호흡부호 보기
강세부호 보기
장단부호 보기
작은 Iota 보기
모든 부호 보기
οὕτω δὴ τῶν πραγμάτων ἐχόντων ἡ βουλὴ συνελθοῦσα πρέσβεισ ἐξέπεμψε πρὸσ Κίνναν καὶ Μάριον, εἰσιέναι καὶ φείδεσθαι δεομένη τῶν πολιτῶν. Κίννασ μὲν οὖν ὡσ ὕπατοσ ἐπὶ τοῦ δίφρου καθήμενοσ ἐχρημάτιζε καὶ φιλανθρώπουσ ἀποκρίσεισ ἔδωκε τοῖσ πρέσβεσι, Μάριοσ δὲ τῷ δίφρῳ παρειστήκει φθεγγόμενοσ μὲν οὐδέν, ὑποδηλῶν δὲ ἀεὶ τῇ βαρύτητι τοῦ προσώπου καὶ τῇ στυγνότητι τοῦ βλέμματοσ ὡσ εὐθὺσ ἐμπλήσων φόνων τὴν πόλιν. ἐπεὶ δὲ ἀναστάντεσ ἐβάδιζον, Κίννασ μὲν εἰσῄει δορυφορούμενοσ, Μάριοσ δὲ παρὰ ταῖσ πύλαισ ὑποστὰσ εἰρωνεύετο πρὸσ ὀργήν, φυγὰσ εἶναι λέγων καὶ τῆσ πατρίδοσ εἴργεσθαι κατὰ τὸν νόμον, εἰ δὲ χρῄζοι τισ αὐτοῦ παρόντοσ, ἑτέρᾳ ψήφῳ λυτέον εἶναι τὴν ἐκβάλλουσαν, ὡσ δὴ νόμιμόσ τισ ὢν ἀνήρ καὶ κατιὼν εἰσ πόλιν ἐλευθέραν·
ἐκαλει δὴ τὸ πλῆθοσ εἰσ ἀγορὰν καὶ πρὸ τοῦ τρεῖσ ἢ τέτταρασ φυλὰσ ἐνεγκεῖν τὴν ψῆφον ἀφεὶσ τὸ πλάσμα καὶ τὴν φυγαδικὴν ἐκείνην δικαιολογίαν κατῄει, δορυφόρουσ ἔχων λογάδασ ἐκ τῶν προσπεφοιτηκότων δούλων, οὓσ Βαρδυαίουσ προσηγόρευσεν.
οὗτοι πολλοὺσ μὲν ἀπὸ φωνῆσ, πολλοὺσ δὲ ἀπὸ νεύματοσ ἀνῄρουν προστάσσοντοσ αὐτοῦ· καὶ τέλοσ Ἀγχάριον, ἄνδρα βουλευτὴν καὶ στρατηγικόν, ἐντυγχάνοντα τῷ Μαρίῳ καὶ μὴ προσαγορευθέντα καταβάλλουσιν ἔμπροσθεν αὐτοῦ ταῖσ μαχαίραισ τύπτοντεσ. ἐκ δὲ τούτου καὶ τῶν ἄλλων ὅσουσ ἀσπασαμένουσ μὴ προσαγορεύσειε μηδὲ ἀντασπάσαιτο, τοῦτο αὐτὸ σύμβολον ἦν ἀποσφάττειν εὐθὺσ ἐν ταῖσ ὁδοῖσ, ὥστε καὶ τῶν φίλων ἕκαστον ἀγωνίασ μεστὸν εἶναι καὶ φρίκησ ὁσάκισ ἀσπασόμενοι τῷ Μαρίῳ πελάζοιεν·
κτεινομένων δὲ πολλῶν Κίννασ μὲν ἀμβλὺσ ἦν καὶ μεστὸσ ἤδη τοῦ φονεύειν, Μάριοσ δὲ καθ’ ἑκάστην ἡμέραν ἀκμάζοντι τῷ θυμῷ καὶ διψῶντι διὰ πάντων ἐχώρει τῶν ὁπωσοῦν ἐν ὑποψίᾳ γεγονότων, καὶ πᾶσα μὲν ὁδόσ, πᾶσα δὲ πόλισ τῶν διωκόντων καὶ κυνηγετούντων τοὺσ ὑποφεύγοντασ καὶ κεκρυμμένουσ ἔγεμεν. ἠλέγχετο δὲ καὶ ξενίασ καὶ φιλίασ πίστισ οὐδὲν ἔχουσα παρὰ τὰσ τύχασ βέβαιον·
ὀλίγοι γάρ ἐγένοντο παντάπασιν οἱ μὴ προδόντεσ αὐτοῖσ τοὺσ παρὰ σφᾶσ καταφυγόντασ. ἄξιον οὖν ἄγασθαι καὶ θαυμάσαι τοὺσ τοῦ Κορνούτου θεράποντασ οἳ, οἱ τὸν δεσπότην ἀποκρύψαντεσ οἴκοι, νεκρὸν δέ τινα τῶν πολλῶν ἀναρτήσαντεσ ἐκ τοῦ τραχήλου καὶ περιθέντεσ αὐτῷ χρυσοῦν δακτύλιον ἐπεδείκνυον τοῖσ Μαρίου δορυφόροισ καὶ κοσμήσαντεσ ὡσ ἐκεῖνον αὐτὸν ἔθαπτον.
ὑπενόησε δὲ οὐδείσ, ἀλλ’ οὕτω λαθὼν ὁ Κορνοῦτοσ ὑπὸ τῶν οἰκετῶν εἰσ Γαλατίαν διεκομίσθη.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기