Diodorus Siculus, Bibliotheca Historica, book 5, chapter 72

(디오도로스 시켈로스, Bibliotheca Historica, book 5, chapter 72)

καταδειχθῆναι δὲ καὶ θυσίασ αὐτῷ συντελεῖν ὑπὲρ τοὺσ ἄλλουσ ἅπαντασ, καὶ μετὰ τὴν ἐκ γῆσ μετάστασιν εἰσ τὸν οὐρανὸν ἐγγενέσθαι δόξασ δικαίουσ ἐν ταῖσ τῶν εὖ πεπονθότων ψυχαῖσ, ὡσ ἁπάντων τῶν γινομένων κατ’ οὐρανὸν οὗτοσ εἰή κύριοσ, λέγω δ’ ὄμβρων τε καὶ βροντῶν καὶ κεραυνῶν καὶ τῶν ἄλλων τῶν τοιούτων. διόπερ αὐτὸν προσαγορευθῆναι Ζῆνα μὲν ἀπὸ τοῦ δοκεῖν τοῖσ ἀνθρώποισ αἴτιον εἶναι τοῦ ζῆν, ταῖσ ἐκ τοῦ περιέχοντοσ εὐκρασίαισ τοὺσ καρποὺσ ἀνάγοντα πρὸσ τέλοσ, πατέρα δὲ διὰ τὴν φροντίδα καὶ τὴν εὔνοιαν τὴν εἰσ ἅπαντασ, ἔτι δὲ καὶ τὸ δοκεῖν ὥσπερ ἀρχηγὸν εἶναι τοῦ γένουσ τῶν ἀνθρώπων, ὕπατον δὲ καὶ βασιλέα διὰ τὴν τῆσ ἀρχῆσ ὑπεροχήν, εὐβουλέα δὲ καὶ μητιέτην διὰ τὴν ἐν τῷ βουλεύεσθαι καλῶσ σύνεσιν.

μυθολογοῦσι δὲ καὶ τὴν Ἀθηνᾶν κατὰ τὴν Κρήτην ἐκ Διὸσ ἐν ταῖσ πηγαῖσ τοῦ Τρίτωνοσ ποταμοῦ γεννηθῆναι·

διὸ καὶ Τριτογένειαν ὀνομασθῆναι. ἔστι δὲ καὶ νῦν ἔτι περὶ τὰσ πηγὰσ ταύτασ ἱερὸν ἅγιον τῆσ θεοῦ ταύτησ, ἐν ᾧ τόπῳ τὴν γένεσιν αὐτῆσ ὑπάρξαι μυθολογοῦσι. λέγουσι δὲ καὶ τοὺσ γάμουσ τοῦ τε Διὸσ καὶ τῆσ Ἥρασ ἐν τῇ Κνωσίων χώρᾳ γενέσθαι κατά τινα τόπον πλησίον τοῦ Θήρηνοσ ποταμοῦ, καθ’ ὃν νῦν ἱερόν ἐστιν, ἐν ᾧ θυσίασ κατ’ ἐνιαυτὸν ἁγίουσ ὑπὸ τῶν ἐγχωρίων συντελεῖσθαι, καὶ τοὺσ γάμουσ ἀπομιμεῖσθαι, καθάπερ ἐξ ἀρχῆσ γενέσθαι παρεδόθησαν.

τοῦ δὲ Διὸσ ἐκγόνουσ φασὶ γενέσθαι θεὰσ μὲν Ἀφροδίτην καὶ Χάριτασ, πρὸσ δὲ ταύταισ Εἰλείθυιαν καὶ τὴν ταύτησ συνεργὸν Ἄρτεμιν, καὶ τὰσ προσαγορευομένασ Ὥρασ, Εὐνομίαν τε καὶ Δίκην, ἔτι δ’ Εἰρήνην καὶ Ἀθηνᾶν καὶ Μοῦσασ, θεοὺσ δὲ Ἥφαιστον καὶ Ἄρην καὶ Ἀπόλλωνα, πρὸσ δὲ τούτοισ Ἑρμῆν καὶ Διόνυσον καὶ Ἡρακλέα.

일치하는 문장이 없습니다.

SEARCH

MENU NAVIGATION