헬라어 문장 검색 - Διοδορ́Βιβλιοτ́5́70́

(디오도로스 시켈로스, Bibliotheca Historica, book 5, chapter 69)

ἀμφισβητοῦσι δὲ περὶ τῆσ εὑρέσεωσ τοῦ καρποῦ τούτου πολλοί, τὴν θεὸν φάμενοι παρ’ αὑτοῖσ πρώτοισ ὀφθῆναι καὶ τὴν τούτου φύσιν τε καὶ χρῆσιν καταδεῖξαι. Αἰγύπτιοι μὲν γὰρ λέγουσι τήν τε Δήμητραν καὶ τὴν Ἶσιν τὴν αὐτὴν εἶναι, καὶ εἰσ Αἴγυπτον ἐνεγκεῖν τὸ σπέρμα πρώτην, ἀρδεύοντοσ μὲν εὐκαίρωσ τὰ πεδία τοῦ Νείλου ποταμοῦ, ταῖσ δ’ ὡρ́αισ ἄριστα τῆσ χώρασ ταύτησ κεκραμένησ. τοὺσ δ’ Ἀθηναίουσ, καίπερ ἀποφαινομένουσ τὴν εὑρ́εσιν τοῦ καρποῦ τούτου γεγενημένην παρ’ αὑτοῖσ, ὅμωσ μαρτυρεῖν αὐτὸν ἑτέρωθεν κεκομισμένον εἰσ τὴν Ἀττικήν·

τὸν γὰρ τόπον τὸν ἐξ ἀρχῆσ δεξάμενον τὴν δωρεὰν ταύτην Ἐλευσῖνα προσαγορεύειν ἀπὸ τοῦ παρ’ ἑτέρων ἐλθεῖν τὸ σπέρμα τοῦ σίτου κομισθέν. οἱ δὲ Σικελιῶται, νῆσον ἱερὰν Δήμητροσ καὶ Κόρησ οἰκοῦντεσ, εἰκὸσ εἶναί φασι τὴν δωρεὰν ταύτην πρώτοισ τοῖσ τὴν προσφιλεστάτην χώραν νεμομένοισ δοθῆναι·

ἄτοπον μὲν γὰρ ὑπάρχειν εὐκαρποτάτην αὐτὴν ὡσ ἰδίαν ποιῆσαι, τῆσ δ’ εὐεργεσίασ ὡσ μηδὲν προσηκούσῃ μηδ’ ἐσχάτῃ μεταδοῦναι, καὶ ταῦτ’ ἐν αὐτῇ τὴν οἴκησιν ἔχουσαν, εἴπερ καὶ τῆσ Κόρησ τὴν ἁρπαγὴν ἐν τῇ νήσῳ ταύτῃ γεγονέναι συμπεφώνηται. εἶναι δὲ καὶ τὴν χώραν οἰκειοτάτην τούτοισ τοῖσ καρποῖσ, ἐν ᾗ καὶ τὸν ποιητὴν λέγειν ἀλλὰ τά γ’ ἄσπαρτα καὶ ἀνήροτα πάντα φύονται, πυροὶ καὶ κριθαί. περὶ μὲν οὖν Δήμητροσ τοιαῦτα μυθολογοῦσι.

τῶν δ’ ἄλλων θεῶν τῶν ἐκ Κρόνου καὶ Ῥέασ γενομένων φασὶν οἱ Κρῆτεσ Ποσειδῶνα μὲν πρῶτον χρήσασθαι ταῖσ κατὰ θάλατταν ἐργασίαισ καὶ στόλουσ συστήσασθαι, παραδόντοσ αὐτῷ τὴν ἡγεμονίαν ταύτην τοῦ Κρόνου· διὸ καὶ παραδίδοσθαι τοῖσ ἐπιγινομένοισ τοῦτον κύριον ὑπάρχειν τῶν κατὰ θάλατταν πραττομένων καὶ θυσίαισ ὑπὸ τῶν ναυτιλλομένων τιμᾶσθαι. προσάπτουσι δ’ αὐτῷ καὶ τὸ τοὺσ ἵππουσ δαμάσαι πρῶτον καὶ τὴν ἐπιστήμην καταδεῖξαι τὴν περὶ τὴν ἱππικήν, ἀφ’ ἧσ ἵππιον αὐτὸν ὠνομάσθαι. τὸν δ’ Αἵδην λέγεται τὰ περὶ τὰσ ταφὰσ καὶ τὰσ ἐκφορὰσ καὶ τιμὰσ τῶν τεθνεώτων καταδεῖξαι, τὸν πρὸ τοῦ χρόνον μηδεμιᾶσ οὔσησ ἐπιμελείασ περὶ αὐτούσ·

διὸ καὶ τῶν τετελευτηκότων ὁ θεὸσ οὗτοσ παρείληπται κυριεύειν, ἀπονεμηθείσησ τὸ παλαιὸν αὐτῷ τῆσ τούτων ἀρχῆσ καὶ φροντίδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 69

(디오도로스 시켈로스, Bibliotheca Historica, book 5, chapter 69)

상위

목록

SEARCH

MENU NAVIGATION