Plutarch, De Iside et Osiride, section 72

(플루타르코스, De Iside et Osiride, section 72)

τὸ μὲν γὰρ εἰσ ταῦτα τὰ ζῷα τοὺσ θεοὺσ τὸν Τυφῶνα δείσαντασ μεταβαλεῖν, οἱο͂ν ἀποκρύπτοντασ ἑαυτοὺσ σώμασιν ἴβεων καὶ κυνῶν καὶ ἱεράκων, πᾶσαν ὑπερπέπαικε τερατείαν καὶ μυθολογίαν· καὶ τὸ ταῖσ ψυχαῖσ τῶν θανόντων ὅσαι διαμένουσιν εἰσ ταῦτα μόνα γίγνεσθαι τὴν παλιγγενεσίαν ὁμοίωσ ἄπιστον.

τῶν δὲ βουλομένων πολιτικήν τινα λέγειν αἰτίαν οἱ μὲν Ὄσιριν ἐν τῇ μεγάλῃ στρατιᾷ φασιν εἰσ μέρη πολλὰ διανείμαντα τὴν δύναμιν λόχουσ καὶ τάξεισ Ἑλληνικῶσ καλοῦσιν, ἐπίσημα δοῦναι ζῳόμορφα πᾶσιν, ὧν ἕκαστον τῷ γένει τῶν συννεμηθέντων ἱερὸν γενέσθαι καὶ τίμιον·

οἱ δὲ τοὺσ ὕστερον βασιλεῖσ ἐκπλήξεωσ ἕνεκα τῶν πολεμίων ἐπιφαίνεσθαι θηρίων χρυσᾶσ προτομὰσ καὶ ἀργυρᾶσ περιτιθεμένουσ·

δείξαντα δεισιδαιμονίαν, διαφορᾶσ ἀπαύστου πρόφασιν.

τῶν γὰρ θηρίων, ἃ προσέταξεν ἄλλοισ ἄλλα τιμᾶν καὶ σέβεσθαι, δυσμενῶσ;

καὶ πολεμικῶσ ἀλλήλοισ προσφερομένων, καὶ τροφὴν ἑτέραν ἑτέρου προσίεσθαι πεφυκότοσ, ἀμύνοντεσ ἀεὶ τοῖσ οἰκείοισ ἕκαστοι καὶ χαλεπῶσ ἀδικουμένων φέροντεσ ἐλάνθανον ταῖσ τῶν θηρίων ἔχθραισ συνεφελκόμενοι καὶ συνεκπολεμούμενοι πρὸσ ἀλλήλουσ. τῶν Κυνοπολιτῶν τὸν ὀξύρυγχον ἰχθὺν ἐσθιόντων, κύνα συλλαβόντεσ καὶ θύσαντεσ ὡσ ἱερεῖον κατέφαγον·

ἐκ δὲ τούτου καταστάντεσ εἰσ πόλεμον ἀλλήλουσ τε διέθηκαν κακῶσ καὶ ὕστερον ὑπὸ Ῥωμαίων κολαζόμενοι διετέθησαν.

일치하는 문장이 없습니다.

SEARCH

MENU NAVIGATION