Diodorus Siculus, Bibliotheca Historica, book 5, chapter 44

(디오도로스 시켈로스, Bibliotheca Historica, book 5, chapter 44)

ὁ δὲ ναὸσ ὑπῆρχεν ἀξιόλογοσ ἐκ λίθου λευκοῦ, τὸ μῆκοσ ἔχων δυεῖν πλέθρων, τὸ δὲ πλάτοσ ἀνάλογον τῷ μήκει· κίοσι δὲ μεγάλοισ καὶ παχέσιν ὑπήρειστο καὶ γλυφαῖσ φιλοτέχνοισ διειλημμένοσ· ἀγάλματά τε τῶν θεῶν ἀξιολογώτατα, τῇ τέχνῃ διάφορα καὶ τοῖσ βάρεσι θαυμαζόμενα. κύκλῳ δὲ τοῦ ναοῦ τὰσ οἰκίασ εἶχον οἱ θεραπεύοντεσ τοὺσ θεοὺσ ἱερεῖσ, δι’ ὧν ἅπαντα τὰ περὶ τὸ τέμενοσ διῳκεῖτο.

ἀπὸ δὲ τοῦ ναοῦ δρόμοσ κατεσκεύαστο, τὸ μὲν μῆκοσ σταδίων τεττάρων, τὸ δὲ πλάτοσ πλέθρου. παρὰ δὲ τὴν πλευρὰν ἑκατέραν τοῦ δρόμου χαλκεῖα μεγάλα κεῖται, τὰσ βάσεισ ἔχοντα τετραγώνουσ·

ἐπ’ ἐσχάτῳ δὲ τοῦ δρόμου τὰσ πηγὰσ ἔχει λάβρωσ ἐκχεομένασ ὁ προειρημένοσ ποταμόσ. ἔστι δὲ τὸ φερόμενον ῥεῦμα τῇ λευκότητι καὶ γλυκύτητι διαφέρον, πρόσ τε τὴν τοῦ σώματοσ ὑγίειαν πολλὰ συμβαλλόμενον τοῖσ χρωμένοισ· ὀνομάζεται δ’ ὁ ποταμὸσ οὗτοσ ἡλίου ὕδωρ. περιέχει δὲ τὴν πηγὴν ὅλην κρηπὶσ λιθίνη πολυτελήσ, διατείνουσα παρ’ ἑκατέραν πλευρὰν σταδίουσ τέτταρασ·

ἄχρι δὲ τῆσ ἐσχάτησ κρηπῖδοσ ὁ τόποσ οὐκ ἔστι βάσιμοσ ἀνθρώπῳ πλὴν τῶν ἱερέων. τὸ δ’ ὑποκείμενον πεδίον ἐπὶ σταδίουσ διακοσίουσ καθιερωμένον ἐστὶ τοῖσ θεοῖσ, καὶ τὰσ ἐξ αὐτοῦ προσόδουσ εἰσ τὰσ θυσίασ ἀναλίσκουσι.

μετὰ δὲ τὸ προειρημένον πεδίον ὄροσ ἐστὶν ὑψηλόν, καθιερωμένον μὲν θεοῖσ, ὀνομαζόμενον δὲ Οὐρανοῦ δίφροσ καὶ Τριφύλιοσ Ὄλυμποσ. μυθολογοῦσι γὰρ τὸ παλαιὸν Οὐρανὸν βασιλεύοντα τῆσ οἰκουμένησ προσηνῶσ ἐνδιατρίβειν ἐν τῷδε τῷ τόπῳ, καὶ ἀπὸ τοῦ ὕψουσ ἐφορᾶν τόν τε οὐρανὸν καὶ τὰ κατ’ αὐτὸν ἄστρα, ὕστερον δὲ Τριφύλιον Ὄλυμπον κληθῆναι διὰ τὸ τοὺσ κατοικοῦντασ ὑπάρχειν ἐκ τριῶν ἐθνῶν·

ὀνομάζεσθαι δὲ τοὺσ μὲν Παγχαίουσ, τοὺσ δ’ Ὠκεανίτασ, τοὺσ δὲ Δῴουσ· οὓσ ὕστερον ὑπὸ Ἄμμωνοσ ἐκβληθῆναι. τὸν γὰρ Ἄμμωνά φασι μὴ μόνον φυγαδεῦσαι τοῦτο τὸ ἔθνοσ, ἀλλὰ καὶ τὰσ πόλεισ αὐτῶν ἄρδην ἀνελεῖν, καὶ κατασκάψαι τήν τε Δῴαν καὶ Ἀστερουσίαν.

θυσίαν τε κατ’ ἐνιαυτὸν ἐν τούτῳ τῷ ὄρει ποιεῖν τοὺσ ἱερεῖσ μετὰ πολλῆσ ἁγνείασ.

일치하는 문장이 없습니다.

SEARCH

MENU NAVIGATION