰσ μὲν δὴ καὶ προεδρίασ καὶ τιμὰσ τοῖσ ἀρετῇ καὶ τύχῃ προὔχουσιν ἡμῶν οἰόμεθα δεῖν ἀπονέμειν· τὸ δὲ μηδὲν ἀδικεῖσθαι καὶ τὸ δίκασ ὧν ἄν τισ πάθῃ προσηκούσασ λαμβάνειν ἴσα καὶ κοινὰ τοῖσ ἅμα πολιτευομένοισ εἶναι δικαιοῦμεν.

ὥσπερ οὖν τῶν λαμπρῶν καὶ μεγάλων ἀφιστάμεθ’ ὑμῖν, οὕτωσ τῶν ἴσων καὶ κοινῶν οὐ μεθιέμεθα.

ἱκανὰ ταῦτ’ εἰρήσθω περὶ τοῦ δικαίου πολλῶν ἐνόντων καὶ ἄλλων λέγεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 41

(디오니시오스, Antiquitates Romanae, Books VII-IX, book 7, chapter 41)

상위

목록

SEARCH

MENU NAVIGATION