Diodorus Siculus, Bibliotheca Historica, book 5, chapter 81

(디오도로스 시켈로스, Bibliotheca Historica, book 5, chapter 81)

ἐπεὶ δὲ περὶ Κρήτησ ἱκανῶσ διήλθομεν, περὶ τῆσ Λέσβου νῦν λέγειν ἐπιχειρήσομεν. ταύτην γὰρ τὴν νῆσον τὸ παλαιὸν ᾤκησε πλείω γένη, πολλῶν μεταναστάσεων ἐν αὐτῇ γενομένων. ἐρήμου γὰρ οὔσησ αὐτῆσ πρώτουσ Πελασγοὺσ κατασχεῖν αὐτὴν τοιῷδέ τινι τρόπῳ. Ξάνθοσ ὁ Τριόπου τῶν ἐξ Ἄργουσ Πελασγῶν βασιλεύων, καὶ κατασχὼν μέροσ τι τῆσ Λυκίασ χώρασ, τὸ μὲν πρῶτον ἐν αὐτῇ κατοικῶν ἐβασίλευε τῶν συνακολουθησάντων Πελασγῶν, ὕστερον δὲ περαιωθεὶσ εἰσ τὴν Λέσβον οὖσαν ἔρημον τὴν μὲν χώραν τοῖσ λαοῖσ ἐμέρισε, τὴν δὲ νῆσον ἀπὸ τῶν κατοικούντων αὐτὴν Πελασγίαν ὠνόμασε, τὸ πρὸ τοῦ καλουμένην Ἴσσαν.

ὕστερον δὲ γενεαῖσ ἑπτὰ γενομένου τοῦ κατὰ Δευκαλίωνα κατακλυσμοῦ καὶ πολλῶν ἀνθρώπων ἀπολομένων, συνέβη καὶ τὴν Λέσβον διὰ τὴν ἐπομβρίαν ἐρημωθῆναι.

μετὰ δὲ ταῦτα Μακαρεὺσ εἰσ αὐτὴν ἀφικόμενοσ, καὶ τὸ κάλλοσ τῆσ χώρασ κατανοήσασ, κατῴκησεν αὐτήν. ἦν δ’ ὁ Μακαρεὺσ υἱὸσ μὲν Κρινάκου τοῦ Διόσ, ὥσ φησιν Ἡσίοδοσ καὶ ἄλλοι τινὲσ τῶν ποιητῶν, κατοικῶν δ’ ἐν Ὠλένῳ τῆσ τότε μὲν Ιἄδοσ, νῦν δ’ Ἀχαϊάσ καλουμένησ.

εἶχε δὲ λαοὺσ ἠθροισμένουσ, τοὺσ μὲν Ιὤνασ, τοὺσ δ’ ἐξ ἄλλων ἐθνῶν παντοδαπῶν συνερρυηκότασ. καὶ τὸ μὲν πρῶτον τὴν Λέσβον κατῴκησε, μετὰ δὲ ταῦτα ἀεὶ μᾶλλον αὐξόμενοσ διά τε τὴν ἀρετὴν τῆσ νήσου καὶ τὴν ἰδίαν ἐπιείκειάν τε καὶ δικαιοσύνην τὰσ σύνεγγυσ νήσουσ κατεκτᾶτο, καὶ διεμέριζε τὴν χώραν ἔρημον οὖσαν.

κατὰ δὲ τούτουσ τοὺσ χρόνουσ Λέσβοσ ὁ Λαπίθου τοῦ Αἰόλου τοῦ Ἱππότου κατά τι πυθόχρηστον μετ’ οἰκητόρων πλεύσασ εἰσ τὴν προειρημένην νῆσον, καὶ γήμασ τὴν θυγατέρα τοῦ Μακαρέωσ Μήθυμναν, κοινῇ κατῴκησε, γενόμενοσ δ’ ἐπιφανὴσ ἀνὴρ τήν τε νῆσον Λέσβον ὠνόμασεν ἀφ’ ἑαυτοῦ καὶ τοὺσ λαοὺσ Λεσβίουσ προσηγόρευσε.

Μακαρεῖ δὲ θυγατέρεσ ἐγένοντο σὺν ἄλλαισ Μυτιλήνη καὶ Μήθυμνα, ἀφ’ ὧν αἱ πόλεισ ἔσχον τὴν προσηγορίαν.

ὁ δὲ Μακαρεὺσ ἐπιβαλλόμενοσ τὰσ σύνεγγυσ νήσουσ ἰδίασ κατασκευάζειν ἐξέπεμψεν ἀποικίαν εἰσ πρώτην τὴν Χίον, ἑνὶ τῶν ἑαυτοῦ παίδων παραδοὺσ τὴν ἡγεμονίαν· μετὰ δὲ ταῦτα εἰσ τὴν Σάμον ἕτερον ἐξέπεμψε τὸν ὀνομαζόμενον Κυδρόλαον, ὃσ ἐν ταύτῃ κατοικήσασ καὶ τὴν νῆσον κατακληρουχήσασ ἐβασίλευεν αὐτῆσ·

τρίτην δὲ τὴν Κῶ κατοικίσασ ἀπέδειξεν αὐτῆσ βασιλέα Νέανδρον· ἑξῆσ δ’ εἰσ τὴν Ῥόδον Λεύκιππον ἐξέπεμψε μετὰ συχνῶν οἰκητόρων, οὓσ οἱ τὴν Ῥόδον κατοικοῦντεσ διὰ τὴν σπάνιν τῶν ἀνδρῶν ἄσμενοι προσεδέξαντο καὶ κοινῇ τὴν νῆσον ᾤκησαν.

일치하는 문장이 없습니다.

SEARCH

MENU NAVIGATION