헬라어 문장 검색 - Διοδορ́Βιβλιοτ́5́21́

(디오도로스 시켈로스, Bibliotheca Historica, book 5, chapter 20)

κατὰ μὲν οὖν τοὺσ παλαιοὺσ χρόνουσ ἀνεύρετοσ ἦν διὰ τὸν ἀπὸ τῆσ ὅλησ οἰκουμένησ ἐκτοπισμόν, ὕστερον δ’ εὑρέθη διὰ τοιαύτασ αἰτίασ. Φοίνικεσ ἐκ παλαιῶν χρόνων συνεχῶσ πλέοντεσ κατ’ ἐμπορίαν πολλὰσ μὲν κατὰ τὴν Λιβύην ἀποικίασ ἐποιήσαντο, οὐκ ὀλίγασ δὲ καὶ τῆσ Εὐρώπησ ἐν τοῖσ πρὸσ δύσιν κεκλιμένοισ μέρεσι. τῶν δ’ ἐπιβολῶν αὐτοῖσ κατὰ νοῦν προχωρουσῶν, πλούτουσ μεγάλουσ ἤθροισαν, καὶ τὴν ἐκτὸσ Ἡρακλείων στηλῶν ἐπεβάλοντο πλεῖν, ἣν ὠκεανὸν ὀνομάζουσι. καὶ πρῶτον μὲν ἐπ’ αὐτοῦ τοῦ κατὰ τὰσ στήλασ πόρου πόλιν ἔκτισαν ἐπὶ τῆσ Εὐρώπησ, ἣν οὖσαν χερρόνησον προσηγόρευσαν Γάδειρα, ἐν ᾗ τά τε ἄλλα κατεσκεύασαν οἰκείωσ τοῖσ τόποισ καὶ ναὸν Ἡρακλέουσ πολυτελῆ, καὶ θυσίασ κατέδειξαν μεγαλοπρεπεῖσ τοῖσ τῶν Φοινίκων ἔθεσι διοικουμένασ.

τὸ δ’ ἱερὸν συνέβη τοῦτο καὶ τότε καὶ κατὰ τοὺσ νεωτέρουσ χρόνουσ τιμᾶσθαι περιττότερον μέχρι τῆσ καθ’ ἡμᾶσ ἡλικίασ. πολλοὶ δὲ καὶ τῶν Ῥωμαίων ἐπιφανεῖσ ἄνδρεσ καὶ μεγάλασ πράξεισ κατειργασμένοι ἐποιήσαντο μὲν τούτῳ τῷ θεῷ εὐχάσ, συνετέλεσαν δ’ αὐτὰσ μετὰ τὴν συντέλειαν τῶν κατορθωμάτων. οἱ δ’ οὖν Φοίνικεσ διὰ τὰσ προειρημένασ αἰτίασ ἐρευνῶντεσ τὴν ἐκτὸσ τῶν στηλῶν παραλίαν καὶ παρὰ τὴν Λιβύην πλέοντεσ, ὑπ’ ἀνέμων μεγάλων ἀπηνέχθησαν ἐπὶ πολὺν πλοῦν δἰ ὠκεανοῦ.

χειμασθέντεσ δ’ ἐπὶ πολλὰσ ἡμέρασ προσηνέχθησαν τῇ προειρημένῃ νήσῳ, καὶ τὴν εὐδαιμονίαν αὐτῆσ καὶ φύσιν κατοπτεύσαντεσ ἅπασι γνώριμον ἐποίησαν. διὸ καὶ Τυρρηνῶν θαλαττοκρατούντων καὶ πέμπειν εἰσ αὐτὴν ἀποικίαν ἐπιβαλλομένων, διεκώλυσαν αὐτοὺσ Καρχηδόνιοι, ἅμα μὲν εὐλαβούμενοι μὴ διὰ τὴν ἀρετὴν τῆσ νήσου πολλοὶ τῶν ἐκ τῆσ Καρχηδόνοσ εἰσ ἐκείνην μεταστῶσιν, ἅμα δὲ πρὸσ τὰ παράλογα τῆσ τύχησ κατασκευαζόμενοι καταφυγήν, εἴ τι περὶ τὴν Καρχηδόνα ὁλοσχερὲσ πταῖσμα συμβαίνοι·

δυνήσεσθαι γὰρ αὐτοὺσ θαλαττοκρατοῦντασ ἀπᾶραι πανοικίουσ εἰσ ἀγνοουμένην ὑπὸ τῶν ὑπερεχόντων νῆσον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 20

(디오도로스 시켈로스, Bibliotheca Historica, book 5, chapter 20)

상위

목록

SEARCH

MENU NAVIGATION