헬라어 문장 검색 - Διοδορ́Βιβλιοτ́5́15́

(디오도로스 시켈로스, Bibliotheca Historica, book 5, chapter 14)

οἱ δ’ ἐγχώριοι τροφαῖσ μὲν χρῶνται γάλακτι καὶ μέλιτι καὶ κρέασι, δαψιλῶσ πάντα ταῦτα παρεχομένησ τῆσ χώρασ, τὰ δὲ πρὸσ ἀλλήλουσ βιοῦσιν ἐπιεικῶσ καὶ δικαίωσ παρὰ πάντασ σχεδὸν τοὺσ ἄλλουσ βαρβάρουσ· τά τε γὰρ κατὰ τὴν ὀρεινὴν ἐν τοῖσ δένδρεσιν εὑρισκόμενα κηρία τῶν πρώτων εὑρισκόντων ἐστί, μηδενὸσ ἀμφισβητοῦντοσ, τά τε πρόβατα σημείοισ διειλημμένα, κἂν μηδεὶσ φυλάττῃ, σώζεται τοῖσ κεκτημένοισ, ἔν τε ταῖσ ἄλλαισ ταῖσ ἐν τῷ βίῳ κατὰ μέροσ οἰκονομίαισ θαυμαστῶσ προτιμῶσι τὸ δικαιοπραγεῖν. παραδοξότατον δ’ ἐστὶ τὸ παρ’ αὐτοῖσ γινόμενον κατὰ τὰσ τῶν τέκνων γενέσεισ·

ὅταν γὰρ ἡ γυνὴ τέκῃ, ταύτησ μὲν οὐδεμία γίνεται περὶ τὴν λοχείαν ἐπιμέλεια, ὁ δ’ ἀνὴρ αὐτῆσ ἀναπεσὼν ὡσ νοσῶν λοχεύεται τακτὰσ ἡμέρασ, ὡσ τοῦ σώματοσ αὐτῷ κακοπαθοῦντοσ· φύεται δὲ κατὰ τὴν νῆσον ταύτην καὶ πύξοσ πλείστη καὶ διάφοροσ, δι’ ἣν καὶ τὸ μέλι τὸ γινόμενον ἐν ταύτῃ παντελῶσ γίνεται πικρόν.

κατοικοῦσι δ’ αὐτὴν βάρβαροι, τὴν διάλεκτον ἔχοντεσ ἐξηλλαγμένην καὶ δυσκατανόητον· τὸν δ’ ἀριθμὸν ὑπάρχουσιν ὑπὲρ τοὺσ τρισμυρίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 14

(디오도로스 시켈로스, Bibliotheca Historica, book 5, chapter 14)

상위

목록

SEARCH

MENU NAVIGATION