헬라어 문장 검색 - Πλυταρ́ΞαιυσΜά06́

(플루타르코스, Caius Marius, chapter 6)

ἐν μὲν οὖν τῇ στρατηγίᾳ μετρίωσ ἐπαινούμενον ἑαυτὸν παρέσχε, μετὰ δὲ τὴν στρατηγίαν κλήρῳ λαβὼν τὴν ἐκτὸσ Ἰβηρίαν λέγεται καθᾶραι λῃστηρίων τὴν ἐπαρχίαν ἀνήμερον οὖσαν ἔτι τοῖσ ἐθισμοῖσ καὶ θηριώδη, καὶ τὸ λῃστεύειν οὔπω τότε τῶν Ἰβήρων οὐχὶ κάλλιστον ἡγουμένων, ἐν δὲ τῇ πολιτείᾳ γενόμενοσ οὐκ εἶχεν οὔτε πλοῦτον οὔτε λόγον, οἷσ ἦγον οἱ τότε μάλιστα τιμώμενοι τὸν δῆμον. αὐτὴν δὲ τὴν ἀνάτασιν τοῦ φρονήματοσ καὶ τὸ περὶ τοὺσ πόνουσ ἐνδελεχὲσ αὐτοῦ καὶ τὸ δημοτικὸν τῆσ διαίτησ ἔν τινι σπουδῇ τιθεμένων τῶν πολιτῶν ηὐξάνετο τῇ τιμῇ πρὸσ δύναμιν, ὥστε καὶ γάμον γῆμαι λαμπρὸν οἰκίασ ἐπιφανοῦσ τῆσ Καισάρων Ιοὐλίαν, ἧσ ἦν ἀδελφιδοῦσ Καῖσαρ ὁ χρόνοισ ὕστερον Ῥωμαίων μέγιστοσ γενόμενοσ καί τι κατ’ οἰκειότητα ζηλώσασ Μάριον, ὡσ ἐν τοῖσ περὶ ἐκείνου γέγραπται.

τῷ δὲ Μαρίῳ καὶ σωφροσύνην μαρτυροῦσι καὶ καρτερίαν, ἧσ δεῖγμα καὶ τὸ περὶ τὴν χειρουργίαν ἐστίν, ἰξιῶν γάρ, ὡσ ἐοίκε, μεγάλων ἀνάπλεωσ ἄμφω τὰ σκέλη γεγονὼσ καὶ τὴν ἀμορφίαν δυσχεραίνων ἔγνω παρασχεῖν ἑαυτὸν τῷ ἰατρῷ·

καὶ παρέσχεν ἄδετοσ θάτερον σκέλοσ, οὐδὲν κινηθεὶσ οὐδὲ στενάξασ, ἀλλὰ καθεστῶτι τῷ προσώπῳ καὶ μετὰ σιωπῆσ ὑπερβολάσ τινασ ἀλγηδόνων ἐν ταῖσ τομαῖσ ἀνασχόμένοσ· , τὸν δ̓· ἰατροῦ μετιόντοσ ἐπὶ θάτερον οὐκέτι παρέσχε, φήσασ ὁρᾶν τὸ ἐπανόρθωμα τῆσ ἀλγηδόνοσ οὐκ ἄξιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 6

(플루타르코스, Caius Marius, chapter 6)

상위

목록

SEARCH

MENU NAVIGATION