헬라어 텍스트

Plutarch, De Iside et Osiride, section 53

(플루타르코스, De Iside et Osiride, section 53)

ἡ γὰρ Ἶσίσ ἐστι μὲν τὸ τῆσ φύσεωσ θῆλυ, καὶ δεκτικὸν ἁπάσησ· γενέσεωσ· , καθὸ τιθήνη καὶ πανδεχὴσ ὑπὸ τοῦ Πλάτωνοσ, ὑπὸ δὲ τῶν πολλῶν μυριώνυμοσ κέκληται, διὰ τὸ πάσασ ὑπὸ τοῦ λόγου τρεπομένη μορφὰσ δέχεσθαι καὶ ἰδέασ. ἔχει δὲ σύμφυτον ἔρωτα τοῦ πρώτου καὶ κυριωτάτου πάντων, ὃ τἀγαθῷ ταὐτόν ἐστι κἀκεῖνο ποθεῖ καὶ διώκει·

τὴν δ’ ἐκ τοῦ κακοῦ φεύγει καὶ διωθεῖται μοῖραν, ἀμφοῖν μὲν οὖσα χώρα καὶ ὕλη, ῥέπουσα δ’ ἀεὶ πρὸσ τὸ βέλτιον ἐξ ἑαυτῆσ καὶ παρέχουσα γεννᾶν ἐκείνῳ καὶ κατασπείρειν εἰσ ἑαυτὴν ἀπορροὰσ καὶ ὁμοιότητασ, αἷσ χαίρει καὶ γέγηθε κυισκομένη καὶ ὑποπιμπλαμένη τῶν γενέσεων.

εἰκὼν γάρ ἐστιν οὐσίασ ἐν ὕλῃ ἡ γένεσισ καὶ μίμημα τοῦ ὄντοσ τὸ γιγνόμενον.