호흡부호 보기
강세부호 보기
장단부호 보기
작은 Iota 보기
모든 부호 보기
διενέγκαι δὲ τὸν θεὸν τοῦτον ἁπάντων ἀνδρείᾳ καὶ συνέσει καὶ δικαιοσύνῃ καὶ ταῖσ ἄλλαισ ἁπάσαισ ἀρεταῖσ· διὸ καὶ παραλαβόντα τὴν βασιλείαν παρὰ τοῦ Κρόνου πλεῖστα καὶ μέγιστα τὸν ἀνθρώπινον βίον εὐεργετῆσαι. πρῶτον μὲν γὰρ ἁπάντων καταδεῖξαι περὶ τῶν ἀδικημάτων τὸ δίκαιον ἀλλήλοισ διδόναι τοὺσ ἀνθρώπουσ καὶ τοῦ βίᾳ τι πράττειν ἀποστῆσαι, κρίσει δὲ καὶ δικαστηρίῳ τὰσ ἀμφισβητήσεισ διαλύειν. καθόλου δὲ τὰ περί τε τῆσ εὐνομίασ καὶ τῆσ εἰρήνησ προσαναπληρῶσαι, τοὺσ μὲν ἀγαθοὺσ πείθοντα, τοὺσ δὲ φαύλουσ τῇ τιμωρίᾳ καὶ τῷ φόβῳ καταπληττόμενον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기