헬라어 문장 검색 - Διοδορ́Βιβλιοτ́5́65́

(디오도로스 시켈로스, Bibliotheca Historica, book 5, chapter 64)

περὶ μὲν οὖν Ῥόδου καὶ Χερρονήσου ἀρκεσθησόμεθα τοῖσ ῥηθεῖσι, περὶ δὲ Κρήτησ νῦν διέξιμεν. οἱ μὲν γὰρ τὴν Κρήτην κατοικοῦντέσ φασιν ἀρχαιοτάτουσ γενέσθαι παρ’ αὑτοῖσ τοὺσ ὀνομαζομένουσ Ἐτεόκρητασ αὐτόχθονασ, ὧν τὸν μὲν βασιλέα Κρῆτα καλούμενον πλεῖστα καὶ μέγιστα κατὰ τὴν νῆσον εὑρεῖν τὰ δυνάμενα τὸν κοινὸν τῶν ἀνθρώπων βίον ὠφελῆσαι. καὶ τῶν θεῶν δὲ τοὺσ πλείστουσ μυθολογοῦσι παρ’ ἑαυτοῖσ γενέσθαι τοὺσ διὰ τὰσ κοινὰσ εὐεργεσίασ τυχόντασ ἀθανάτων τιμῶν·

περὶ ὧν ἡμεῖσ ἐν κεφαλαίοισ τὰ παραδεδομένα διέξιμεν ἀκολούθωσ τοῖσ ἐνδοξοτάτοισ τῶν τὰσ Κρητικὰσ πράξεισ συνταξαμένων. πρῶτοι τοίνυν τῶν εἰσ μνήμην παραδεδομένων ᾤκησαν τῆσ Κρήτησ περὶ τὴν Ἴδην οἱ προσαγορευθέντεσ Ἰδαῖοι Δάκτυλοι.

τούτουσ δ’ οἱ μὲν ἑκατὸν τὸν ἀριθμὸν γεγονέναι παραδεδώκασιν, οἱ δὲ δέκα φασὶν ὑπάρχοντασ τυχεῖν ταύτησ τῆσ προσηγορίασ, τοῖσ ἐν ταῖσ χερσὶ δακτύλοισ ὄντασ ἰσαρίθμουσ. ἔνιοι δ’ ἱστοροῦσιν, ὧν ἐστι καὶ Ἔφοροσ, τοὺσ Ἰδαίουσ Δακτύλουσ γενέσθαι μὲν κατὰ τὴν Ἴδην τὴν ἐν Φρυγίᾳ, διαβῆναι δὲ μετὰ Μυγδόνοσ εἰσ τὴν Εὐρώπην·

ὑπάρξαντασ δὲ γόητασ ἐπιτηδεῦσαι τάσ τε ἐπῳδὰσ καὶ τελετὰσ καὶ μυστήρια, καὶ περὶ Σαμοθρᾴκην διατρίψαντασ οὐ μετρίωσ ἐν τούτοισ ἐκπλήττειν τοὺσ ἐγχωρίουσ· καθ’ ὃν δὴ χρόνον καὶ τὸν Ὀρφέα, φύσει διαφόρῳ κεχορηγημένον πρὸσ ποίησιν καὶ μελῳδίαν, μαθητὴν γενέσθαι τούτων, καὶ πρῶτον εἰσ τοὺσ Ἕλληνασ ἐξενεγκεῖν τελετὰσ καὶ μυστήρια. οἱ δ’ οὖν κατὰ τὴν Κρήτην Ἰδαῖοι Δάκτυλοι παραδέδονται τήν τε τοῦ πυρὸσ χρῆσιν καὶ τὴν τοῦ χαλκοῦ καὶ σιδήρου φύσιν ἐξευρεῖν τῆσ Ἀπτεραίων χώρασ περὶ τὸν καλούμενον Βερέκυνθον, καὶ τὴν ἐργασίαν δι’ ἧσ κατασκευάζεται·

δόξαντασ δὲ μεγάλων ἀγαθῶν ἀρχηγοὺσ γεγενῆσθαι τῷ γένει τῶν ἀνθρώπων τιμῶν τυχεῖν ἀθανάτων. ἱστοροῦσι δ’ αὐτῶν ἕνα μὲν προσαγορευθῆναι Ἡρακλέα, δόξῃ δὲ διενεγκόντα θεῖναι τὸν ἀγῶνα τὸν τῶν Ὀλυμπίων·

τοὺσ δὲ μεταγενεστέρουσ ἀνθρώπουσ διὰ τὴν ὁμωνυμίαν δοκεῖν τὸν ἐξ Ἀλκμήνησ συστήσασθαι τὴν τῶν Ὀλυμπίων θέσιν. σημεῖα δὲ τούτων φασὶ διαμένειν τὸ πολλὰσ τῶν γυναικῶν ἔτι καὶ νῦν λαμβάνειν ἐπῳδὰσ ἀπὸ τούτου τοῦ θεοῦ καὶ περιάμματα ποιεῖν, ὡσ γεγονότοσ αὐτοῦ γόητοσ καὶ τὰ περὶ τὰσ τελετὰσ ἐπιτετηδευκότοσ·

ἃ δὴ πλεῖστον κεχωρίσθαι τῆσ Ἡρακλέουσ συνηθείασ τοῦ γεγονότοσ ἐξ Ἀλκμήνησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 64

(디오도로스 시켈로스, Bibliotheca Historica, book 5, chapter 64)

상위

목록

SEARCH

MENU NAVIGATION