헬라어 문장 검색 - Διοδορ́Βιβλιοτ́5́03́

(디오도로스 시켈로스, Bibliotheca Historica, book 5, chapter 2)

καὶ ταύτην τὴν βίβλον ἐπιγράφοντεσ νησιωτικὴν ἀκολούθωσ τῇ γραφῇ περὶ πρώτησ τῆσ Σικελίασ ἐροῦμεν, ἐπεὶ καὶ κρατίστη τῶν νήσων ἐστὶ καὶ τῇ παλαιότητι τῶν μύθολογουμένων πεπρώτευκεν. ἡ γὰρ νῆσοσ τὸ παλαιὸν ἀπὸ μὲν τοῦ σχήματοσ Τρινακρία κληθεῖσα, ἀπὸ δὲ τῶν κατοικησάντων αὐτὴν Σικανῶν Σικανία προσαγορευθεῖσα, τὸ τελευταῖον ἀπὸ Σικελῶν τῶν ἐκ τῆσ Ἰταλίασ πανδημεὶ περαιωθέντων ὠνόμοσται Σικελία. ἔστι δ’ αὐτῆσ ἡ περίμετροσ σταδίων ὡσ τετρακισχιλίων τριακοσίων ἑξήκοντα·

τῶν γὰρ τριῶν πλευρῶν ἡ μὲν ἀπὸ τῆσ Πελωριάδοσ ἐπὶ τὸ Λιλύβαιον ὑπάρχει σταδίων χιλίων ἑπτακοσίων, ἡ δ’ ἀπὸ Λιλυβαίου μέχρι Παχύνου τῆσ Συρακοσίασ χώρασ σταδίων χιλίων καὶ πεντακοσίων, ἡ δ’ ἀπολειπομένη σταδίων χιλίων ἑκατὸν τεσσαράκοντα. οἱ ταύτην οὖν κατοικοῦντεσ Σικελιῶται παρειλήφασι παρὰ τῶν προγόνων, ἀεὶ τῆσ φήμησ ἐξ αἰῶνοσ παραδεδομένησ τοῖσ ἐκγόνοισ, ἱερὰν ὑπάρχειν τὴν νῆσον Δήμητροσ καὶ Κόρησ·

ἔνιοι δὲ τῶν ποιητῶν μυθολογοῦσι κατὰ τὸν τοῦ Πλούτωνοσ καὶ Φερσεφόνησ γάμον ὑπὸ Διὸσ ἀνακάλυπτρα τῇ νύμφῃ δεδόσθαι ταύτην τὴν νῆσον. τοὺσ δὲ κατοικοῦντασ αὐτὴν τὸ παλαιὸν Σικανοὺσ αὐτόχθονασ εἶναί φασιν οἱ νομιμώτατοι τῶν συγγραφέων, καὶ τάσ τε προειρημένασ θεὰσ ἐν ταύτῃ τῇ νήσῳ πρώτωσ φανῆναι καὶ τὸν τοῦ σίτου καρπὸν ταύτην πρώτην ἀνεῖναι διὰ τὴν ἀρετὴν τῆσ χώρασ, περὶ ὧν καὶ τὸν ἐπιφανέστατον τῶν ποιητῶν μαρτυρεῖν λέγοντα ἀλλὰ τά γ’ ἄσπαρτα καὶ ἀνήροτα πάντα φύονται πυροὶ καὶ κριθαί, ἠδ’ ἄμπελοι, αἵτε φέρουσιν οἶνον ἐριστάφυλον, καί σφιν Διὸσ ὄμβροσ ἀέξει.

ἔν τε γὰρ τῷ Λεοντίνῳ πεδίῳ καὶ κατὰ πολλοὺσ ἄλλουσ τόπουσ τῆσ Σικελίασ μέχρι τοῦ νῦν φύεσθαι τοὺσ ἀγρίουσ ὀνομαζομένουσ πυρούσ. καθόλου δὲ πρὸ τῆσ εὑρέσεωσ τοῦ σίτου ζητουμένου κατὰ ποίαν τῆσ οἰκουμένησ γῆν πρῶτον ἐφάνησαν οἱ προειρημένοι καρποί, εἰκόσ ἐστιν ἀποδίδοσθαι τὸ πρωτεῖον τῇ κρατίστῃ χώρᾳ·

καὶ τὰσ θεὰσ δὲ τὰσ εὑρούσασ ἀκολούθωσ τοῖσ εἰρημένοισ ὁρᾶν ἐστι μάλιστα τιμωμένασ παρὰ τοῖσ Σικελιώταισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 2

(디오도로스 시켈로스, Bibliotheca Historica, book 5, chapter 2)

상위

목록

SEARCH

MENU NAVIGATION