Diodorus Siculus, Bibliotheca Historica, book 5, chapter 76

(디오도로스 시켈로스, Bibliotheca Historica, book 5, chapter 76)

Ἡρακλέα δὲ μυθολογοῦσιν ἐκ Διὸσ γενέσθαι παμπόλλοισ ἔτεσι πρότερον τοῦ γεννηθέντοσ ἐξ Ἀλκμήνησ. τοῦτον δὲ μητρὸσ μὲν μὴ παρειληφέναι τίνοσ ἦν, αὐτὸ δὲ μόνον ὅτι ῥώμῃ σώματοσ πολὺ τῶν ἁπάντων διενεγκὼν ἐπῆλθε τὴν οἰκουμένην, κολάζων μὲν τοὺσ ἀδίκουσ, ἀναιρῶν δὲ τὰ τὴν χώραν ἀοίκητον ποιοῦντα θηρία· πᾶσι δ’ ἀνθρώποισ τὴν ἐλευθερίαν περιποιήσασ ἀήττητοσ μὲν ἐγένετο καὶ ἄτρωτοσ, διὰ δὲ τὰσ εὐεργεσίασ ἀθανάτου τιμῆσ ἔτυχε παρ’ ἀνθρώποισ. τὸν δ’ ἐξ Ἀλκμήνησ Ἡρακλέα παντελῶσ νεώτερον ὄντα, καὶ ζηλωτὴν γενόμενον τῆσ τοῦ παλαιοῦ προαιρέσεωσ, διὰ τὰσ αὐτὰσ αἰτίασ τυχεῖν τε τῆσ ἀθανασίασ καὶ χρόνων ἐγγενομένων διὰ τὴν ὁμωνυμίαν δόξαι τὸν αὐτὸν εἶναι, καὶ τὰσ τοῦ προτέρου πράξεισ εἰσ τοῦτον μεταπεσεῖν, ἀγνοούντων τῶν πολλῶν τἀληθέσ.

ὁμολογοῦσι δὲ τοῦ παλαιοτέρου θεοῦ κατὰ τὴν Αἴγυπτον πράξεισ τε καὶ τιμὰσ ἐπιφανεστάτασ διαμένειν καὶ πόλιν ὑπ’ ἐκείνου κτισθεῖσαν. Βριτόμαρτιν δὲ τὴν προσαγορευομένην Δίκτυνναν μυθολογοῦσι γενέσθαι μὲν ἐν Καινοῖ τῆσ Κρήτησ ἐκ Διὸσ καὶ Κάρμησ τῆσ Εὐβούλου τοῦ γεννηθέντοσ ἐκ Δήμητροσ·

ταύτην δ’ εὑρέτιν γενομένην δικτύων τῶν εἰσ κυνηγίαν προσαγορευθῆναι Δίκτυνναν, καὶ τὰσ μὲν διατριβὰσ ποιήσασθαι μετὰ τῆσ Ἀρτέμιδοσ, ἀφ’ ἧσ αἰτίασ ἐνίουσ δοκεῖν τὴν αὐτὴν εἶναι Δίκτυννάν τε καὶ Ἄρτεμιν, θυσίαισ δὲ καὶ ναῶν κατασκευαῖσ τετιμῆσθαι παρὰ τοῖσ Κρησὶ τὴν θεὸν ταύτην. τοὺσ δ’ ἱστοροῦντασ αὐτὴν ὠνομάσθαι Δίκτυνναν ἀπὸ τοῦ συμφυγεῖν εἰσ ἁλιευτικὰ δίκτυα, διωκομένην ὑπὸ Μίνω συνουσίασ ἕνεκα, διημαρτηκέναι τῆσ ἀληθείασ·

οὔτε γὰρ τὴν θεὸν εἰσ τοιαύτην ἀσθένειαν ἐλθεῖν πιθανὸν ὑπάρχειν ὥστε προσδεηθῆναι τῆσ παρ’ ἀνθρώπων βοηθείασ, τοῦ μεγίστου τῶν θεῶν οὖσαν θυγατέρα, οὔτε τῷ Μίνῳ δίκαιον προσάπτειν τοιαύτην ἀσέβειαν, παραδεδομένῳ συμφώνωσ δικαίαν προαίρεσιν καὶ βίον ἐπαινούμενον ἐζηλωκέναι.

일치하는 문장이 없습니다.

SEARCH

MENU NAVIGATION