헬라어 문장 검색 - Πλυταρ́ΞαιυσΜά36́

(플루타르코스, Caius Marius, chapter 36)

ὁ δὲ πρεσβύτησ Μάριοσ ὡσ ἀνήχθη, πνεύματι φορῷ κομιζόμενοσ παρὰ τὴν Ἰταλίαν ἐφοβήθη Γεμίνιόν τινα τῶν ἐν Ταρρακίνῃ δυνατῶν ἐχθρὸν αὑτοῦ, καὶ ταῖσ ναύταισ προεῖπεν εἴργεσθαι Ταρρακίνησ. οἱ δὲ ἐβούλοντο μὲν αὐτῷ χαρίζεσθαι, τοῦ δὲ πνεύματοσ εἰσ πελάγιον μεθισταμένου καὶ κλύδωνα κατάγοντοσ πολὺν οὔτε τὸ πορθμεῖον ἐδόκει περικλυζόμενον ἀνθέξειν, τοῦ τε Μαρίου δυσφοροῦντοσ καὶ κακῶσ ἔχοντοσ ὑπὸ ναυτίασ μόλισ ἀντιλαμβάνονται τῶν περὶ τὸ Κίρκαιον αἰγιαλῶν, τοῦ δὲ χειμῶνοσ αὐξανομένου καὶ τῶν σιτίων ἐπιλειπόντων ἐκβάντεσ ἐπλάζοντο πρὸσ οὐδένα σκοπόν, ἀλλ’ οἱᾶ συμβαίνει ταῖσ μεγάλαισ ἀπορίαισ ἀεὶ φεύγειν ἐκ τοῦ παρόντοσ ὡσ χαλεπωτάτου καὶ τὰσ ἐλπίδασ ἔχειν ἐν τοῖσ ἀδήλοισ. ἐπεὶ πολεμία μὲν ἐκείνοισ ἡ γῆ, πολεμία δὲ ἡ θάλασσα, φοβερὸν δὲ ἦν ἀνθρώποισ περιπεσεῖν, φοβερὸν δὲ μὴ περιπεσεῖν δι’ ἔνδειαν τῶν ἀναγκαίων.

οὐ μὴν ἀλλ’ ὀψέ που βοτῆρσιν ὀλίγοισ ἐντυγχάνουσιν, οἳ δοῦναι μὲν οὐδὲν ἔσχον αὐτοῖσ δεομένοισ, γνωρίσαντεσ δὲ τὸν Μάριον ἐκέλευον ἀπαλλάττεσθαι τὴν ταχίστην·

ὀλίγον γάρ ἔμπροσθεν αὐτόθι κατὰ ζήτησιν αὐτοῦ συχνοὺσ ἱππέασ ὀφθῆναι διεξελαύνοντασ. ἐν παντὶ δὴ γεγονὼσ ἀπορίασ, μάλιστα δὲ νηστείᾳ τῶν περὶ αὐτὸν ἀπαγορευόντων, τότε μὲν ἐκτραπόμενοσ τῆσ ὁδοῦ καὶ καταβαλὼν ἑαυτὸν εἰσ ὕλην βαθεῖαν ἐπιπόνωσ διενυκτέρευσε.

τῇ δ̓ ὑστεραίᾳ συνηγμένοσ ὑπ’ ἐνδείασ καὶ τῷ σώματι πρὶν ἐκλελύσθαι παντάπασι χρήσασθαι βουλόμενοσ ἐχώρει παρὰ τὸν αἰγιαλόν, ἐπιθαρσύνων τοὺσ ἑπομένουσ καὶ δεόμενοσ μὴ προαποκάμνειν τῆσ τελευταίασ ἐλπίδοσ, ἐφ’ ἣν ἑαυτὸν φυλάττει μαντεύμασι παλαιοῖσ πιστεύων. νέοσ γὰρ ὢν ἔτι παντελῶσ καὶ διατρίβων κατ’ ἀγρὸν ὑποδέξασθαι τῷ ἱματίῳ καταφερομένην ἀετοῦ νεοττιὰν ἑπτὰ νεοττοὺσ ἔχουσαν·

ἰδόντασ δὲ τοὺσ γονεῖσ καὶ θαυμάσαντασ διαπυνθάνεσθαι τῶν μάντεων τοὺσ δὲ εἰπεῖν ὡσ ἐπιφανέστατοσ ἀνθρώπων ἔσοιτο καὶ τὴν μεγίστην ἡγεμονίαν καὶ ἀρχὴν ἑπτάκισ αὐτὸν λαβεῖν ἀναγκαῖον εἰή. ταῦτα οἱ μὲν ἀληθῶσ τῷ Μαρίῳ συντυχεῖν οὕτω λέγουσιν οἱ δὲ τοὺσ τότε καὶ παρὰ τὴν ἄλλην φυγὴν ἀκούσαντασ αὐτοῦ καὶ πιστεύσαντασ ἀναγράψαι πρᾶγμα κομιδῇ μυθῶδεσ.

ἀετὸσ γὰρ οὐ τίκτει πλεῖον τῶν δυεῖν, ἀλλὰ καὶ Μουσαῖον ἐψεῦσθαι λέγουσιν εἰπόντα περὶ τοῦ ἀετοῦ, ὡσ τρία μὲν τίκτει, δύο δ̓ ἐκλέπει, ἓν δ̓ ἀλεγίζει. τὸ μέντοι πολλάκισ ἐν τῇ φυγῇ καὶ ταῖσ ἐσχάταισ ἀπορίαισ Μάριον εἰπεῖν ὡσ ἄχρισ ἑβδόμησ ὑπατείασ πρόεισιν, ὁμολογούμενόν ἐστιν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 36

(플루타르코스, Caius Marius, chapter 36)

상위

목록

SEARCH

MENU NAVIGATION