Diodorus Siculus, Bibliotheca Historica, book 5, chapter 65

(디오도로스 시켈로스, Bibliotheca Historica, book 5, chapter 65)

μετὰ δὲ τοὺσ Ἰδαίουσ Δακτύλουσ ἱστοροῦσι γενέσθαι Κούρητασ ἐννέα. τούτουσ δ’ οἱ μὲν μυθολογοῦσι γεγονέναι γηγενεῖσ, οἱ δ’ ἀπογόνουσ τῶν Ἰδαίων Δακτύλων. κατοικεῖν δ’ αὐτοὺσ τῶν ὀρῶν τοὺσ συνδένδρουσ καὶ φαραγγώδεισ τόπουσ καὶ τὸ σύνολον τοὺσ ἔχοντασ σκέπην καὶ ὑπόδυσιν φυσικήν, διὰ τὸ μήπω κατασκευὰσ οἰκιῶν εὑρῆσθαι. διενεγκόντασ δ’ αὐτοὺσ συνέσει πολλὰ τῶν κοινῇ χρησίμων καταδεῖξαι·

τάσ τε γὰρ ποίμνασ τῶν προβάτων τούτουσ ἀθροῖσαι πρώτουσ καὶ τὰ γένη τῶν ἄλλων βοσκημάτων ἐξημερῶσαι καὶ τὰ περὶ τὰσ μελιττουργίασ καταδεῖξαι. ὁμοίωσ δὲ καὶ τὰ περὶ τὴν τοξικὴν καὶ τὰσ κυνηγίασ εἰσηγήσασθαι, καὶ τῆσ πρὸσ ἀλλήλουσ κοινῆσ ὁμιλίασ καὶ συμβιώσεωσ, ἔτι δ’ ὁμονοίασ καί τινοσ εὐταξίασ ἀρχηγοὺσ γενέσθαι.

εὑρεῖν δὲ καὶ ξίφη καὶ κράνη καὶ τὰσ ἐνοπλίουσ ὀρχήσεισ, δι’ ὧν ποιοῦντασ μεγάλουσ ψόφουσ ἀπατᾶν τὸν Κρόνον.

φασὶ δ’ αὐτοὺσ τὸν Δία, λάθρᾳ τοῦ πατρὸσ Κρόνου παραδούσησ Ῥέασ τῆσ μητρόσ, ὑποδέξασθαι καὶ θρέψαι· περὶ οὗ τὰ κατὰ μέροσ μέλλοντασ ἡμᾶσ δηλοῦν ἀναγκαῖον ἀναλαβεῖν μικρὸν ἀνωτέρω τὴν διήγησιν.

일치하는 문장이 없습니다.

SEARCH

MENU NAVIGATION