헬라어 문장 검색 - Διοδορ́Βιβλιοτ́5́06́

(디오도로스 시켈로스, Bibliotheca Historica, book 5, chapter 5)

περὶ δὲ τῆσ κατὰ τὴν Κόρην ἁρπαγῆσ, ὅτι γέγονεν ὡσ προειρήκαμεν, πολλοὶ τῶν ἀρχαίων συγγραφέων καὶ ποιητῶν μεμαρτυρήκασι. καρκίνοσ μὲν γὰρ ὁ τῶν τραγῳδιῶν ποιητήσ, πλεονάκισ ἐν ταῖσ Συρακούσαισ παρεπιδεδημηκὼσ καὶ τὴν τῶν ἐγχωρίων τεθεαμένοσ σπουδὴν περὶ τὰσ θυσίασ καὶ πανηγύρεισ τῆσ τε Δήμητροσ καὶ Κόρησ, κατεχώρισεν ἐν τοῖσ ποιήμασι τούσδε τοὺσ στίχουσ· λέγουσι Δήμητρόσ ποτ’ ἄρρητον κόρην Πλούτωνα κρυφίοισ ἁρπάσαι βουλεύμασι, δῦναί τε γαίασ εἰσ μελαμφαεῖσ μυχούσ, πόθῳ δὲ μητέρ’ ἠφανισμένησ κόρησ μαστῆρ’ ἐπελθεῖν πᾶσαν ἐν κύκλῳ χθόνα. καὶ τὴν μὲν Αἰτναίοισι Σικελίαν πάγοισ πυρὸσ γέμουσαν ῥεύμασιν δυσεμβόλοισ πᾶσαν στενάξαι, πένθεσιν δὲ παρθένου σίτων ἄμοιρον διοτρεφὲσ φθίνειν γένοσ. ὅθεν θεὰσ τιμῶσιν εἰσ τὰ νῦν ἔτι. οὐκ ἄξιον δὲ παραλιπεῖν τῆσ θεοῦ ταύτησ τὴν ὑπερβολὴν τῆσ εἰσ τοὺσ ἀνθρώπουσ εὐεργεσίασ·

χωρὶσ γὰρ τῆσ εὑρέσεωσ τοῦ σίτου τήν τε κατεργασίαν αὐτοῦ τοὺσ ἀνθρώπουσ ἐδίδαξε καὶ νόμουσ εἰσηγήσατο καθ’ οὓσ δικαιοπραγεῖν εἰθίσθησαν, δι’ ἣν αἰτίαν φασὶν αὐτὴν θεσμοφόρον ἐπονομασθῆναι. τούτων δὲ τῶν εὑρημάτων οὐκ ἄν τισ ἑτέραν εὐεργεσίαν εὑρ́οι μείζονα·

καὶ γὰρ τὸ ζῆν καὶ τὸ καλῶσ ζῆν περιέχουσι. περὶ μὲν οὖν τῶν μυθολογουμένων παρὰ τοῖσ Σικελιώταισ ἀρκεσθησόμεθα τοῖσ ῥηθεῖσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 5

(디오도로스 시켈로스, Bibliotheca Historica, book 5, chapter 5)

상위

목록

SEARCH

MENU NAVIGATION