헬라어 텍스트

Dionysius of Halicarnassus, Antiquitates Romanae, book 2, chapter 71

(디오니시오스, Antiquitates Romanae, book 2, chapter 71)

ἐν δὲ ταῖσ πέλταισ, ἃσ οἵ τε σάλιοι φοροῦσι καὶ ἃσ ὑπηρέται τινὲσ αὐτῶν ἠρτημένασ ἀπὸ κανόνων κομίζουσι, πολλαῖσ πάνυ οὔσαισ μίαν εἶναι λέγουσι διοπετῆ, εὑρεθῆναι δ’ αὐτήν φασιν ἐν τοῖσ βασιλείοισ τοῖσ Νόμα, μηδενὸσ ἀνθρώπων εἰσενέγκαντοσ μηδ’ ἐγνωσμένου πρότερον ἐν Ἰταλοῖσ τοιούτου σχήματοσ, ἐξ ὧν ἀμφοτέρων ὑπολαβεῖν Ῥωμαίουσ θεόπεμπτον εἶναι τὸ ὅπλον. θυσιῶν ἐπετείων τυγχάνειν, δεδοικότα δὲ ἐπιβουλάσ τε τὰσ ἀπ’ ἐχθρῶν καὶ ἀφανισμὸν αὐτοῦ κλοπαῖον, ὅπλα λέγουσι πολλὰ κατασκευάσασθαι τῷ διοπετεῖ παραπλήσια, Μαμορίου τινὸσ δημιουργοῦ τὸ ἔργου ἀναδεξαμένου, ὥστε ἄσημον γενέσθαι καὶ δυσδιάγνωστον τοῖσ μέλλουσιν ἐπιβουλεύειν τὴν τοῦ θεοπέμπτου φύσιν διὰ τὴν ἀπαράλλακτον τῶν ἀνθρωπείων ἔργων ὁμοιότητα.

ἐπιχώριον δὲ Ῥωμαίοισ καὶ πάνυ τίμιον ὁ κουρητισμόσ, ὡσ ἐκ πολλῶν μὲν καὶ ἄλλων ἐγὼ συμβάλλομαι, μάλιστα δ’ ἐκ τῶν περὶ τὰσ πομπὰσ τάσ τε ἐν ἱπποδρόμῳ καὶ τὰσ ἐν τοῖσ θεάτροισ γινομένασ·

ἐν ἁπάσαισ γὰρ ταύταισ πρόσηβοι κόροι χιτωνίσκουσ ἐνδεδυκότεσ ἐκπρεπεῖσ κράνη καὶ ξίφη καὶ πάρμασ ἔχοντεσ στοιχηδὸν πορεύονται, καί εἰσιν οὗτοι τῆσ πομπῆσ ἡγεμόνεσ καλούμενοι πρὸσ αὐτῶν ἐπὶ τῆσ παιδιᾶσ τῆσ ὑπὸ Λυδῶν ἐξευρῆσθαι δοκούσησ λυδίωνεσ, εἰκόνεσ ὡσ ἐμοὶ δοκεῖ τῶν σαλίων, ἐπεὶ τῶν γε Κουρητικῶν οὐδὲν ὥσπερ οἱ σάλιοι δρῶσιν οὔτ’ ἐν ὕμνοισ οὔτ’ ἐν ὀρχήσει.

χρῆν δὲ τούτουσ ἐλευθέρουσ τε εἶναι καὶ αὐθιγενεῖσ καὶ ἀμφιθαλεῖσ, οἱ δ’ εἰσὶν ἐξ ὁποιασ2δήποτε τύχησ.

τί γὰρ δεῖ τὰ πλείω περὶ αὐτῶν γράφειν;