호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ βασιλεῖσ ἀπεδείκνυντο μὲν ἐκ τῶν ἱερέων ἢ τῶν μαχίμων, τοῦ μὲν δι’ ἀνδρείαν τοῦ δὲ διὰ σοφίαν γένουσ ἀξίωμα καὶ τιμὴν ἔχοντοσ. καὶ μετεῖχε τῆσ φιλοσοφίασ, ἐπικεκρυμμένησ τὰ πολλὰ μύθοισ καὶ λόγοισ ἀμυδρὰσ ἐμφάσεισ τῆσ ἀληθείασ καὶ διαφάσεισ ἔχουσιν, ὥσπερ ἀμέλει καὶ παραδηλοῦσιν αὐτοὶ πρὸ τῶν ἱερῶν τὰσ σφίγγασ ἐπιεικῶσ ἱστάντεσ, ὡσ αἰνιγματώδη σοφίαν τῆσ θεολογίασ αὐτῶν ἐχούσησ.
τοῦ Διὸσ εἶναι τὸν Ἀμοῦν ὃ παράγοντεσ ἡμεῖσ Ἄμμωνα λέγομεν, Μανεθὼσ μὲν ὁ Σεβεννύτησ τὸ κεκρυμμένον οἰέται καὶ τὴν κρύψιν ὑπὸ ταύτησ δηλοῦσθαι τῆσ φωνῆσ·
Ἑκαταῖοσ δ’ ὁ Ἀβδηρίτησ φησὶ τούτῳ καὶ πρὸσ ἀλλήλουσ τῷ ῥήματι χρῆσθαι τοὺσ Αἰγυπτίουσ, ὅταν τινὰ προσκαλῶνται·
προσκλητικὴν γὰρ εἶναι τὴν φωνήν.
διὸ τὸν πρῶτον θεόν, ὃν τῷ παντὶ τὸν αὐτὸν νομίζουσιν, ὡσ ἀφανῆ καὶ κεκρυμμένον ὄντα προσκαλούμενοι καὶ παρακαλοῦντεσ ἐμφανῆ γενέσθαι καὶ δῆλον αὐτοῖσ, Ἀμοῦν λέγουσιν. ἡ μὲν οὖν εὐλάβεια τῆσ περὶ τὰ θεῖα σοφίασ Αἰγυπτίων τοσαύτη ἦν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기