헬라어 문장 검색 - Διοδορ́Βιβλιοτ́5́62́

(디오도로스 시켈로스, Bibliotheca Historica, book 5, chapter 61)

μετὰ δὲ ταῦτα Τριόπαν, ἕνα τῶν Ἡλίου καὶ Ῥόδου παίδων, φεύγοντα διὰ τὸν Τενάγεω τοῦ ἀδελφοῦ φόνον εἰσ τὴν Χερρόνησον ἀφικέσθαι. ἐνταῦθα δὲ καθαρθέντα τὸν φόνον ὑπὸ Μελισσέωσ τοῦ βασιλέωσ εἰσ τὴν Θετταλίαν πλεῦσαι ἐπὶ συμμαχίαν τοῖσ Δευκαλίωνοσ παισί, καὶ συνεκβαλεῖν ἐκ τῆσ Θετταλίασ τοὺσ Πελασγούσ, καὶ μερίσασθαι τὸ καλούμενον Δώτιον πεδίον. ἐνταῦθα δὲ τὸ τέμενοσ τῆσ Δήμητροσ ἐκκόψαντα τῇ ὕλῃ καταχρῆσθαι πρὸσ βασιλείων κατασκευήν·

δἰ ἣν αἰτίαν ὑπὸ τῶν ἐγχωρίων μισηθέντα φυγεῖν ἐκ Θετταλίασ, καὶ καταπλεῦσαι μετὰ τῶν συμπλευσάντων λαῶν εἰσ τὴν Κνιδίαν, ἐν ᾗ κτίσαι τὸ καλούμενον ἀπ’ αὐτοῦ Τριόπιον. ἐντεῦθεν δ’ ὁρμώμενον τήν τε Χερρόνησον κατακτήσασθαι καὶ τῆσ ὁμόρου Καρίασ πολλήν.

περὶ δὲ τοῦ γένουσ τοῦ Τριόπα πολλοὶ τῶν συγγραφέων καὶ ποιητῶν διαπεφωνήκασιν· οἱ μὲν γὰρ ἀναγράφουσιν αὐτὸν υἱὸν εἶναι Κανάχησ τῆσ Αἰόλου καὶ Ποσειδῶνοσ, οἱ δὲ Λαπίθου τοῦ Ἀπόλλωνοσ καὶ Στίλβησ τῆσ Πηνειοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 61

(디오도로스 시켈로스, Bibliotheca Historica, book 5, chapter 61)

상위

목록

SEARCH

MENU NAVIGATION