호흡부호 보기
강세부호 보기
장단부호 보기
작은 Iota 보기
모든 부호 보기
αὐτοὶ δ’ οἱ ἱερεῖσ πολὺ τῶν ἄλλων ὑπερέχουσι τρυφῇ καὶ ταῖσ ἄλλαισ ταῖσ ἐν τῷ βίῳ καθαρειότησι καὶ πολυτελείαισ· στολὰσ μὲν γὰρ ἔχουσι λινᾶσ, τῇ λεπτότητι καὶ μαλακότητι διαφόρουσ, ποτὲ δὲ καὶ τὰσ ἐκ τῶν μαλακωτάτων ἐρίων κατεσκευασμένασ ἐσθῆτασ φοροῦσι· πρὸσ δὲ τούτοισ μίτρασ ἔχουσι χρυσοϋφεῖσ· τὴν δ’ ὑπόδεσιν ἔχουσι σανδάλια ποικίλα φιλοτέχνωσ εἰργασμένα· χρυσοφοροῦσι δ’ ὁμοίωσ ταῖσ γυναιξὶ πλὴν τῶν ἐνωτίων. προσεδρεύουσι δὲ μάλιστα ταῖσ τῶν θεῶν θεραπείαισ καὶ τοῖσ περὶ τούτων ὕμνοισ τε καὶ ἐγκωμίοισ, μετ’ ᾠδῆσ τὰσ πράξεισ αὐτῶν καὶ τὰσ εἰσ ἀνθρώπουσ εὐεργεσίασ διαπορευόμενοι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기