헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 45)

καὶ οὐχὶ λέγειν μὲν ὁ Μάρκιοσ, ἐξ ὧν διαστήσει τὴν πόλιν, ἐπεχείρησε, πράττειν δ’ οὐχ οἱᾶ ἔλεγεν ἐπεβάλετο, ἀλλὰ καὶ στῖφοσ ἀνθρώπων εἰσ ἅπασαν ὑπηρεσίαν ἑτοίμων παρ’ ἑαυτῷ ἔχων, καλούμενοσ ἐπὶ τὴν ἀρχὴν ἡμῶν οὐκ ἀπαντᾷ, καὶ τοῖσ ὑπηρέταισ τοῖσ ἡμετέροισ, ὁπότε κελευσθέντεσ ἄγειν αὐτὸν ἐπιβάλλοιντο, πληγὰσ ἐντρίβεται, καὶ οὐδὲ τῶν ἡμετέρων σωμάτων τὼ χεῖρε τελευτῶν ἀπέχεται. ὥστε περίεστιν ἡμῖν, τό γ’ ἐπὶ τοῦτον εἶναι μέροσ, ὄνομα μὲν εὐπρεπὲσ ἀσύλου ἀρχῆσ ἐπὶ χλευασμῷ κείμενον ἔχειν, ἔργον δὲ τῶν ἀποδεδομένων τῇ ἀρχῇ μηδ’ ὁτιοῦν πράττειν.

πῶσ δ’ ἂν ἑτέροισ ἀδικεῖσθαι λέγουσι βοηθήσαιμεν, οἷσ γε μηδ’ αὐτοῖσ ὑπάρχει τἀσφαλέσ;

ταύτασ μέντοι τὰσ ὕβρεισ οἱ πένητεσ ὑβριζόμενοι πρὸσ ἑνὸσ ἀνδρὸσ οὔπω τυραννοῦντοσ, ἀλλ’ ἔτι μέλλοντοσ, καὶ τὰ μὲν ἤδη πεπονθότεσ, ὦ βουλή, δεινά, τὰ δ’ εἰ μὴ τὸ πλεῖον ὑμῶν μέροσ ἐμποδὼν ἐγένετο παρασχεδὸν ἐλθόντεσ παθεῖν, ἄρα εἰκότωσ ἀγανακτοῦμεν καὶ βοηθείασ τινὸσ οἰόμεθα δεῖν οὐκ ἄνευ τῆσ ὑμετέρασ συναγανακτήσεωσ τυχεῖν, ἐπὶ δίκην αὐτὸν ἴσην καὶ νόμιμον, ὦ βουλή, προσκαλούμενοι, περὶ ἣν ἅπασα ἡ πληθὺσ μερισθεῖσα κατὰ φυλὰσ λόγου δοθέντοσ τοῖσ δεομένοισ ἔνορκον ἐποίσει τὴν ψῆφον. ταῦθ’, ἃ μέλλεισ λέγειν ἐνθάδε, πρὸσ ἅπαντασ τοὺσ πολίτασ ἀθρόουσ ἀπολογοῦ, εἴτε ὡσ ἀπὸ τοῦ βελτίστου τὰ κράτιστα συνεβούλευεσ τούτοισ καὶ συνήνεγκεν ἂν τῇ πόλει ταῦτα γενόμενα, εἴτε ὡσ οὐκ ἔστι δίκαιον λόγων εὐθύνασ ὑπέχειν τοὺσ ἀποφαινομένουσ ἐνθάδε τὰσ γνώμασ, εἴτε ὡσ οὐκ ἐκ προνοίασ οὐδὲ ἐπιβουλῆσ, ἀλλ’ ὀργῇ ἐπιτρέψασ τὰ μιαρὰ ταῦτα παραινεῖν προήχθησ, εἴθ’ ὁτιδήποτε ἄλλο ἀπολόγημα ἔχεισ.

καταβίβασον ἀπὸ τῶν ὑπερηφάνων καὶ τυραννικῶν αὐχημάτων ἐκείνων σεαυτὸν ἐπὶ τὸ δημοτικώτερον, ὦ πονηρέ, καὶ ποίησον ἤδη ποτὲ τοῖσ ἄλλοισ ἀνθρώποισ ὅμοιον.

ἡμαρτηκότοσ λαβὲ καὶ παραιτουμένου σχῆμα ταπεινὸν καὶ ἐλεεινόν, οἱο͂ν ἀπαιτοῦσιν αἱ συμφοραί. μὴ βιαζόμενοσ τοὺσ κακῶσ πεπονθότασ, ἀλλ’ ὑπερχόμενοσ ἀξίου σώζεσθαι. ᾗ χρώμενοσ ἂν εἰήσ πρὸσ τοὺσ ἅμα πολιτευομένουσ ἀνεπίληπτοσ, τὰ τῶν ἀγαθῶν τούτων ἔργα, οἳ τοσοῦτοι μὲν ὄντεσ τὸ πλῆθοσ, ὅσουσ νῦν αὐτὸσ ὁρᾷσ, τοσαύτασ δ’ ἀρετὰσ ἀποδεδειγμένοι καὶ πολεμικὰσ καὶ πολιτικάσ, ἃσ οὐδ’ ἐν πολλῷ πάνυ χρόνῳ διελθεῖν ῥᾴδιον, οὐδὲν ὠμὸν οὐδ’ ὑπερήφανον ἐξήνεγκαν τέλοσ καθ’ ἡμῶν τῶν φαύλων καὶ ταπεινῶν οἱ σεμνοὶ καὶ μεγάλοι, ἀλλὰ καὶ λόγων ἦρξαν συμβατηρίων αὐτοὶ πρότεροι προτείνοντεσ διαλλαγάσ, ὅτε διεῖλεν ἡμᾶσ ἀπ’ ἀλλήλων ἡ τύχη, καὶ τὰσ συμβάσεισ οὐχ ὡσ ἑαυτοῖσ ὑπελάμβανον ἄριστα ἕξειν, ἀλλ’ ὡσ ἡμεῖσ ἠξιοῦμεν συνεχώρησαν γενέσθαι, καὶ τὰ τελευταῖσ ταυτὶ τὰ περὶ τὴν σιτοδοσίαν ἔναγχοσ τοῦ χρόνου προσκρούματα, ἐφ’ οἷσ δι’ αἰτίασ εἴχομεν αὐτούσ, περὶ πολλοῦ ἐποιήσαντο ἀπολύσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 45

(디오니시오스, Antiquitates Romanae, Books VII-IX, book 7, chapter 45)

상위

목록

SEARCH

MENU NAVIGATION