헬라어 문장 검색 - Διοδορ́Βιβλιοτ́5́51́

(디오도로스 시켈로스, Bibliotheca Historica, book 5, chapter 50)

ἐπεὶ δὲ περὶ τῆσ Σαμοθρᾴκησ διήλθομεν, ἀκολούθωσ καὶ περὶ τῆσ Νάξου διέξιμεν. αὕτη γὰρ ἡ νῆσοσ τὸ μὲν πρῶτον προσηγορεύετο Στρογγύλη, ᾤκησαν δ’ αὐτὴν πρῶτοι Θρᾷκεσ διά τινασ τοιαύτασ αἰτίασ. μυθολογοῦνται Βορέου γενέσθαι παῖδεσ Βούτησ καὶ Λυκοῦργοσ οὐχ ὁμομήτριοι·

τὸν δὲ Βούτην ὄντα νεώτερον ἐπιβουλεῦσαι τἀδελφῷ, καὶ καταφανῆ γενόμενον ἕτερον μὲν μηδὲν παθεῖν ὑπὸ τοῦ Λυκούργου, πρόσταγμα δὲ λαβεῖν ὅπωσ μετὰ τῶν συνεπιβουλευσάντων λαβὼν πλοῖα ζητῇ χώραν ἑτέραν εἰσ κατοίκησιν. διόπερ τὸν Βούτην μετὰ τῶν συνεγκαλουμένων Θρᾳκῶν ἐκπλεύσαντα καὶ διὰ τῶν Κυκλάδων νήσων κομιζόμενον κατασχεῖν τὴν Στρογγύλην νῆσον, καὶ ἐν ταύτῃ κατοικοῦντα λῄζεσθαι πολλοὺσ τῶν παραπλεόντων.

σπανίζοντασ δὲ γυναικῶν περιπλέοντασ ἁρπάζειν ἀπὸ τῆσ χώρασ γυναῖκασ. τῶν μὲν οὖν Κυκλάδων νήσων αἱ μὲν ὁλοσχερῶσ ἔρημοι ὑπῆρχον, αἱ δ’ ὀλίγοισ οἰκούμεναι·

διόπερ πορρωτέρω πλευσάντων αὐτῶν, καὶ ἀπὸ μὲν τῆσ Εὐβοίασ ἀποκρουσθέντων, τῇ δὲ Θετταλίᾳ προσενεχθέντων, οἱ περὶ τὸν Βούτην ἀποβάντεσ ἐπὶ τὴν χώραν περιέτυχον ταῖσ Διονύσου τροφοῖσ περὶ τὸ καλούμενον Δρίοσ τῷ θεῷ ὀργιαζούσαισ ἐν τῇ Φθιώτιδι Ἀχαϊᾴ. ὁρμησάντων δὲ τῶν περὶ τὸν Βούτην, αἱ μὲν ἄλλαι ῥίψασαι τὰ ἱερὰ εἰσ θάλατταν ἔφυγον, αἱ δ’ εἰσ ὄροσ τὸ καλούμενον Δρίοσ·

κορωνίδα δ’ ἁρπαγεῖσαν συναναγκασθῆναι τῷ Βούτῃ συνοικῆσαι. ἐπὶ δὲ τῇ ἁρπαγῇ καὶ τῇ ὕβρει χαλεπῶσ φέρουσαν ἐπικαλέσασθαι τὸν Διόνυσον βοηθῆσαι αὐτῇ. τὸν δὲ μανίαν ἐμβαλεῖν τῷ Βούτῃ, καὶ διὰ τοῦτο παρακόψαντα ῥῖψαι ἑαυτὸν εἴσ τι φρέαρ καὶ τελευτῆσαι. οἱ δ’ ἄλλοι Θρᾷκεσ ἑτέρασ τινὰσ γυναῖκασ ἡρ́πασαν, ἐπιφανεστάτασ δὲ τήν τε Ἀλωέωσ γυναῖκα Ἰφιμέδειαν καὶ τὴν θυγατέρα αὐτῆσ Παγκράτιν·

λαβόντεσ δ’ αὐτὰσ ἀπέπλευσαν εἰσ τὴν Στρογγύλην. οἱ δὲ Θρᾷκεσ ἀντὶ τοῦ Βούτου κατέστησαν βασιλέα τῆσ νήσου Ἀγασσαμενόν, καὶ τὴν Ἀλωέωσ θυγατέρα Παγκράτιν κάλλει διαφέρουσαν συνῴκισαν αὐτῷ· πρὸ γὰρ τῆσ τούτου αἱρέσεωσ οἱ ἐπιφανέστατοι τῶν ἡγεμόνων Σικελὸσ καὶ Ἑκήτοροσ ὑπὲρ τῆσ Παγκράτιδοσ ἐρίσαντεσ ἀλλήλουσ ἀνεῖλον.

ὁ δὲ Ἀγασσαμενὸσ ὕπαρχον ἕνα τῶν φίλων καταστήσασ συνῴκισεν αὐτῷ τὴν Ἰφιμέδειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 50

(디오도로스 시켈로스, Bibliotheca Historica, book 5, chapter 50)

상위

목록

SEARCH

MENU NAVIGATION