헬라어 문장 검색 - Παυσαν́Δεσξριπ́8́51́

(파우사니아스, Description of Greece, Ἀρκαδικά, chapter 51)

Φιλοποίμην δὲ ὑπὸ τὸν καιρὸν ἐσπεσὼν τοῦτον ἐσ τὴν Σπάρτην ἠνάγκασεν ἐσ τὸ Ἀχαϊκὸν Λακεδαιμονίουσ συντελέσαι. μετὰ δὲ οὐ πολὺν χρόνον Τίτοσ μὲν Ῥωμαίων τῶν περὶ τὴν Ἑλλάδα ἡγεμὼν καὶ Διοφάνησ ὁ Διαίου Μεγαλοπολίτησ, ἄρχειν ἐν τῷ τότε ᾑρημένοσ τῶν Ἀχαιῶν, ἤλαυνον ἐπὶ τὴν Λακεδαίμονα, ἐπενεγκόντεσ αἰτίαν Λακεδαιμονίοισ βουλεύειν σφᾶσ νεώτερα ἐσ Ῥωμαίουσ· Φιλοποίμην δέ, καίπερ ἐν τῷ παρόντι ἰδιώτησ ὤν, ἀπέκλεισαν ὅμωσ ἐπιοῦσιν αὐτοῖσ <τὰσ> πύλασ.

Λακεδαιμόνιοι δὲ τούτων τε ἕνεκα καὶ ὧν ἐσ ἀμφοτέρουσ τοὺσ τυράννουσ ἐτόλμησεν, ἐδίδοσαν οἶκον αὐτῷ τὸν Νάβιδοσ ἐσ πλέον ἢ τάλαντα ἑκατόν·

ὁ δὲ ὑπερεφρόνησέ τε τῶν χρημάτων καὶ ἐκέλευε τοὺσ Λακεδαιμονίουσ θεραπεύειν δόσεσιν ἀνθ’ αὑτοῦ τοὺσ ἐν τῷ συλλόγῳ τῶν Ἀχαιῶν πιθανοὺσ τῷ πλήθει, ταῦτα δὲ ἐσ Τιμόλαον αὐτῷ λέγουσιν ὑποσημαίνεσθαι. ἀπεδείχθη δὲ καὶ αὖθισ Ἀχαιῶν στρατηγῆσαι. Λακεδαιμονίων δὲ τηνικαῦτα ἐσ ἔμφυλον προηγμένων στάσιν, τριακοσίουσ μὲν τῆσ στάσεωσ μάλιστα αἰτίουσ ἐξέβαλεν ἐκ Πελοποννήσου καὶ τῶν εἱλώτων τε ἀπέδοτο ὅσον τρισχιλίουσ, τείχη δὲ περιεῖλε τῆσ Σπάρτησ καὶ τοῖσ ἐφήβοισ προεῖπε μὴ τὰ ἐκ τῶν νόμων τῶν Λυκούργου μελετᾶν, ἐφήβοισ δὲ τοῖσ Ἀχαιῶν κατὰ ταὐτὰ ἀσκεῖσθαι.

καὶ τοῖσ μὲν ὕστερον ἀποδώσειν ἔμελλον Ῥωμαῖοι παιδείαν τὴν ἐπιχώριον· Ἀντίοχον δὲ ἀπόγονον Σελεύκου τοῦ ὀνομασθέντοσ Νικάτοροσ καὶ Σύρων τὴν σὺν αὐτῷ στρατιὰν Μανίου καὶ Ῥωμαίων ἐν Θερμοπύλαισ <νικησάντων> καὶ Ἀρισταίνου τοῖσ Ἀχαιοῖσ τοῦ Μεγαλοπολίτου παραινοῦντοσ ἐπαινεῖν τὰ Ῥωμαίοισ ἀρέσκοντα ἐπὶ παντὶ μηδὲ ἀνθίστασθαί σφισιν ὑπὲρ μηδενόσ, ὁ Φιλοποίμην ἀπεῖδεν ἐσ τὸν Ἀρίσταινον σὺν ὀργῇ καὶ αὐτὸν τῇ Ἑλλάδι ἔφη τὴν πεπρωμένην ἐπιταχύνειν·

ἐκείνου δὲ ἀπελθόντοσ τότε ἤδη κατελθεῖν τοὺσ φυγάδασ ἐφίησιν ἐσ Σπάρτην.

ἔμελλε δ’ ἄρα ὑπεροψίασ δίκη περιήξειν καὶ Φιλοποίμενα.

ὡσ γὰρ δὴ τῶν Ἀχαιῶν ὄγδοον ἀπεδείχθη τότε ἡγεμών, ἀνδρὶ οὐ τῶν ἀδόξων ὠνείδισεν ἁλῶναι ζῶντα ὑπὸ τῶν πολεμίων αὐτόν· καὶ ‐ ἦν γὰρ τηνικαῦτα ἐσ Μεσσηνίουσ Ἀχαιοῖσ ἔγκλημα ‐ Λυκόρταν σὺν τῇ στρατιᾷ ὁ Φιλοποίμην ἀποστέλλει δῃώσοντα τῶν Μεσσηνίων τὴν χώραν, αὐτὸσ δὲ τρίτῃ μάλιστα ὕστερον ἡμέρᾳ, πυρετῷ τε ἐχόμενοσ πολλῷ καὶ πρόσω βεβιωκὼσ ἑβδομήκοντα ἐτῶν, ὅμωσ ἠπείγετο μετασχεῖν Λυκόρτᾳ τοῦ ἔργου· ἱππέασ δὲ καὶ πελταστὰσ ἦγεν ὅσον ἑξήκοντα. Λυκόρτασ μὲν δὴ καὶ ὁ σὺν αὐτῷ στρατὸσ ἀνέστρεφον ἤδη τηνικαῦτα ἐσ τὴν οἰκείαν, οὔτε ἐργασάμενοι μέγα Μεσσηνίουσ οὐδὲν οὔτε αὐτοὶ παθόντεσ·

Φιλοποίμενα δὲ ‐ ἐβλήθη γὰρ ἐν τῇ μάχῃ τὴν κεφαλὴν καὶ ἀπέπεσεν ἀπὸ τοῦ ἵππου ‐ ζῶντα ἐσ Μεσσήνην ἄγουσιν αὐτόν. συνελθόντων δὲ αὐτίκα ἐσ ἐκκλησίαν, διάφοροι παρὰ πολὺ καὶ οὐ πάντων κατὰ ταὐτὰ ἐγίνοντο αἱ γνῶμαι· Δεινοκράτησ μὲν καὶ ὅσοι τῶν Μεσσηνίων ἦσαν δυνατοὶ χρήμασι, παρεκελεύοντο ἀποκτεῖναι Φιλοποίμενα·

οἱ δὲ τοῦ δήμου περιποιῆσαι τὰ μάλιστα εἶχον σπουδήν, πλέον τι ἢ παντὸσ τοῦ Ἑλληνικοῦ πατέρα ὀνομάζοντεσ. Δεινοκράτησ δὲ καὶ ἀκόντων Μεσσηνίων ἔμελλεν τε ἄρα Φιλοποίμενα ἀναιρήσειν ἐσπέμψασ φάρμακον. Λυκόρτασ δὲ μετ’ οὐ πολὺ ἀθροίσασ ἔκ τε Ἀρκαδίασ καὶ παρ’ Ἀχαιῶν δύναμιν ἐστράτευσεν ἐπὶ Μεσσήνην·

ὁ τῶν Μεσσηνίων προσεχώρησε τοῖσ Ἀρκάσι, καὶ οἱ Φιλοποίμενι αἰτίαν θανάτου παρασχόντεσ ἁλόντεσ πλὴν Δεινοκράτουσ ὑπέσχον τιμωρίαν οἱ ἄλλοι, Δεινοκράτησ δὲ ἀφίησιν αὐτοχειρίᾳ τὴν ψυχήν.

κατάγουσι δὲ καὶ ἐσ Μεγάλην πόλιν τοῦ Φιλοποίμενοσ τὰ ὀστᾶ οἱ Ἀρκάδεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 51

(파우사니아스, Description of Greece, Ἀρκαδικά, chapter 51)

상위

목록

SEARCH

MENU NAVIGATION