Plutarch, De Iside et Osiride, section 18

(플루타르코스, De Iside et Osiride, section 18)

τῆσ δ’ Ἴσιδοσ πρὸσ τὸν υἱὸν Ὧρον ἐν Βούτῳ τρεφόμενον πορευθείσησ, τὸ δ’ ἀγγεῖον ἐκποδὼν ἀποθεμένησ Τυφῶνα κυνηγετοῦντα νύκτωρ πρὸσ τὴν σελήνην ἐντυχεῖν αὐτῷ, καὶ τὸ σῶμα γνωρίσαντα διελεῖν εἰσ τεσσαρεσκαίδεκα μέρη καὶ διαρρῖψαι· τὴν δ’ Ἶσιν πυθομένην ἀναζητεῖν ἐν βάριδι παπυρίνῃ τὰ ἕλη διεκπλέουσαν ὅθεν οὐκ ἀδικεῖσθαι τοὺσ ἐν παπυρίνοισ σκάφεσι πλέοντασ ὑπὸ τῶν κροκοδείλων, ἢ φοβουμένων ἢ σεβομένων νὴ διὰ τὴν θεόν.

ἐκ τούτου δὲ καὶ πολλοὺσ; τάφουσ Ὀσίριδοσ ἐν Αἰγύπτῳ λέγεσθαι διὰ τὸ προστυγχάνουσαν ἑκάστῳ μέρει ταφὰσ ποιεῖν.

διδοῦσαν ὅπωσ παρὰ πλείοσιν ἔχῃ τιμάσ, κἂν ὁ Τυφὼν ἐπικρατήσῃ τοῦ Ὥρου, τὸν ἀληθινὸν τάφον ζητῶν, πολλῶν λεγομένων καὶ δεικνυμένων ἀπαγορεύσῃ.

μόνον δὲ τῶν μερῶν τοῦ Ὀσίριδοσ τὴν Ἶσιν οὐχ εὑρεῖν τὸ αἰδοῖον· εὐθὺσ γὰρ εἰσ τὸν ποταμὸν ῥιφῆναι καὶ γεύσασθαι τόν τε λεπιδωτὸν αὐτοῦ καὶ τὸν φάγρον καὶ τὸν ὀξύρυγχον, οὓσ μάλιστα τῶν ἰχθύων ἀφοσιοῦσθαι·

τὴν δ’ Ἶσιν ἀντ’ ἐκείνου μίμημα ποιησαμένην καθιερῶσαι τὸν φαλλόν, ᾧ καὶ νῦν ἑορτάζειν τοὺσ Αἰγυπτίουσ.

일치하는 문장이 없습니다.

SEARCH

MENU NAVIGATION