헬라어 문장 검색 - Παυσαν́Δεσξριπ́8́48́

(파우사니아스, Description of Greece, Ἀρκαδικά, chapter 48)

τῆσ ἀγορᾶσ δὲ μάλιστα ἐοικυίασ πλίνθῳ κατὰ τὸ σχῆμα, Ἀφροδίτησ ἐστὶν ἐν αὐτῇ ναὸσ καλούμενοσ ἐν πλινθίῳ καὶ ἄγαλμα λίθου. στήλαισ δὲ ἐπειργασμένοι τῇ μὲν Ἀντιφάνησ ἐστὶ καὶ Κρῖσοσ καὶ Τυρωνίδασ τε καὶ Πυρρίασ, οἳ νόμουσ Τεγεάταισ θέμενοι τιμὰσ καὶ ἐσ τόδε παρ’ αὐτῶν ἔχουσιν· ἐπὶ δὲ τῇ ἑτέρᾳ στήλῃ πεποιημένοσ ἐστὶν Ιἄσιοσ ἵππου τε ἐχόμενοσ καὶ κλάδον ἐν τῇ δεξιᾷ φέρων φοίνικοσ· νικῆσαι δὲ ἵππῳ φασὶν ἐν Ὀλυμπίᾳ τὸν Ιἄσιον, ὅτε Ἡρακλῆσ ἔθετο ὁ Θηβαῖοσ τὰ Ὀλύμπια. ἐν μὲν δὴ Ὀλυμπίᾳ κοτίνου τῷ νικῶντι δίδοσθαι στέφανον καὶ ἐν Δελφοῖσ δάφνησ, τοῦ μὲν ἤδη τὴν αἰτίαν ἀπέδωκα ἐν τοῖσ ἐσ Ἠλείουσ, τοῦ δὲ καὶ ἐν τοῖσ ἔπειτα δηλώσω·

ἐν Ἰσθμῷ δὲ ἡ πίτυσ καὶ τὰ ἐν Νεμέᾳ σέλινα ἐπὶ τοῦ Παλαίμονοσ καὶ τοῦ Ἀρχεμόρου τοῖσ παθήμασιν ἐνομίσθησαν. οἱ δὲ ἀγῶνεσ φοίνικοσ ἔχουσιν οἱ πολλοὶ στέφανον· ἐσ δὲ τὴν δεξιάν ἐστι καὶ πανταχοῦ τῷ νικῶντι ἐστιθέμενοσ φοῖνιξ. ἐνομίσθη δὲ ἐπὶ τοιῷδε·

Θησέα ἀνακομιζόμενον ἐκ Κρήτησ φασὶν ἐν Δήλῳ ἀγῶνα ποιήσασθαι τῷ Ἀπόλλωνι, στεφανοῦν δὲ αὐτὸν τοὺσ νικῶντασ τῷ φοίνικι. τοῦτο μὲν δὴ ἄρξαι λέγουσιν ἐντεῦθεν·

τοῦ δὲ φοίνικοσ τοῦ ἐν Δήλῳ μνήμην ἐποιήσατο καὶ Ὅμηροσ ἐν Ὀδυσσέωσ ἱκεσίᾳ πρὸσ τὴν Ἀλκίνου θυγατέρα. ἔστι δὲ καὶ Ἄρεωσ ἄγαλμα ἐν τῇ Τεγεατῶν ἀγορᾷ.

τοῦτο ἐκτετύπωται μὲν ἐπὶ τῇ στήλῃ, Γυναικοθοίναν δὲ ὀνομάζουσιν αὐτόν. ὑπὸ γὰρ τὸν Λακωνικὸν πόλεμον καὶ Χαρίλλου τοῦ Λακεδαιμονίων βασιλέωσ τὴν πρώτην ἐπιστρατείαν λαβοῦσαι αἱ γυναῖκέσ σφισιν ὅπλα ἐλόχων ὑπὸ τὸν λόφον ὃν Φυλακτρίδα ἐφ’ ἡμῶν ὀνομάζουσι· συνελθόντων δὲ τῶν στρατοπέδων καὶ τολμήματα ἀποδεικνυμένων ἑκατέρωθεν τῶν ἀνδρῶν πολλά τε καὶ ἄξια μνήμησ, οὕτω φασὶν ἐπιφανῆναί σφισι τὰσ γυναῖκασ καὶ εἶναι τὰσ ἐργασαμένασ ταύτασ τῶν Λακεδαιμονίων τὴν τροπήν, Μάρπησσαν δὲ τὴν Χοίραν ἐπονομαζομένην ὑπερβαλέσθαι τῇ τόλμῃ τὰσ ἄλλασ γυναῖκασ, ἁλῶναι δὲ ἐν τοῖσ Σπαρτιάταισ καὶ αὐτὸν Χάριλλον· καὶ τὸν μὲν ἀφεθέντα ἄνευ λύτρων, καὶ ὁρ́κον Τεγεάταισ δόντα μήποτε Λακεδαιμονίουσ στρατεύσειν ἔτι ἐπὶ Τεγέαν, παραβῆναι τὸν ὁρ́κον, τὰσ γυναῖκασ δὲ τῷ Ἄρει θῦσαί τε ἄνευ τῶν ἀνδρῶν ἰδίᾳ τὰ ἐπινίκια καὶ τοῦ ἱερείου τῶν κρεῶν οὐ μεταδοῦναι σφᾶσ τοῖσ ἀνδράσιν.

ἀντὶ τούτων μὲν τῷ Ἄρει γέγονεν <ἡ> ἐπίκλησισ· πεποίηται δὲ καὶ Διὸσ Τελείου βωμὸσ καὶ ἄγαλμα τετράγωνον·

περισσῶσ γὰρ δή τι τῷ σχήματι τούτῳ φαίνονταί μοι χαίρειν οἱ Ἀρκάδεσ. καὶ μνήματά ἐστιν ἐνταῦθα Τεγεάτου τοῦ Λυκάονοσ καὶ Μαιρᾶσ γυναικὸσ τοῦ Τεγεάτου· θυγατέρα Ἄτλαντόσ φασιν εἶναι τὴν Μαιράν, ἧσ δὴ καὶ Ὅμηροσ ἐποιήσατο μνήμην ἐν Ὀδυσσέωσ λόγοισ πρὸσ Ἀλκίνουν περί τε ὁδοῦ τῆσ ἐσ Αἵδην καὶ ὁπόσων ἐθεάσατο ἐκεῖ τὰσ ψυχάσ.

τὴν δὲ Εἰλείθυιαν οἱ Τεγεᾶται ‐ καὶ γὰρ ταύτησ ἔχουσιν ἐν τῇ ἀγορᾷ ναὸν καὶ ἄγαλμα ‐ ἐπονομάζουσιν Αὔγην ἐν γόνασι, λέγοντεσ ὡσ Ναυπλίῳ παραδοίη τὴν θυγατέρα Ἄλεοσ ἐντειλάμενοσ ἐπαναγαγόντα αὐτὴν ἐσ θάλασσαν καταποντῶσαι·

τὴν δὲ ὡσ ἤγετο πεσεῖν τε ἐσ γόνατα καὶ οὕτω τεκεῖν τὸν παῖδα, ἔνθα τῆσ Εἰλειθυίασ ἐστὶ τὸ ἱερόν. οὗτοσ ὁ λόγοσ διάφοροσ μέν ἐστιν ἑτέρῳ λόγῳ, λάθρᾳ τὴν Αὔγην τεκεῖν τοῦ πατρὸσ καὶ ἐκτεθῆναι τὸν Τήλεφον λέγοντι ἐσ τὸ ὄροσ τὸ Παρθένιον καὶ τῷ παιδὶ ἐκκειμένῳ διδόναι γάλα ἔλαφον· λέγεται δὲ οὐδὲν ἧσσον καὶ οὗτοσ ὑπὸ Τεγεατῶν ὁ λόγοσ. πρὸσ δὲ τῷ ἱερῷ τῆσ Εἰλειθυίασ ἐστὶ Γῆσ βωμόσ, ἔχεται δὲ τοῦ βωμοῦ λίθου λευκοῦ στήλη·

ἐπὶ δὲ αὐτῆσ Πολύβιοσ ὁ Λυκόρτα καὶ ἐπὶ ἑτέρᾳ στήλῃ τῶν παίδων τῶν Ἀρκάδοσ Ἔλατόσ ἐστιν εἰργασμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 48

(파우사니아스, Description of Greece, Ἀρκαδικά, chapter 48)

상위

목록

SEARCH

MENU NAVIGATION