헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 26)

ἠγριωμένησ δὲ τῆσ βουλῆσ, ὡσ ἔμαθον οἱ δήμαρχοι πλείουσ ὄντασ τοὺσ βουλομένουσ ἀφελέσθαι τὴν δοθεῖσαν ἐξουσίαν τῷ δήμῳ τῶν ἐμμένειν ταῖσ ὁμολογίαισ ἀξιούντων, ἐξέδραμον ἐκ τοῦ βουλευτηρίου κεκραγότεσ καὶ θεοὺσ τοὺσ ὁρκίουσ ἐπικαλούμενοι. καὶ μετὰ τοῦτο συναγαγόντεσ εἰσ ἐκκλησίαν τὸν δῆμον ἐδήλωσαν αὐτῷ τοὺσ ἐν τῇ βουλῇ ῥηθέντασ λόγουσ ὑπὸ τοῦ Μαρκίου, καὶ τὸν ἄνδρα εἰσ ἀπολογίαν ἐκάλουν. ὡσ δ’ οὐ προσεῖχεν αὐτοῖσ, ἀλλὰ καὶ τοὺσ ὑπηρέτασ, ὑφ’ ὧν ἐκαλεῖτο, προπηλακίζων τοῖσ λόγοισ ἀνεῖρξεν, ἀγανακτήσαντεσ ἔτι μᾶλλον οἱ δήμαρχοι παραλαβόντεσ τούσ τ’ ἀγορανόμουσ καὶ τῶν ἄλλων πολιτῶν συχνοὺσ ὡρ́μησαν ἐπ’ αὐτόν·

ὁ δ’ ἔτυχεν ἔτι διατρίβων πρὸ τοῦ βουλευτηρίου τῶν τε πατρικίων πολλοὺσ ἐπαγόμενοσ καὶ τὴν ἄλλην ἑταιρίαν περὶ αὑτὸν ἔχων.

ὡσ δὲ συνεῖδον αὐτὸν οἱ δήμαρχοι, προσέταξαν τοῖσ ἀγορανόμοισ ἐπιλαβέσθαι τοῦ σώματοσ καί, εἰ μὴ ἑκὼν βούλεται ἀκολουθεῖν, βίᾳ ἄγειν·

εἶχον δὲ τότε τὴν ἀγορανομικὴν ἐξουσίαν Τῖτοσ Ιοὔνιοσ Βροῦτοσ καὶ Γάιοσ Οὐισέλλιοσ Ῥοῦγασ. οἱ μὲν δὴ προσῄεσαν ὡσ ἐπιληψόμενοι τοῦ ἀνδρόσ, οἱ δὲ πατρίκιοι δεινὸν ἡγησάμενοι τοὖργον ὑπὸ τῶν δημάρχων πρὸ δίκησ ἄγεσθαί τινα σφῶν βίᾳ προὔστησαν τοῦ Μαρκίου καὶ τύπτοντεσ τοὺσ ὁμόσε χωροῦντασ ἀπήλασαν. διαβοηθέντοσ δὲ τοῦ πάθουσ ἀνὰ τὴν πόλιν ὅλην ἐξεπήδων ἅπαντεσ ἐκ τῶν οἰκιῶν·

οἱ μὲν ἐν τοῖσ ἀξιώμασιν ὄντεσ καὶ χρημάτων ἔχοντεσ εὖ τὸν Μάρκιον ὑπερασπιοῦντεσ ἅμα τοῖσ πατρικίοισ καὶ τὴν ἀρχαίαν ἀνακτησόμενοι πολιτείαν, οἱ δὲ ταπεινοὶ ταῖσ τύχαισ καὶ βίου σπανίζοντεσ ἀμύνειν παρεσκευασμένοι τοῖσ δημάρχοισ καὶ ποιεῖν, ὅ τι ἂν ἐκεῖνοι κελεύσωσιν· ἥ τ’ αἰδώσ, ὑφ’ ἧσ κρατούμενοι τέωσ οὐδὲν ἐτόλμων εἰσ ἀλλήλουσ παρανομεῖν, τότ’ ἀνῄρητο ὑπ’ αὐτῶν.

οὐ μὴν ἔδρασάν γ’ οὐδὲν ἀνήκεστον τὴν ἡμέραν ἐκείνην, ἀλλ’ εἰσ τὴν ἐπιοῦσαν ἀνεβάλοντο, γνώμῃ τε καὶ παρακλήσει τῶν ὑπάτων εἴξαντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 26

(디오니시오스, Antiquitates Romanae, Books VII-IX, book 7, chapter 26)

상위

목록

SEARCH

MENU NAVIGATION