헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 13)

ταῦτα τοῖσ Ῥωμαίοισ μαθοῦσι τῆσ μὲν συμφορᾶσ οἶκτοσ εἰσῄει, καὶ οὐδὲν ᾤοντο δεῖν τοῖσ ἐχθροῖσ ἐπὶ τοιαύταισ τύχαισ μνησικακεῖν, ὡσ ἱκανὰσ δεδωκόσι τοῖσ θεοῖσ ὑπὲρ σφῶν δίκασ ἀνθ’ ὧν ἔμελλον δράσειν· Οὐελίτρασ δὲ παραλαμβάνειν ἐδόκει κληρούχων οὐκ ὀλίγων ἀποστολῇ πολλὰ τὰ συμφέροντα ἐκ τοῦ πράγματοσ ἐπιλογιζομένοισ. τό τε γὰρ χωρίον ἱκανὸν εἶναι ἐφαίνετο φυλακῇ ἀξιόχρεῳ καταληφθὲν οἷσ ἂν νεωτερίζειν ἢ παρακινεῖν τι βουλομένοισ ᾖ μέγα κώλυμα καὶ ἐμπόδιον εἶναι·

ἥ τ’ ἀπορία τῆσ τροφῆσ ἡ κατέχουσα τὴν πόλιν οὐ παρ’ ὀλίγον μετριωτέρα γενήσεσθαι ὑπωπτεύετο, εἰ μετασταίη τισ ἐξ αὐτῆσ ἀπὸ τοῦ πλήθουσ μοῖρα ἀξιόλογοσ.

μάλιστα δ’ ἡ στάσισ ἀναρριπιζομένη, πρὶν ἢ πεπαῦσθαι καλῶσ ἔτι τὴν προτέραν, ἐνῆγεν αὐτοὺσ ψηφίζεσθαι τὸν ἀπόστολον. πάλιν γάρ, ὥσπερ καὶ πρότερον, ὁ δῆμοσ ἠρεθίζετο καὶ δι’ ὀργῆσ εἶχε τοὺσ πατρικίουσ, πολλοί τε καὶ χαλεποὶ κατ’ αὐτῶν ἐγίνοντο λόγοι τῶν μὲν ὀλιγωρίαν ἐγκαλούντων καὶ ῥᾳθυμίαν, ὅτι οὐκ ἐκ πολλοῦ προείδοντο τὴν ἐσομένην τοῦ σίτου σπάνιν καὶ προὐμηχανήσαντο τὰ πρὸσ τὴν συμφορὰν ἀλεξήματα, τῶν δ’ ἐξ ἐπιβουλῆσ ὑπ’ αὐτῶν γεγονέναι τὴν σιτοδείαν ἀποφαινόντων δι’ ὀργήν τε καὶ ἐπιθυμίαν τοῦ κακῶσαι τὸ δημοτικὸν ἀναμνήσει τῆσ ἀποστάσεωσ.

διὰ ταύτασ μὲν δὴ τὰσ αἰτίασ ἡ τῶν κληρούχων ἀποστολὴ ταχεῖα ἐγίνετο τριῶν ἀποδειχθέντων ἀνδρῶν ὑπὸ τῆσ βουλῆσ ἡγεμόνων.

τῷ δήμῳ δὲ κατ’ ἀρχὰσ μὲν ἦν ἀσμένῳ τοὺσ κληρούχουσ διαλαγχάνειν ὡσ λιμοῦ τ’ ἀπαλλαχθησομένῳ καὶ χώραν οἰκήσοντι εὐδαίμονα· ἔπειτ’ ἐνθυμουμένῳ τὸν λοιμόν, ὃσ.

ἐν τῇ μελλούσῃ αὐτὸν ὑποδέχεσθαι πόλει πολὺσ γενόμενοσ τούσ τ’ οἰκήτορασ διεφθάρκει καὶ δέοσ παρεῖχε, μὴ καὶ τοὺσ ἐποίκουσ ταὐτὸν ἐργάσηται, μεθίστατο κατὰ μικρὸν εἰσ τἀναντία ἡ γνώμη, ὥστ’ οὐ πολλοί τινεσ ἐφάνησαν οἱ μετέχειν βουλόμενοι τῆσ ἀποικίασ, ἀλλὰ πολὺ ἐλάττουσ ὧν ἡ βουλὴ ἐψηφίσατο, καὶ οὗτοι δ’ ἤδη σφῶν αὐτῶν κατεγνώκεσαν ὡσ κακῶσ βεβουλευμένων καὶ ὑπανεδύοντο τὴν ἔξοδον. κατελήφθη μέντοι τοῦτο τὸ μέροσ καὶ τὸ ἄλλο τὸ μὴ ἑκουσίωσ συναιρόμενον τῆσ ἐξόδου ψηφισαμένησ τῆσ βουλῆσ ἐξ ἁπάντων γενέσθαι Ῥωμαίων κλήρῳ τὴν ἔξοδον, κατὰ δὲ τῶν λαχόντων, εἰ μὴ ἐξίοιεν, χαλεπὰσ καὶ ἀπαραιτήτουσ θεμένησ ζημίασ.

εὐπρεπεῖ ἀνάγκῃ καταληφθεὶσ ἀπεστάλη, καὶ ἕτεροσ αὖθισ οὐ πολλαῖσ ἡμέραισ ὕστερον εἰσ Νώρβαν πόλιν, ἥ ἐστι τοῦ Λατίνων ἔθνουσ οὐκ ἀφανήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 13

(디오니시오스, Antiquitates Romanae, Books VII-IX, book 7, chapter 13)

상위

목록

SEARCH

MENU NAVIGATION