헬라어 텍스트

Plutarch, De Iside et Osiride, section 69

(플루타르코스, De Iside et Osiride, section 69)

πῶσ οὖν χρηστέον ἐστὶ ταῖσ σκυθρωπαῖσ; καὶ ἀγελάστοισ καὶ πενθίμοισ θυσίαισ, εἰ μήτε παραλείπειν τὰ νενομισμένα καλῶσ ἔχει μήτε φύρειν τὰσ περὶ θεῶν δόξασ καὶ συνταράττειν ὑποψίαισ ἀτόποισ; αὐτὸν ὁμοῦ τι χρόνον, οἷσ Αἰγύπτιοι δρῶσιν ἐν τοῖσ ὁσίοισ.

καὶ γὰρ Ἀθήνησι νηστεύουσιν αἱ γυναῖκεσ ἐν Θεσμοφορίοισ χαμαὶ καθήμεναι.

καὶ Βοιωτοὶ τὰ τῆσ Ἀχαίασ μέγαρα κινοῦσιν, ἐπαχθῆ τὴν ἑορτὴν ἐκείνην ὀνομάζοντεσ, ὡσ διὰ τὴν τῆσ Κόρησ κάθοδον ἐν ἄχει τῆσ Δήμητροσ οὔσησ; . ἔστι δ’’ ὁ μὴν οὗτοσ περὶ Πλειάδασ σπόριμοσ, ὃν Ἀθὺρ Αἰγύπτιοι, Πυανεψιῶνα δ’ Ἀθηναῖοι Βοιωτοὶ δὲ Δαμάτριον καλοῦσι. τοὺσ δὲ πρὸσ ἑσπέραν οἰκοῦντασ ἱστορεῖ Θεόπομποσ ἡγεῖσθαι καὶ καλεῖν τὸν μὲν χειμῶνα Κρόνον, τὸ δὲ θέροσ Ἀφροδίτην, τὸ δ’ ἐάρ Περσεφόνην ἐκ δὲ Κρόνου καὶ Ἀφροδίτησ γεννᾶσθαι πάντα.

Φρύγεσ δὲ τὸν θεὸν οἰόμενοι χειμῶνοσ καθεύδειν, θέρουσ δ’ ἐγρηγορέναι, τοτὲ μὲν κατευνασμούσ, τοτὲ δ’ ἀνεγέρσεισ βακχεύοντεσ αὐτῷ τελοῦσι.

Παφλαγόνεσ δὲ καταδεῖσθαι καὶ καθείργνυσθαι χειμῶνοσ, ἦροσ δὲ κινεῖσθαι καὶ ἀναλύεσθαι φάσκουσι.