호흡부호 보기
강세부호 보기
장단부호 보기
작은 Iota 보기
모든 부호 보기
τῆσ γὰρ Τυρρηνίασ κατὰ τὴν ὀνομαζομένην πόλιν Ποπλώνιον νῆσόσ ἐστιν, ἣν ὀνομάζουσιν Αἰθάλειαν. αὕτη δὲ τῆσ παραλίασ ἀπέχουσα σταδίουσ ὡσ ἑκατὸν τὴν μὲν προσηγορίαν εἴληφεν ἀπὸ τοῦ πλήθουσ τοῦ κατ’ αὐτὴν αἰθάλου. πέτραν γὰρ ἔχει πολλὴν σιδηρῖτιν, ἣν τέμνουσιν ἐπὶ τὴν χωνείαν καὶ κατασκευὴν τοῦ σιδήρου, πολλὴν ἔχοντεσ τοῦ μετάλλου δαψίλειαν. οἱ γὰρ ταῖσ ἐργασίαισ προσεδρεύοντεσ κόπτουσι τὴν πέτραν καὶ τοὺσ τμηθέντασ λίθουσ κάουσιν ἔν τισι φιλοτέχνοισ καμίνοισ· ἐν δὲ ταύταισ τῷ πλήθει τοῦ πυρὸσ τήκοντεσ τοὺσ λίθουσ καταμερίζουσιν εἰσ μεγέθη σύμμετρα, παραπλήσια ταῖσ ἰδέαισ μεγάλοισ σπόγγοισ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기