헬라어 문장 검색 - Πλυταρ́ΞαιυσΜά45́

(플루타르코스, Caius Marius, chapter 45)

ἐν τούτῳ δὲ ὥσπερ τροπαίασ τινοσ ἀμειβούσησ ἐφοίτων ἄγγελοι πανταχόθεν ὡσ Σύλλασ συνῃρηκὼσ τὸν Μιθριδατικὸν πόλεμον καὶ τὰσ ἐπαρχίασ ἀνειληφὼσ ἐπιπλέοι μετὰ πολλῆσ δυνάμεωσ, καὶ τοῦτο βραχεῖαν ἐπίσχεσιν ἐποίησε καὶ παῦλαν ὀλίγην ἀφάτων κακῶν, ὅσον οὔπω τὸν πόλεμον ἥκειν ἐπ’ αὐτοὺσ οἰομένων. ὕπατοσ μὲν οὖν ἀπεδείχθη τὸ ἕβδομον Μάριοσ, καὶ προελθὼν αὐταῖσ Καλάνδαισ Ιἀνουαρίαισ, ἔτουσ ἀρχῇ, Σέξτον τινὰ Λουκῖνον κατεκρήμνισεν ὃ κἀκείνοισ καὶ τῇ πόλει τῶν αὖθισ ἐδόκει κακῶν γεγονέναι σημεῖον μέγιστον. αὐτὸσ δὲ ἤδη τοῖσ τε πόνοισ ἀπειρηκὼσ καὶ ταῖσ φροντίσιν οἱο͂ν ὑπέραντλοσ ὢν καὶ κατάπονοσ, τὴν ψυχὴν πρὸσ τοσαύτην αὖθισ ἐπίνοιαν νέου πολέμου καὶ καινῶν ἀγώνων καὶ φόβων ὑπὸ ἐμπειρίασ δεινῶν καὶ καμάτου τρέμουσαν οὐκ ἀνέφερε, λογιζόμενοσ ὡσ οὐ πρὸσ Ὀκτάβιον οὐδὲ Μερούλαν σύγκλυδοσ ὁμίλου καὶ στασιώδουσ ὄχλου στρατηγοὺσ ὁ κίνδυνοσ ἔσοιτο, Σύλλασ δὲ ἐκεῖνοσ ἔπεισιν ὁ τῆσ πατρίδοσ αὐτὸν ἐξελάσασ πάλαι, νῦν δὲ Μιθριδάτην συνεσταλκὼσ εἰσ τὸν Εὔξεινον Πόντον.

ὑπὸ τοιούτων θραυόμενοσ λογισμῶν, καὶ τὴν μακρὰν ἄλην αὐτοῦ καὶ φυγὰσ καὶ κινδύνουσ διὰ γῆσ καὶ θαλάττησ ἐλαυνομένου λαμβάνων πρὸ ὀφθαλμῶν, εἰσ ἀπορίασ ἐνέπιπτε δεινὰσ καὶ νυκτερινὰ δείματα καὶ ταραχώδεισ ὀνείρουσ, ἀεί τινοσ ἀκούειν φθεγγομένου δοκῶν δειναὶ γάρ κοῖται καὶ ἀποιχομένοιο λέοντοσ.

μάλιστα δὲ πάντων φοβούμενοσ τὰσ ἀγρυπνίασ ἐνέβαλεν εἰσ πότουσ ἑαυτὸν καὶ μέθασ ἀώρουσ καὶ παρ’ ἡλικίαν, ὥσπερ ἀπόδρασιν τῶν φροντίδων τὸν ὕπνον μηχανώμενοσ. τέλοσ δὲ ὡσ ἧκέ τισ ἀπαγγέλλων ἀπὸ θαλάσσησ, νέοι προσπίπτοντεσ αὐτῷ φόβοι, τὰ μὲν δέει τοῦ μέλλοντοσ, τὰ δὲ ὥσπερ ἄχθει καὶ κόρῳ τῶν παρόντων, ῥοπῆσ βραχείασ ἐπιγενομένησ εἰσ νόσον κατηνέχθη πλευρῖτιν, ὡσ ἱστορεῖ Ποσειδώνιοσ ὁ φιλόσοφοσ, αὐτὸσ εἰσελθεῖν καὶ διαλεχθῆναι περὶ ὧν ἐπρέσβευεν ἤδη νοσοῦντι φάσκων αὐτῷ.

Γάιοσ δέ τισ Πείσων, ἀνήρ ἱστορικὸσ, ἱστορεῖ τὸν Μάριον ἀπὸ δείπνου περιπατοῦντα μετὰ τῶν φίλων ἐν λόγοισ γενέσθαι περὶ τῶν καθ’ ἑαυτὸν πραγμάτων, ἄνωθεν ἀρξάμενον· καὶ τὰσ ἐπ’ ἀμφότερα πολλάκισ μεταβολὰσ ἀφηγησάμενον εἰπεῖν ὡσ οὐκ ἔστι νοῦν ἔχοντοσ ἀνδρὸσ ἔτι τῇ τύχῃ πιστεύειν ἑαυτόν·

ἐκ δὲ τούτου τοὺσ παρόντασ ἀσπασάμενον καὶ κατακλιθέντα συνεχῶσ ἡμέρασ ἑπτὰ τελευτῆσαι. τινὲσ δὲ τὴν φιλοτιμίαν αὐτοῦ φασιν ἐν τῇ νόσῳ παντάπασιν ἀποκαλυφθεῖσαν εἰσ ἄτοπον ἐξοκεῖλαι παρακοπήν, οἰομένου τὸν Μιθριδατικὸν στρατηγεῖν πόλεμον, εἶτα, ὥσπερ ἐπ’ αὐτῶν εἰώθει τῶν ἀγώνων, σχήματα παντοδαπὰ καὶ κινήματα σώματοσ μετὰ συντόνου κραυγῆσ καὶ πυκνῶν ἀλαλαγμάτων ἀποδιδόντοσ.

οὕτωσ δεινὸσ αὐτῷ καὶ Βνσπαραμνθητοσ ἐκ φιλαρχίασ καὶ ζηλοτυπίασ ἔρωσ ἐντετήκει τῶν πράξεων ἐκείνων.

διὸ ἔτη μὲν ἑβδομήκοντα βεβιωκώσ, ὕπατοσ δὲ πρῶτοσ ἀνθρώπων ἑπτάκισ ἀνηγορευμένοσ, οἶκόν τε καὶ πλοῦτον ἀρκοῦντα βασιλείαισ ὁμοῦ πολλαῖσ κεκτημένοσ, ὠδύρετο τὴν ἑαυτοῦ τύχην ὡσ ἐνδεὴσ καὶ ἀτελὴσ ὧν ἐπόθει προαποθνῄσκων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 45

(플루타르코스, Caius Marius, chapter 45)

상위

목록

SEARCH

MENU NAVIGATION