헬라어 문장 검색 - Διοδορ́Βιβλιοτ́5́16́

(디오도로스 시켈로스, Bibliotheca Historica, book 5, chapter 15)

ἐχομένη δὲ ταύτησ ἐστὶ νῆσοσ ἡ προσαγορευομένη Σαρδώ, τῷ μὲν μεγέθει παραπλήσιοσ τῇ Σικελίᾳ, κατοικουμένη δ’ ὑπὸ βαρβάρων τῶν ὀνομαζομένων Ιὀλαείων, οὓσ νομίζουσιν ἀπογόνουσ εἶναι τῶν μετὰ Ιὀλάου καὶ τῶν Θεσπιαδῶν κατοικησάντων. κατὰ γὰρ τοὺσ χρόνουσ ἐν οἷσ Ἡρακλῆσ τοὺσ διαβεβοημένουσ ἄθλουσ ἐτέλει, παίδων ὄντων αὐτῷ πολλῶν ἐκ τῶν Θεσπίου θυγατέρων, τούτουσ Ἡρακλῆσ κατά τινα χρησμὸν ἐξαπέστειλεν εἰσ Σαρδὼ καὶ μετ’ αὐτῶν δύναμιν ἀξιόλογον Ἑλλήνων τε καὶ βαρβάρων ἐπὶ τὴν ἀποικίαν. ταύτησ δὲ προεστηκὼσ Ιὄλαοσ ὁ ἀδελφιδοῦσ Ἡρακλέουσ καταλαβόμενοσ ᾤκισεν ἐν αὐτῇ πόλεισ ἀξιολόγουσ, καὶ τὴν χώραν κατακληρουχήσασ τοὺσ μὲν λαοὺσ προσηγόρευσεν ἀφ’ ἑαυτοῦ Ιὀλαείουσ, κατεσκεύασε δὲ καὶ γυμνάσια καὶ θεῶν ναοὺσ καὶ τἄλλα πάντα τὰ πρὸσ βίον ἀνθρώπων εὐδαίμονα, ὧν ὑπομνήματα μέχρι τῶνδε τῶν καιρῶν διαμένει·

τὰ μὲν γὰρ κάλλιστα πεδία τὴν προσηγορίαν ἀπ’ ἐκείνου λαβόντα Ιὀλάεια καλεῖται, τὸ δὲ πλῆθοσ μέχρι τοῦ νῦν φυλάττει τὴν ἀπὸ Ιὀλάου προσηγορίαν. τοῦ δὲ περὶ τῆσ ἀποικίασ χρησμοῦ περιέχοντοσ ὅτι τοῖσ τῆσ ἀποικίασ ταύτησ κοινωνήσασι διαμενεῖ τὰ τῆσ ἐλευθερίασ ἅπαντα τὸν αἰῶνα, συνέβη τὸν χρησμὸν παραδόξωσ μέχρι τοῦ νῦν αὐτονομίαν τοῖσ ἐγχωρίοισ ἀσάλευτον φυλάξαι.

καρχηδόνιοί τε γὰρ ἐπὶ πλέον ἰσχύσαντεσ καὶ τῆσ νήσου κρατήσαντεσ οὐκ ἠδυνήθησαν τοὺσ προκατασχόντασ τὴν νῆσον καταδουλώσασθαι, ἀλλ’ οἱ μὲν Ιὀλάειοι καταφυγόντεσ εἰσ τὴν ὀρεινὴν καὶ καταγείουσ οἰκήσεισ κατασκευάσαντεσ ἔτρεφον πολλὰσ ἀγέλασ βοσκημάτων, ὧν παρεχομένων δαψιλεῖσ τροφὰσ ἠρκοῦντο προσφερόμενοι γάλα καὶ τυρὸν καὶ κρέα, καὶ τῆσ μὲν πεδιάδοσ γῆσ ἐκχωρήσαντεσ τὴν ἐκ τῆσ ἐργασίασ κακοπάθειαν ἐξέκλιναν, τὴν δ’ ὀρεινὴν νεμόμενοι καὶ βίον ἔχοντεσ ἄμοιρον κακοπαθείασ ταῖσ προειρημέναισ τροφαῖσ διετέλεσαν χρώμενοι.

τῶν δὲ Καρχηδονίων πολλάκισ ἀξιολόγοισ δυνάμεσι στρατευσάντων ἐπ’ αὐτούσ, διὰ τὰσ δυσχωρίασ καὶ τὴν ἐν τοῖσ καταγείοισ δυστραπέλειαν διέμειναν ἀδούλωτοι.

τὸ δὲ τελευταῖον Ῥωμαίων ἐπικρατούντων καὶ πολλάκισ ἐπ’ αὐτοὺσ στρατευσάντων, διὰ ταύτασ τὰσ αἰτίασ ἀχείρωτοι πολεμίᾳ δυνάμει διέμειναν. οὐ μὴν ἀλλὰ κατὰ τοὺσ ἀρχαίουσ χρόνουσ Ιὄλαοσ μὲν συγκατασκευάσασ τὰ κατὰ τὴν ἀποικίαν ἐπανῆλθεν εἰσ τὴν Ἑλλάδα, οἱ δὲ Θεσπιάδαι τῆσ νήσου προεστῶτεσ ἐπὶ πολλὰσ γενεὰσ τὸ τελευταῖον ἐξέπεσον εἰσ τὴν Ἰταλίαν, καὶ κατῴκησαν ἐν τοῖσ κατὰ Κύμην τόποισ, τὸ δ’ ἄλλο πλῆθοσ ἐκβαρβαρωθὲν καὶ προστησάμενον ἐκ τῶν ἐγχωρίων τοὺσ ἀρίστουσ ἡγεμόνασ διεφύλαξε τὴν ἐλευθερίαν μέχρι τῶν καθ’ ἡμᾶσ χρόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 15

(디오도로스 시켈로스, Bibliotheca Historica, book 5, chapter 15)

상위

목록

SEARCH

MENU NAVIGATION