Diodorus Siculus, Bibliotheca Historica, book 5, chapter 77

(디오도로스 시켈로스, Bibliotheca Historica, book 5, chapter 77)

πλοῦτον δὲ γενέσθαι φασὶν ἐν Τριπόλῳ τῆσ Κρήτησ ἐκ Δήμητροσ καὶ Ιἀσίωνοσ, διττῶσ ἱστορουμένησ αὐτοῦ τῆσ γενέσεωσ. οἱ μὲν γάρ φασι τὴν γῆν σπαρεῖσαν ὑπὸ Ιἀσίωνοσ καὶ τυγχάνουσαν ἐπιμελείασ τῆσ προσηκούσησ ἀνεῖναι τοσοῦτο πλῆθοσ καρπῶν, ὥστε τοὺσ ἰδόντασ ἴδιον ὄνομα θέσθαι τῷ πλήθει τῶν γενομένων καρπῶν καὶ προσαγορεῦσαι πλοῦτον· διὸ καὶ τοῖσ ἐπιγινομένοισ παραδόσιμον γενέσθαι τὸ τοὺσ πλείω τῶν ἱκανῶν κτησαμένουσ ἔχειν πλοῦτον. ἔνιοι δὲ μυθολογοῦσιν ἐκ Δήμητροσ καὶ Ιἀσίωνοσ γενέσθαι παῖδα Πλοῦτον ὀνομαζόμενον, ὃν πρῶτον ἐπιμέλειαν βίου καὶ χρημάτων ἀθροισμὸν καὶ φυλακὴν εἰσηγήσασθαι, τῶν πρὸ τοῦ πάντων ὀλιγώρωσ ἐχόντων περὶ τὸ σωρεύειν καὶ τηρεῖν ἐπιμελῶσ χρημάτων πλῆθοσ.

περὶ μὲν οὖν τῶν θεῶν οἱ Κρῆτεσ τῶν παρ’ αὐτοῖσ λεγομένων γεννηθῆναι τοιαῦτα μυθολογοῦσι·

τὰσ δὲ τιμὰσ καὶ θυσίασ καὶ τὰσ περὶ τὰ μυστήρια τελετὰσ ἐκ Κρήτησ εἰσ τοὺσ ἄλλουσ ἀνθρώπουσ παραδεδόσθαι λέγοντεσ τοῦτο φέρουσιν, ὡσ οἰόνται, μέγιστον τεκμήριον· τήν τε γὰρ παρ’ Ἀθηναίοισ ἐν Ἐλευσῖνι γινομένην τελετήν, ἐπιφανεστάτην σχεδὸν οὖσαν ἁπασῶν, καὶ τὴν ἐν Σαμοθρᾴκῃ καὶ τὴν ἐν Θρᾴκῃ ἐν τοῖσ Κίκοσιν, ὅθεν ὁ καταδείξασ Ὀρφεὺσ ἦν, μυστικῶσ παραδίδοσθαι, κατὰ δὲ τὴν Κρήτην ἐν Κνωσῷ νόμιμον ἐξ ἀρχαίων εἶναι φανερῶσ τὰσ τελετὰσ ταύτασ πᾶσι παραδίδοσθαι, καὶ τὰ παρὰ τοῖσ ἄλλοισ ἐν ἀπορρήτῳ παραδιδόμενα παρ’ αὐτοῖσ μηδένα κρύπτειν τῶν βουλομένων τὰ τοιαῦτα γινώσκειν. τῶν γὰρ θεῶν φασι τοὺσ πλείστουσ ἐκ τῆσ Κρήτησ ὁρμηθέντασ ἐπιέναι πολλὰ μέρη τῆσ οἰκουμένησ, εὐεργετοῦντασ τὰ γένη τῶν ἀνθρώπων καὶ μεταδιδόντασ ἑκάστοισ τῆσ ἐκ τῶν ἰδίων εὑρημάτων ὠφελείασ.

Δήμητραν μὲν γὰρ περαιωθεῖσαν εἰσ τὴν Ἀττικὴν ἐκεῖθεν εἰσ Σικελίαν ἀπᾶραι, καὶ μετὰ ταῦτ’ εἰσ Αἴγυπτον· ἐν δὲ τούτοισ τοῖσ τόποισ μάλιστα τὸν τοῦ σίτου καρπὸν παραδοῦσαν καὶ τὰ περὶ τὸν σπόρον διδάξασαν μεγάλων τιμῶν τυχεῖν παρὰ τοῖσ εὖ παθοῦσιν. ὁμοίωσ δ’ Ἀφροδίτην ἐνδιατρῖψαι τῆσ μὲν Σικελίασ περὶ τὸν Ἔρυκα, τῶν δὲ νήσων περὶ Κύθηρα καὶ Πάφον τῆσ Κύπρου, τῆσ δὲ Ἀσίασ περὶ τὴν Συρίαν·

διὰ δὲ τὴν ἐπιφάνειαν καὶ τὴν ἐπὶ πλέον ἐπιδημίαν αὐτῆσ τοὺσ ἐγχωρίουσ ἐξιδιάζεσθαι τὴν θεόν, καλοῦντασ Ἀφροδίτην Ἐρυκίνην καὶ Κυθέρειαν καὶ Παφίαν, ἔτι δὲ καὶ Συρίαν. ὡσαύτωσ δὲ τὸν μὲν Ἀπόλλωνα πλεῖστον χρόνον φανῆναι περὶ Δῆλον καὶ Λυκίαν καὶ Δελφούσ, τὴν δ’ Ἄρτεμιν περὶ τὴν Ἔφεσον καὶ τὸν Πόντον, ἔτι δὲ τὴν Περσίδα καὶ τὴν Κρήτην·

ἀπὸ τῶν τόπων ἢ πράξεων τῶν παρ’ ἑκάστοισ συντελεσθεισῶν τὸν μὲν Δήλιον καὶ Λύκιον καὶ Πύθιον ὀνομάζεσθαι, τὴν δ’ Ἐφεσίαν καὶ Κρησίαν, ἔτι δὲ Ταυροπόλον καὶ Περσίαν, ἀμφοτέρων ἐν Κρήτῃ γεγεννημένων.

τιμᾶται δὲ καὶ παρὰ τοῖσ Πέρσαισ ἡ θεὸσ αὕτη διαφερόντωσ, καὶ μυστήρια ποιοῦσιν οἱ βάρβαροι, συντελούμενα παρ’ ἑτέροισ μέχρι τῶν νῦν χρόνων Ἀρτέμιδι Περσίᾳ.

παραπλήσια δὲ μυθολογοῦσι καὶ περὶ τῶν ἄλλων θεῶν, περὶ ὧν ἡμῖν ἀναγράφειν μακρὸν ἂν εἰή, τοῖσ δ’ ἀναγινώσκουσι παντελῶσ ἀσύνοπτον.

일치하는 문장이 없습니다.

SEARCH

MENU NAVIGATION