헬라어 문장 검색 - Διοδορ́Βιβλιοτ́5́80́

(디오도로스 시켈로스, Bibliotheca Historica, book 5, chapter 79)

Ῥαδάμανθυν δὲ λέγουσι τάσ τε κρίσεισ πάντων δικαιοτάτασ πεποιῆσθαι καὶ τοῖσ λῃσταῖσ καὶ ἀσεβέσι καὶ τοῖσ ἄλλοισ κακούργοισ ἀπαραίτητον ἐπενηνοχέναι τιμωρίαν. κατακτήσασθαι δὲ καὶ νήσουσ οὐκ ὀλίγασ καὶ τῆσ Ἀσίασ πολλὴν τῆσ παραθαλαττίου χώρασ, ἁπάντων ἑκουσίωσ παραδιδόντων ἑαυτοὺσ διὰ τὴν δικαιοσύνην. τὸν δὲ Ῥαδάμανθυν Ἐρύθρῳ μὲν ἑνὶ τῶν αὑτοῦ παίδων παραδοῦναι τὴν βασιλείαν τῶν δι’ ἐκεῖνον Ἐρυθρῶν ὀνομασθεισῶν, Οἰνοπίωνι δὲ τῷ Ἀριάδνησ τῆσ Μίνω Χίον ἐγχειρίσαι φασίν, ὃν ἔνιοι μυθολογοῦσι Διονύσου γενόμενον μαθεῖν παρὰ τοῦ πατρὸσ τὰ περὶ τὴν οἰνοποιίαν. τῶν δ’ ἄλλων τῶν περὶ αὐτὸν ἡγεμόνων ἑκάστῳ νῆσον ἢ πόλιν δωρήσασθαι λέγουσι τὸν Ῥαδάμανθυν, Θόαντι μὲν Λῆμνον, Ἐνυεῖ δὲ Κύρνον, Σταφύλῳ δὲ Πεπάρηθον, Εὐάνθει δὲ Μαρώνειαν, Ἀλκαίῳ δὲ Πάρον, Ἀνίωνι δὲ Δῆλον, Ἀνδρεῖ δὲ τὴν ἀπ’ ἐκείνου κληθεῖσαν Ἄνδρον.

διὰ δὲ τὴν ὑπερβολὴν τῆσ περὶ αὐτὸν δικαιοσύνησ μεμυθολογῆσθαι δικαστὴν αὐτὸν ἀποδεδεῖχθαι καθ’ ᾅδου καὶ διακρίνειν τοὺσ εὐσεβεῖσ καὶ τοὺσ πονηρούσ. τετευχέναι δὲ τῆσ αὐτῆσ τιμῆσ καὶ τὸν Μίνω, βεβασιλευκότα νομιμώτατα καὶ μάλιστα δικαιοσύνησ πεφροντικότα. τὸν δὲ τρίτον ἀδελφὸν Σαρπηδόνα φασὶ μετὰ δυνάμεωσ εἰσ τὴν Ἀσίαν διαβάντα κατακτήσασθαι τοὺσ περὶ Λυκίαν τόπουσ.

Εὐάνδρον δὲ γενόμενον υἱὸν αὐτοῦ διαδέξασθαι τὴν ἐν Λυκίᾳ βασιλείαν, καὶ γήμαντα Δηιδάμειαν τὴν Βελλεροφόντου τεκνῶσαι Σαρπηδόνα τὸν ἐπὶ Τροίαν μὲν στρατεύσαντα , ὑπό τινων δὲ Διὸσ υἱὸν ὀνομαζόμενον. Μίνῳ δέ φασιν υἱοὺσ γενέσθαι Δευκαλίωνά τε καὶ Μόλον·

καὶ Δευκαλίωνοσ μὲν Ἰδομενέα, Μόλου δὲ Μηριόνην ὑπάρξαι. τούτουσ δὲ ναυσὶν ἐνενήκοντα στρατεῦσαι μετ’ Ἀγαμέμνονοσ εἰσ Ἴλιον, καὶ διασωθέντασ εἰσ τὴν πατρίδα τελευτῆσαι καὶ ταφῆσ ἐπιφανοῦσ ἀξιωθῆναι καὶ τιμῶν ἀθανάτων. καὶ τὸν τάφον αὐτῶν ἐν τῇ Κνωσῷ δεικνύουσιν, ἐπιγραφὴν ἔχοντα τοιάνδε, Κνωσίου Ἰδομενῆοσ ὁρ́α τάφον. αὐτὰρ ἐγώ τοι πλησίον ἵδρυμαι Μηριόνησ ὁ Μόλου. τούτουσ μὲν οὖν ὡσ ἡρ́ωασ ἐπιφανεῖσ τιμῶσιν οἱ Κρῆτεσ διαφερόντωσ, θύοντεσ καὶ κατὰ τοὺσ ἐν τοῖσ πολέμοισ κινδύνουσ ἐπικαλούμενοι βοηθούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 79

(디오도로스 시켈로스, Bibliotheca Historica, book 5, chapter 79)

상위

목록

SEARCH

MENU NAVIGATION