헬라어 문장 검색 - Διοδορ́Βιβλιοτ́5́72́

(디오도로스 시켈로스, Bibliotheca Historica, book 5, chapter 71)

διενέγκαι δὲ τὸν θεὸν τοῦτον ἁπάντων ἀνδρείᾳ καὶ συνέσει καὶ δικαιοσύνῃ καὶ ταῖσ ἄλλαισ ἁπάσαισ ἀρεταῖσ· διὸ καὶ παραλαβόντα τὴν βασιλείαν παρὰ τοῦ Κρόνου πλεῖστα καὶ μέγιστα τὸν ἀνθρώπινον βίον εὐεργετῆσαι. πρῶτον μὲν γὰρ ἁπάντων καταδεῖξαι περὶ τῶν ἀδικημάτων τὸ δίκαιον ἀλλήλοισ διδόναι τοὺσ ἀνθρώπουσ καὶ τοῦ βίᾳ τι πράττειν ἀποστῆσαι, κρίσει δὲ καὶ δικαστηρίῳ τὰσ ἀμφισβητήσεισ διαλύειν. καθόλου δὲ τὰ περί τε τῆσ εὐνομίασ καὶ τῆσ εἰρήνησ προσαναπληρῶσαι, τοὺσ μὲν ἀγαθοὺσ πείθοντα, τοὺσ δὲ φαύλουσ τῇ τιμωρίᾳ καὶ τῷ φόβῳ καταπληττόμενον. ἐπελθεῖν δ’ αὐτὸν καὶ τὴν οἰκουμένην σχεδὸν πᾶσαν τοὺσ μὲν λῃστὰσ καὶ ἀσεβεῖσ ἀναιροῦντα, τὴν δ’ ἰσότητα καὶ τὴν δημοκρατίαν εἰσηγούμενον·

ὅτε δή φασιν αὐτὸν καὶ τοὺσ γίγαντασ ἀνελεῖν, ἐν μὲν Κρήτῃ τοὺσ περὶ Μύλινον, κατὰ δὲ τὴν Φρυγίαν τοὺσ περὶ Τυφῶνα. πρὸ δὲ τῆσ μάχησ τῆσ πρὸσ τοὺσ ἐν Κρήτῃ γίγαντασ λέγεται τὸν Δία θῦσαι βοῦν Ἡλίῳ καὶ Οὐρανῷ καὶ Γῇ·

ἐπὶ δὲ τῶν ἱερῶν ἁπάντων φανῆναι τὰ περὶ τούτων ἐπικριθέντα ἐπισημαίνεται κράτοσ καὶ ἀπόστασισ ἀπὸ τῶν πολεμίων πρὸσ αὐτούσ. ἀκόλουθον δὲ τούτοισ γενέσθαι τοῦ πολέμου τὸ τέλοσ· αὐτομολῆσαι μὲν γὰρ ἐκ τῶν πολεμίων Μουσαῖον, καὶ τυχεῖν ὡρισμένων τιμῶν, κατακοπῆναι δ’ ὑπὸ τῶν θεῶν ἅπαντασ τοὺσ ἀντιταξαμένουσ. συστῆναι δὲ καὶ ἄλλουσ πολέμουσ αὐτῷ πρὸσ γίγαντασ, τῆσ μὲν Μακεδονίασ περὶ τὴν Παλλήνην, τῆσ δ’ Ἰταλίασ κατὰ τὸ πεδίον, ὃ τὸ μὲν παλαιὸν ἀπὸ τοῦ κατακεκαυμένου τόπου Φλεγραῖον ὠνομάζετο, κατὰ δὲ τοὺσ ὕστερον χρόνουσ Κυμαῖον προσηγόρευον.

κολασθῆναι δὲ τοὺσ γίγαντασ ὑπὸ Διὸσ διὰ τὴν εἰσ τοὺσ ἄλλουσ ἀνθρώπουσ παρανομίαν καὶ διὰ τὸ ταῖσ τοῦ σώματοσ ὑπεροχαῖσ καὶ ῥώμαισ πεποιθότασ καταδουλοῦσθαι μὲν τοὺσ πλησιοχώρουσ, ἀπειθεῖν δὲ τοῖσ περὶ τοῦ δικαίου τιθεμένοισ νόμοισ, πόλεμον δ’ ἐκφέρειν πρὸσ τοὺσ διὰ τὰσ κοινὰσ εὐεργεσίασ ὑπὸ πάντων θεοὺσ νομιζομένουσ.

τὸν δ’ οὖν Δία λέγουσι μὴ μόνον ἄρδην ἐξ ἀνθρώπων ἀφανίσαι τοὺσ ἀσεβεῖσ καὶ πονηρούσ, ἀλλὰ καὶ τοῖσ ἀρίστοισ τῶν θεῶν καὶ ἡρώων, ἔτι δ’ ἀνδρῶν τὰσ ἀξίασ ἀπονεῖμαι τιμάσ.

διὰ δὲ τὸ μέγεθοσ τῶν εὐεργεσιῶν καὶ τὴν ὑπεροχὴν τῆσ δυνάμεωσ συμφώνωσ αὐτῷ παρὰ πάντων συγκεχωρῆσθαι τήν τε βασιλείαν εἰσ τὸν ἀεὶ χρόνον καὶ τὴν οἴκησιν τὴν ἐν Ὀλύμπῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 71

(디오도로스 시켈로스, Bibliotheca Historica, book 5, chapter 71)

상위

목록

SEARCH

MENU NAVIGATION