Diodorus Siculus, Bibliotheca Historica, book 5, chapter 30

(디오도로스 시켈로스, Bibliotheca Historica, book 5, chapter 30)

ἐσθῆσι δὲ χρῶνται καταπληκτικαῖσ, χιτῶσι μὲν βαπτοῖσ χρώμασι παντοδαποῖσ διηνθισμένοισ καὶ ἀναξυρίσιν, ἃσ ἐκεῖνοι βράκασ προσαγορεύουσιν· ἐπιπορποῦνται δὲ σάγουσ ῥαβδωτοὺσ ἐν μὲν τοῖσ χειμῶσι δασεῖσ, κατὰ δὲ τὸ θέροσ ψιλούσ, πλινθίοισ πυκνοῖσ καὶ πολυανθέσι διειλημμένουσ. ὅπλοισ δὲ χρῶνται θυρεοῖσ μὲν ἀνδρομήκεσι, πεποικιλμένοισ ἰδιοτρόπωσ·

τινὲσ δὲ καὶ ζῴων χαλκῶν ἐξοχὰσ ἔχουσιν, οὐ πρὸσ κόσμον, ἀλλὰ πρὸσ ἀσφάλειαν εὖ δεδημιουργημένασ. κράνη δὲ χαλκᾶ περιτίθενται μεγάλασ ἐξοχὰσ ἐξ ἑαυτῶν ἔχοντα καὶ παμμεγέθη φαντασίαν ἐπιφέροντα τοῖσ χρωμένοισ, ὧν τοῖσ μὲν πρόσκειται συμφυῆ κέρατα, τοῖσ δὲ ὀρνέων ἢ τετραπόδων ζῴων ἐκτετυπωμέναι προτομαί. σάλπιγγασ δ’ ἔχουσιν ἰδιοφυεῖσ καὶ βαρβαρικάσ·

ἐμφυσῶσι γὰρ ταύταισ καὶ προβάλλουσιν ἦχον τραχὺν καὶ πολεμικῆσ ταραχῆσ οἰκεῖον. θώρακασ δ’ ἔχουσιν οἱ μὲν σιδηροῦσ ἁλυσιδωτούσ, οἱ δὲ τοῖσ ὑπὸ τῆσ φύσεωσ δεδομένοισ ἀρκοῦνται, γυμνοὶ μαχόμενοι. ἀντὶ δὲ τοῦ ξίφουσ σπάθασ ἔχουσι μακρὰσ σιδηραῖσ ἢ χαλκαῖσ ἁλύσεσιν ἐξηρτημένασ, παρὰ τὴν δεξιὰν λαγόνα παρατεταμένασ. τινὲσ δὲ τοὺσ χιτῶνασ ἐπιχρύσοισ ἢ καταργύροισ ζωστῆρσι συνέζωνται. προβάλλονται δὲ λόγχασ, ἃσ ἐκεῖνοι λαγκίασ καλοῦσι, πηχυαῖα τῷ μήκει τοῦ σιδήρου καὶ ἔτι μείζω τὰ ἐπιθήματα ἐχούσασ, πλάτει δὲ βραχὺ λείποντα διπαλαίστων·

τὰ μὲν γὰρ ξίφη τῶν παρ’ ἑτέροισ σαυνίων εἰσὶν οὐκ ἐλάττω, τὰ δὲ σαυνία τὰσ ἀκμὰσ ἔχει τῶν ξιφῶν μείζουσ. τούτων δὲ τὰ μὲν ἐπ’ εὐθείασ κεχάλκευται, τὰ δ’ ἑλικοειδῆ δι’ ὅλων ἀνάκλασιν ἔχει πρὸσ τὸ καὶ κατὰ τὴν πληγὴν μὴ μόνον τέμνειν, ἀλλὰ καὶ θραύειν τὰσ σάρκασ καὶ κατὰ τὴν ἀνακομιδὴν τοῦ δόρατοσ σπαράττειν τὸ τραῦμα.

일치하는 문장이 없습니다.

SEARCH

MENU NAVIGATION