헬라어 문장 검색 - Διοδορ́Βιβλιοτ́5́08́

(디오도로스 시켈로스, Bibliotheca Historica, book 5, chapter 7)

ἡμεῖσ δὲ περὶ τούτων ἀρκούντωσ εἰρηκότεσ μεταβιβάσομεν τὸν λόγον ἐπὶ τὰσ νήσουσ τὰσ ὀνομαζομένασ Αἰολίδασ. αὗται δ’ εἰσὶ τὸν μὲν ἀριθμὸν ἑπτά, προσηγορίασ δ’ ἔχουσι ταύτασ, Στρογγύλη καὶ Εὐώνυμοσ, ἔτι δὲ Διδύμη καὶ Φοινικώδησ καὶ Ἐρικώδησ, πρὸσ δὲ τούτοισ Ιἑρὰ Ἡφαίστου καὶ Λιπάρα, καθ’ ἣν ὁμώνυμοσ πόλισ καθίδρυται. κεῖνται δ’ αὗται μεταξὺ Σικελίασ καὶ Ἰταλίασ ἐπ’ εὐθείασ ἀπὸ πορθμοῦ καὶ τῆσ πρὸσ ἑώ πρὸσ δύσιν.

ἀπέχουσι δὲ τῆσ Σικελίασ ὡσ ἑκατὸν πεντήκοντα σταδίουσ, καὶ τὸ μέγεθόσ εἰσιν ἀλλήλαισ παραπλήσιαι· ἡ δὲ μεγίστη αὐτῶν ἐστι τὴν περίμετρον σταδίων ὡσ ἑκατὸν πεντήκοντα. αὗται δὲ πᾶσαι πυρὸσ ἐσχήκασιν ἀναφυσήματα μεγάλα, ὧν κρατῆρεσ οἱ γεγενημένοι καὶ τὰ στόμια μέχρι τοῦ νῦν εἰσι φανερά.

ἐν δὲ τῇ Στρογγύλῃ καὶ τῇ Ιἑρᾷ μέχρι τοῦ νῦν ἐκ τῶν χασμάτων ἐκπίπτει πνεύματοσ μέγεθοσ καὶ βρόμοσ ἐξαίσιοσ· ἐκφυσᾶται δὲ καὶ ἅμμοσ καὶ λίθων διαπύρων πλῆθοσ, καθάπερ ἔστιν ὁρᾶν καὶ περὶ τὴν Αἴτνην γινόμενον. λέγουσι γάρ τινεσ ἐκ τούτων τῶν νήσων ὑπονόμουσ εἶναι κατὰ γῆσ μέχρι τῆσ Αἴτνησ καὶ τοῖσ ἐπ’ ἀμφότερα στομίοισ συνημμένουσ·

διὸ καὶ κατὰ τὸ πλεῖστον ἐναλλὰξ κάεσθαι τοὺσ ἐν ταύταισ ταῖσ νήσοισ κρατῆρασ τῶν κατὰ τὴν Αἴτνην. φασὶ δὲ τὰσ Αἰόλου νήσουσ τὸ μὲν παλαιὸν ἐρήμουσ γεγονέναι, μετὰ δὲ ταῦτα τὸν ὀνομαζόμενον Λίπαρον, Αὔσονοσ ὄντα τοῦ βασιλέωσ υἱόν, ὑπὸ τῶν ἀδελφῶν καταστασιασθῆναι, κυριεύσαντα δὲ νεῶν μακρῶν καὶ στρατιωτῶν ἐκ τῆσ Ἰταλίασ φυγεῖν εἰσ τὴν ἀπὸ τούτου Λιπάραν ὀνομασθεῖσαν·

ἐν ταύτῃ δὲ τὴν ἐπώνυμον αὑτοῦ πόλιν κτίσαι, καὶ τὰσ ἄλλασ νήσουσ τὰσ προειρημένασ γεωργῆσαι. τούτου δὲ γεγηρακότοσ Αιὄλον τὸν Ἱππότου μετά τινων παραβαλόντα εἰσ τὴν Λιπάραν τὴν τοῦ Λιπάρου θυγατέρα γῆμαι Κυάνην·

καὶ τοὺσ λαοὺσ κοινῇ μετὰ τῶν ἐγχωρίων πολιτεύεσθαι ποιήσασ ἐβασίλευσε τῆσ νήσου. τῷ δὲ Λιπάρῳ τῆσ Ἰταλίασ ἐπιθυμοῦντι συγκατεσκεύασεν αὐτῷ τοὺσ περὶ τὸ Σύρρεντον τόπουσ, ὅπου βασιλεύσασ καὶ μεγάλησ ἀποδοχῆσ τυχὼν ἐτελεύτησε· ταφεὶσ δὲ μεγαλοπρεπῶσ τιμῶν ἔτυχεν ἡρωικῶν παρὰ τοῖσ ἐγχωρίοισ. ὁ δ’ Αἰόλοσ οὗτόσ ἐστι πρὸσ ὃν μυθολογοῦσι τὸν Ὀδυσσέα κατὰ τὴν πλάνην ἀφικέσθαι.

γενέσθαι δ’ αὐτόν φασιν εὐσεβῆ καὶ δίκαιον, ἔτι δὲ καὶ πρὸσ τοὺσ ξένουσ φιλάνθρωπον· πρὸσ δὲ τούτοισ τὴν τῶν ἱστίων χρείαν τοῖσ ναυτικοῖσ ἐπεισηγήσασθαι, καὶ ἀπὸ τῆσ τοῦ πυρὸσ προσημασίασ παρατετηρηκότα προλέγειν τοὺσ ἐγχωρίουσ ἀνέμουσ εὐστόχωσ, ἐξ οὗ ταμίαν αὐτὸν εἶναι τῶν ἀνέμων ὁ μῦθοσ ἀνέδειξε· διὰ δὲ τὴν ὑπερβολὴν τῆσ εὐσεβείασ φίλον τῶν θεῶν ὀνομασθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 7

(디오도로스 시켈로스, Bibliotheca Historica, book 5, chapter 7)

상위

목록

SEARCH

MENU NAVIGATION