헬라어 텍스트

Plutarch, De Iside et Osiride, section 13

(플루타르코스, De Iside et Osiride, section 13)

βασιλεύοντα δ’ Ὄσιριν Αἰγυπτίουσ μὲν εὐθὺσ ἀπόρου βίου καὶ θηριώδουσ ἀπαλλάξαι, καρπούσ τε δείξαντα καὶ νόμουσ; θέμενον αὐτοῖσ καὶ θεοὺσ διδάξαντα τιμᾶν·

ὕστερον δὲ γῆν πᾶσαν ἡμερούμενον ἐπελθεῖν, ἐλάχιστα μὲν ὅπλων δεηθέντα, πειθοῖ δὲ τοὺσ πλείστουσ καὶ λόγῳ μετ’ ᾠδῆσ καὶ πάσησ μουσικῆσ θελγομένουσ προσαγόμενον ὅθεν Ἕλλησι δόξαι Διονύσῳ τὸν αὐτὸν εἶναι. καὶ προσέχειν ἐγκρατῶσ ἔχουσαν, ἐπανελθόντι δὲ δόλον μηχανᾶσθαι, συνωμότασ ἄνδρασ ἑβδομήκοντα καὶ δύο πεποιημένον καὶ συνεργὸν ἔχοντα βασίλισσαν ἐξ Αἰθιοπίασ παροῦσαν, ἣν ὀνομάζουσιν Ἀσώ·

τοῦ δ’ Ὀσίριδοσ ἐκμετρησάμενον λάθρα τὸ σῶμα καὶ κατασκευάσαντα πρὸσ τὸ μέγεθοσ λάρνακα καλὴν καὶ κεκοσμημένην περιττῶσ εἰσενεγκεῖν εἰσ τὸ συμπόσιον.

ἡσθέντων δὲ τῇ ὄψει καὶ θαυμασάντων, ὑποσχέσθαι τὸν Τυφῶνα μετὰ παιδιᾶσ, ὃσ ἂν ἐγκατακλιθεὶσ ἐξισωθῇ, διδόναι δῶρον αὐτῷ τὴν λάρνακα.

πειρωμένων δὲ πάντων καθ’ ἕκαστον, ὡσ οὐδεὶσ ἐνήρμοττεν, ἐμβάντα τὸν Ὄσιριν κατακλιθῆναι.

τοὺσ δὲ συνόντασ ἐπιδραμόντασ ἐπιρράξαι τὸ πῶμα καί, τῶν μὲν γόμφοισ καταλαβόντων ἔξωθεν, τῶν δὲ θερμοῦ μολίβδου καταχεαμένων, ἐπὶ τὸν ποταμὸν ἐξενεγκεῖν καὶ μεθεῖναι διὰ τοῦ Τανιτικοῦ στόματοσ εἰσ τὴν θάλασσαν, ὃ διὰ τοῦτο μισητὸν ἔτι νῦν καὶ κατάπτυστον ὀνομάζειν Αἰγυπτίουσ. ταῦτα δὲ πραχθῆναι λέγουσιν ἑβδόμῃ ἐπὶ δέκα μηνὸσ Ἀθύρ, ἐν ᾧ τὸν σκορπίον ὁ ἥλιοσ διέξεισιν, ὄγδοον ἔτοσ καὶ εἰκοστὸν ἐκεῖνο βασιλεύοντοσ Ὀσίριδοσ.

ἔνιοι δὲ βεβιωκέναι φασὶν αὐτόν, οὐ βεβασιλευκέναι χρόνον τοσοῦτον.