헬라어 문장 검색 - Πλυταρ́ΔεΙσιδέ75́

(플루타르코스, De Iside et Osiride, section 75)

οὐ μὴν οὐδ’ ὁ κροκόδειλοσ αἰτίασ πιθανῆσ ἀμοιροῦσαν ἔσχηκε τιμήν, ἀλλὰ μίμημα θεοῦ λέγεται γεγονέναι, μόνοσ μὲν ἄγλωσσοσ ὤν. μόνου δέ φασιν ἐν ὑγρῷ διαιτωμένου τὰσ ὄψεισ ὑμένα λεῖον καὶ διαφανῆ παρακαλύπτειν ἐκ τοῦ μετώπου κατερχόμενον, ὥστε βλέπειν μὴ βλεπόμενον, ὃ τῷ πρώτῳ θεῷ συμβέβηκεν.

ὅπου δ’ ἂν ἡ θήλεια τῆσ χώρασ ἀποτέκῃ, τοῦτο Νείλου πέρασ ἐπίσταται τῆσ αὐξήσεωσ γενόμενον.

ἐν ὑγρῷ γὰρ οὐ δυνάμεναι, πόρρω δὲ φοβούμεναι, τίκτειν, οὕτωσ ἀκριβῶσ προαισθάνονται τὸ μέλλον, ὥστε τῷ ποταμῷ προσελθόντι χρῆσθαι λοχευόμεναι καὶ θάλπουσαι, τὰ δ’ ᾠὰ ξηρὰ καὶ ἄβρεκτα φυλάσσειν. ἑξήκοντα δὲ τίκτουσιν, καὶ τοσαύταισ ἡμέραισ ἐκλέπουσι, καὶ τοσούτουσ ζῶσιν ἐνιαυτοὺσ οἱ μακρότατον ζῶντεσ, ὃ τῶν μέτρων πρῶτόν ἐστι τοῖσ περὶ τὰ οὐράνια πραγματευομένοισ ἀλλὰ μὴν τῶν δι’ ἀμφότερα τιμωμένων περὶ μὲν τοῦ κυνὸσ εἴρηται πρόσθεν ἡ δ’ ἶβισ ἀποκτείνουσα μὲν τὰ θανατηφόρα τῶν ἑρπετῶν ἐδίδαξε πρώτη κενώματοσ ἰατρικοῦ χρείαν κατιδόντασ οὕτω κλυζομένην καὶ καθαιρομένην ὑφ’ ἑαυτῆσ·

οἱ δὲ νομιμώτατοι τῶν ἱερέων καθάρσιον ὕδωρ ἁγνιζόμενοι λαμβάνουσιν ὅθεν ἶβισ πέπωκεν οὐ πίνει γὰρ ἢ νοσῶδεσ ἢ πεφαρμαγμένον οὐδὲ πρόσεισι.

τῇ δὲ τῶν ποδῶν διαστάσει πρὸσ ἀλλήλουσ καὶ τὸ ῥύγχοσ ἰσόπλευρον ποιεῖ τρίγωνον ἔτι δ’ ἡ τῶν μελάνων πτερῶν πρὸσ τὰ λευκὰ ποικιλία καὶ μῖξισ ἐμφαίνει σελήνην ἀμφίκυρτον.

οὐ δεῖ δὲ θαυμάζειν, εἰ γλίσχρασ ὁμοιότητασ οὕτωσ ἠγάπησαν Αἰγύπτιοι. καὶ γὰρ καὶ Ἕλληνεσ ἔν τε γραπτοῖσ ἔν τε πλαστοῖσ εἰκάσμασι θεῶν ἐχρήσαντο πολλοῖσ τοιούτοισ οἱο͂ν ἐν Κρήτῃ Διὸσ ἦν ἄγαλμα μὴ ἔχον ὦτα·

τῷ γὰρ ἄρχοντι καὶ κυρίῳ πάντων οὐδενὸσ ἀκούειν προσήκει.

τὸν δράκοντα Φειδίασ παρέθηκε, τῷ δὲ τῆσ Ἀφροδίτησ ἐν Ἤλιδι τὴν χελώνην, ὡσ τὰσ μὲν παρθένουσ φυλακῆσ δεομένασ, ταῖσ δὲ γαμεταῖσ οἰκουρίαν καὶ σιωπὴν πρέπουσαν.

ἡ δὲ τοῦ Ποσειδῶνοσ τρίαινα σύμβολόν ἐστι τῆσ τρίτησ χώρασ, ἣν θάλαττα κατέχει μετὰ τὸν οὐρανὸν καὶ τὸν ἀέρα τεταγμένη.

διὸ καὶ τὴν Ἀμφιτρίτην καὶ τοὺσ Τρίτωνασ οὕτωσ ὠνόμασαν.

οἱ δὲ Πυθαγόρειοι καὶ ἀριθμοὺσ; καὶ σχήματα θεῶν ἐκόσμησαν προσηγορίαισ. τὸ μὲν γὰρ ἰσόπλευρον τρίγωνον ἐκάλουν Ἀθηνᾶν κορυφαγεννῆ καὶ τριτογένειαν , ὅτι τρισὶ καθέτοισ ἀπὸ τῶν τριῶν γωνιῶν ἀγομέναισ διαιρεῖται· τὸ δ’ ἓν Ἀπόλλωνα πλήθουσ ἀποφάσει καὶ δι’ ἁπλότητα τῆσ μονάδοσ·

ἔριν δὲ τὴν δυάδα καὶ τόλμαν· δίκην δὲ τὴν τριάδα, τοῦ γὰρ ἀδικεῖν καὶ ἀδικεῖσθαι κατ’ ἔλλειψιν καὶ ὑπερβολὴν ὄντοσ, ἰσότητι δίκαιον ἐν μέσῳ γέγονεν· μέγιστοσ ἦν ὁρ́κοσ, ὡσ τεθρύληται, καὶ κόσμοσ ὠνόμασται, τεσσάρων μὲν ἀρτίων τῶν πρώτων, τεσσάρων δὲ τῶν περισσῶν εἰσ ταὐτὸ συντιθεμένων, ἀποτελούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Iside et Osiride, section 75

(플루타르코스, De Iside et Osiride, section 75)

상위

목록

SEARCH

MENU NAVIGATION