헬라어 문장 검색 - Πλυταρ́ΞαιυσΜά40́

(플루타르코스, Caius Marius, chapter 40)

τοιαύτῃ προθυμίᾳ ταχὺ πάντων συμπορισθέντων καὶ Βηλαίου τινὸσ ναῦν τῷ Μαρίῳ παρασχόντοσ, ὃσ ὕστερον πίνακα τῶν πράξεων ἐκείνων γραψάμενοσ ἀνέθηκεν εἰσ τὸ ἱερὸν ὅθεν ἐμβὰσ ὁ Μάριοσ ἀνήχθη, τῷ πνεύματι φέροντι χρώμενοσ ἐφέρετό πωσ κατὰ τύχην πρὸσ Αἰναρίαν τὴν νῆσον, ὅπου τὸν Γράνιον καὶ τοὺσ ἄλλουσ φίλουσ εὑρών ἔπλει μετ’ αὐτῶν ἐπὶ Λιβύησ, ὕδατοσ δὲ ἐπιλιπόντοσ αὐτοὺσ ἀναγκαίωσ Σικελίᾳ κατὰ τὴν Ἐρυκίνην προσέσχον. ἔτυχε δὲ περὶ τοὺσ τόπουσ ἐκείνουσ ὁ Ῥωμαίων ταμίασ παραφυλάσσων, καὶ μικροῦ μὲν αὐτὸν ἀποβάντα τὸν Μάριον εἷλεν, ἀπέκτεινε δὲ περὶ ἑκκαίδεκα τῶν ὑδρευομένων.

Μάριοσ δὲ κατὰ σπουδὴν ἀναχθεὶσ καὶ διαπεράσασ τὸ πέλαγοσ πρὸσ Μήνιγγα τὴν νῆσον, ἐνταῦθα διαπυνθάνεται πρῶτον ὡσ ὁ παῖσ αὐτοῦ διασέσῳσται μετὰ Κεθήγου καὶ πορεύονται πρὸσ τὸν βασιλέα τῶν Νομάδων Ιἄμψαν, δεησόμενοι βοηθεῖν. ἐφ’ οἷσ μικρὸν ἀναπνεύσασ ἐθάρρησεν ἀπὸ τῆσ νήσου πρὸσ τὴν Καρχηδονίαν προσβαλεῖν·

ἐστρατήγει δὲ τῆσ Λιβύησ τότε Σεξτίλιοσ, ἀνήρ Ῥωμαῖοσ, οὔτε φαῦλον οὐθὲν οὔτε χρηστὸν ἐκ Μαρίου προειληφώσ, ἀλλ’ ὅσον ἀπ’ οἴκτου τι προσδοκώμενοσ ὠφελήσειν. "ἀπαγορεύει σοι Σεξτίλιοσ ὁ στρατηγόσ, ὦ Μάριε, Λιβύησ ἐπιβαίνειν· "εἰ δὲ μή, φησὶν ἀμυνεῖν τοῖσ τῆσ βουλῆσ δόγμασιν, ὡσ Ῥωμαίων πολεμίῳ χρώμενοσ. οὐ κακῶσ ἅμα τήν τε τῆσ πόλεωσ ἐκείνησ τύχην καὶ τὴν ἑαυτοῦ μεταβολὴν ἐν παραδείγματοσ λόγῳ θέμενοσ.

ἐν τούτῳ δὲ Ιἄμψασ ὁ βασιλεὺσ τῶν Νομάδων ἐπαμφοτερίζων τοῖσ λογισμοῖσ ἐν τιμῇ μὲν ἦγε τοὺσ περὶ τὸν νέον Μάριον, ἀπιέναι δὲ βουλομένουσ ἔκ τινοσ ἀεὶ προφάσεωσ κατεῖχε, καὶ δῆλοσ ἦν ἐπ’ οὐδενὶ χρηστῷ ποιούμενοσ τὴν ἀναβολήν.

οὐ μὴν ἀλλὰ συμβαίνει τι τῶν εἰκότων αὐτοῖσ πρὸσ σωτηρίαν. ὁ γάρ νέοσ Μάριοσ εὐπρεπὴσ ὢν τὴν ὄψιν ἠνία τινὰ τῶν παλλακίδων τοῦ βασιλέωσ παρ’ ἀξίαν πράττων· ὁ δὲ οἶκτοσ οὗτοσ ἀρχὴ καὶ πρόφασισ ἦν ἔρωτοσ, τὸ μὲν οὖν πρῶτον ἀπετρίβετο τὴν ἄνθρωπον· ὡσ δὲ οὔτε φυγῆσ ἑτέραν ὁδὸν ἑώρα καὶ τὰ παρ’ ἐκείνησ σπουδαιότερον ἢ πρὸσ ἡδονὴν ἀκόλαστον διεπράττετο, δεξάμενοσ τὴν φιλοφροσύνην καὶ συνεκπεμφθεὶσ ὑπ’ αὐτῆσ ἀπέδρα μετὰ τῶν φίλων καὶ διέφυγε πρὸσ τὸν Μάριον.

ἐπεὶ δὲ ἀλλήλουσ ἠσπάσαντο, πορευόμενοι παρὰ τὴν θάλασσαν ἐντυγχάνουσι σκορπίοισ μαχομένοισ· καὶ τὸ σημεῖον ἐφάνη τῷ Μαρίῳ πονηρόν. εὐθὺσ οὖν ἁλιάδοσ ἐπιβάντεσ εἰσ Κέρκιναν διεπέρων, νῆσον ἀπέχουσαν οὐ πολὺ τῆσ ἠπείρου·

καὶ τοσοῦτον ἔφθασαν ὅσον ἀνηγμένων αὐτῶν ἱππεῖσ ὁρᾶσθαι παρὰ τοῦ βασιλέωσ ἐλαύνοντασ ἐπὶ τὸν τόπον ὅθεν ἀνήχθησαν. τοῦτον οὐδενὸσ ἐλάττονα κίνδυνον ἔδοξεν ἐκφυγεῖν ὁ Μάριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 40

(플루타르코스, Caius Marius, chapter 40)

상위

목록

SEARCH

MENU NAVIGATION