Diodorus Siculus, Bibliotheca Historica, book 5, chapter 48

(디오도로스 시켈로스, Bibliotheca Historica, book 5, chapter 48)

μετὰ δὲ ταῦτα τῶν κατὰ τὴν νῆσον Σάωνα, γενόμενον, ὡσ μέν τινέσ φασιν, ἐκ Διὸσ καὶ Νύμφησ, ὡσ δέ τινεσ, ἐξ Ἑρμοῦ καὶ Ῥήνησ, συναγαγεῖν τοὺσ λαοὺσ σποράδην οἰκοῦντασ, καὶ νόμουσ θέμενον αὐτὸν μὲν ἀπὸ τῆσ νήσου Σάωνα κληθῆναι, τὸ δὲ πλῆθοσ εἰσ πέντε φυλὰσ διανείμαντα τῶν ἰδίων υἱῶν ἐπωνύμουσ αὐτὰσ ποιῆσαι. οὕτω δ’ αὐτῶν πολιτευομένων λέγουσι παρ’ αὐτοῖσ τοὺσ ἐκ Διὸσ καὶ μιᾶσ τῶν Ἀτλαντίδων Ἠλέκτρασ γενέσθαι Δάρδανόν τε καὶ Ιἀσίωνα καὶ Ἁρμονίαν.

ὧν τὸν μὲν Δάρδανον μεγαλεπίβολον γενόμενον, καὶ πρῶτον εἰσ τὴν Ἀσίαν ἐπὶ σχεδίασ διαπεραιωθέντα, τὸ μὲν πρῶτον κτίσαι Δάρδανον πόλιν καὶ τὸ βασίλειον τὸ περὶ τὴν ὕστερον κληθεῖσαν Τροίαν συστήσασθαι καὶ τοὺσ λαοὺσ ἀφ’ ἑαυτοῦ Δαρδάνουσ ὀνομάσαι.

ἐπάρξαι δ’ αὐτόν φασι καὶ πολλῶν ἐθνῶν κατὰ τὴν Ἀσίαν, καὶ τοὺσ ὑπὲρ Θρᾴκησ Δαρδάνουσ κατοικίσαι. τὸν δὲ Δία βουληθέντα καὶ τὸν ἕτερον τῶν υἱῶν τιμῆσ τυχεῖν, παραδεῖξαι αὐτῷ τὴν τῶν μυστηρίων τελετήν, πάλαι μὲν οὖσαν ἐν τῷ νήσῳ, τότε δέ πωσ παραδοθεῖσαν, ὧν οὐ θέμισ ἀκοῦσαι πλὴν τῶν μεμυημένων.

δοκεῖ δ’ οὗτοσ πρῶτοσ ξένουσ μυῆσαι καὶ τὴν τελετὴν διὰ τοῦτο ἔνδοξον ποιῆσαι. μετὰ δὲ ταῦτα Κάδμον τὸν Ἀγήνοροσ κατὰ ζήτησιν τῆσ Εὐρώπησ ἀφικέσθαι πρὸσ αὐτούσ, καὶ τῆσ τελετῆσ μετασχόντα γῆμαι τὴν ἀδελφὴν τοῦ Ιἀσίωνοσ Ἁρμονίαν, οὐ καθάπερ Ἕλληνεσ μυθολογοῦσι, τὴν Ἄρεοσ.

일치하는 문장이 없습니다.

SEARCH

MENU NAVIGATION